இனிமை இனிமை இதோ இதோ !

**T.N.Balasubramanian** · **T.N.Balasubramanian** Sun 29 May 2016 - 21:29

இனிமை இனிமை இதோ இதோ !

காலை எழுந்து ,எப்போதும் போல் ஈகரை பதிவேட்டில் , வருகை தந்து,
அவசியமான வீட்டு வேலைகள் இருந்ததால் , வெளியே போகவேண்டிய அவசியம் நேர்ந்தது .
அதான் அய்யா S

எனது மருமகனுடன் 10 மணி சுமாருக்கு OMR பகுதிக்கு சென்று இருந்தேன் .
அங்குதான் நமது MJagadeesan அவர்களும் இருக்கிறார்கள்
இதுவரை ஈகரையில் பதிவுகளால் சந்தித்துக் கொண்ட நாங்கள்
முதன் முறையாக நேரிடையாக சந்திக்கும் வாய்ப்பு கிடைத்தது .

அவரது வீட்டிற்கு அன்புடன் அழைத்துச் சென்றார் .
அன்புடன் வரவேற்று உபசரித்த அவரது ,துணைவியார் ,
சூடிகையான பேத்தி , அமைதியாக TV இல் லயித்த பேரன் ,
பின்பு இணைந்த மகன் .மிகவும் மனதிற்கு இன்பத்தை சேர்த்தது .
நெடுநாளைய நண்பரை நீண்ட இடைவெளிக்கு பிறகு சந்தித்த உணர்வு ஏற்பட்டது .
அதிக நேரம் அவருடனும் அவர் குடும்பத்தினருடனும் அளவளாவ முடியாத சூழ் நிலை .

ஆம் *மத்ய பிரதேச **முக்கிய பிரச்சனை தீர்க்க ஒரு குழுவின் பிரதம குழு தலைவராகநான் போகவேண்டிய அவசியம் இருந்ததால் 10 /15 நிமிடங்களில் Jagadeesan குடும்பத்தினரிடம் விடைப் பெற்று திரும்பினோம் .

* உடலின் மத்தியப் பிரதேசம் ---வயிறு
** முக்கியப் பிரச்சனை ---வேறென்ன சாப்பிடுவதுதான் .

மைலாப்பூரில் , கல்யாண சமையல் புகழ் "பட்டப்பாவின் தளிகை " புதிதாக ஆரம்பிக்கப்பட்ட உணவகம் .
முக்கிய பிரச்னையை எல்லோரின் மனம் மகிழ இனிய முறையில் நிறைவேற்றப்பட்டது .

இனிய நாள் இந்த நாள்
இனி ஒரு முறை வருமோ
இதுபோல் .

ரமணியன்

**ராஜா** · **ராஜா** Sun 29 May 2016 - 21:43

மிக்க மகிழ்ச்சி ஐயா

இந்த பதிவைத் துவங்கியவர் நன்றி கூறியுள்ளார் ராஜா

**T.N.Balasubramanian** · **T.N.Balasubramanian** Sun 29 May 2016 - 21:47

உங்கள் வரவையும் ஆவலுடன் எதிர்பார்த்துள்ளேன் , ராஜா !

ரமணியன்

**M.Jagadeesan** · **M.Jagadeesan** Sun 29 May 2016 - 22:07

என் அழைப்பினை ஏற்று , தங்கள் மருமகனுடன் , என் வீட்டிற்கு வந்தமைக்கு மிக்க நன்றி !

நல்லாரைக் காண்பதுவும் நன்றே நலமிக்க
நல்லார்சொல் கேட்பதுவும் நன்றே - நல்லார்
குணங்கள் உரைப்பதுவும் நன்றே; அவரோடு
இணங்கி இருப்பதுவும் நன்று .

என்ற ஔவையின் வாக்கிற்கு இணங்க , தங்களைச் சந்தித்ததில் மிக்க மகிழ்ச்சி . ஈகரையில் கண்ட ரமணியனைப் போலவே நேரிலும் பழகினீர்கள் .

மீண்டும் சந்திக்க ஆவல் .