தமிழகத்தில் மழை நீடிக்கும்; வானிலை !

**krishnaamma** · **krishnaamma** Tue May 17, 2016 11:14 pm

சென்னை: வங்கக் கடலில் மையம் கொண்டுள்ள காற்றழுத்த தாழ்வு மண்டலம் வலுப்பெற்றுள்ளதால் தமிழகத்தில் இன்னும் 2 நாட்கள் மழை நீடிக்கும் என சென்னை வானிலை மையம் தெரிவித்துள்ளது.

இலங்கை அருகே வங்கக் கடலில் கடந்த 2 நாட்களுக்கு முன்னர் தாழ்வு பகுதி வடக்கு நோக்கி நகர்ந்து தாழ்வு மண்டலமாக உருப்பெற்றுள்ளது. இதனால் மழை 2 நாட்கள் மழை பெய்யும்.

இது குறித்து வானிலை மைய இயக்குனர் பாலச்சந்திரன் கூறியதாவது: இலங்கை அருகே மையம் கொண்ட காற்றழுத்த தாழ்லு வலுப்பெற்று மண்டலமாக மாறியுள்ளது.

இன்று காலை சென்னைக்கு கிழக்கே 240 கி.மீ., தொலைவில் மையம் கொண்டுள்ளது. இது 48 மணி நேரத்தில் வலுப்பெற்று வட மேற்கு வடக்கு திசை நகர்ந்து செல்லக்கூடும் என எதிர்பார்க்கப்படுகிறது. தமிழகம் முழுவதும் பரவலாக மழை பெய்யக்கூடும். தென் தமிழகத்தில் சில இடங்களில் கன மழை பெய்யக்கூடும். தெற்கு ஆந்திர கடற்கரை பகுதியில் மீனவர்கள் செல்ல வேண்டாம். தரைக்காற்று பலமாக வீசக்கூடும். வட தமிழகத்தில் பலத்த மழை பெய்யும். சென்னை, காஞ்சிபுரம், திருவள்ளூரில் கன மழை பெய்யும்.

திருவாரூர் நன்னிலம் பகுதியில் அதிகபட்சமாக 14 செ.மீ., மழை பதிவாகியுள்ளது. இவ்வாறு அவர் கூறினார்.

dinamalar