அனல் பறந்த தமிழக தேர்தல் பரப்புரை 6 மணியுடன் ஒய்ந்தது

by **ayyasamy ram** Sat May 14, 2016 8:14 pm

தமிழகம், புதுச்சேரி, கேரளாவில், சட்டப்பேரவைத் தேர்தலுக்கான பரப்புரை ஓய்ந்தது. இதனைத் தொடர்ந்து, நாளை மறுநாள் நடைபெற உள்ள வாக்குப்பதிவிற்கான ஏற்பாடுகள், தீவிரமடைந்துள்ளன.

தமிழகம், புதுச்சேரி, கேரளாவில், நாளை மறுநாள் ஒரே கட்டமாக வாக்குப்பதிவு நடைபெறுகிறது. இதனை முன்னிட்டு, அந்தந்த மாநிலங்களில், தீவிர பரப்புரைகள் மேற்கொள்ளப்பட்டு வந்தன. இவை, இன்று மாலை 6 மணிக்கு நிறைவுபெற்றுள்ளன.

முக்கிய தலைவர்கள் போட்டியிடும் தொகுதிகள், பதற்றமான வாக்குச்சாவடிகள் என பல்வேறு கூறுகளாக தரம்பிரிக்கப்பட்டு, பாதுகாப்பு மற்றும் கண்காணிப்பு நடவடிக்கைகள் தீவிரப்படுத்தப்பட்டுள்ளன. வாக்குப்பதிவு முடியும் நேரம் வரை இடைநிற்றல் எதுவும் இன்றி, தொடர்ந்து பாதுகாப்பு ஏற்பாடுகளை மேற்கொள்ள நடவடிக்கை எடுக்கப்பட்டுள்ளது.

பணப்பட்டுவாடாவைத் தடுக்க, தேர்தல் ஆணையம், அனைத்து வகையான கண்காணிப்பு மற்றும் சோதனைகளை தீவிரப்படுத்தியுள்ளது. வாக்குச்சாவடிகள் அனைத்தும், அந்தந்த மாவட்ட தேர்தல் அலுவலர்களின் நேரடி கண்காணிப்பில் கொண்டுவரப்படுகின்றன.

வாக்குப்பதிவு எந்திரங்களை வாக்குச்சாவடிகளுக்கு, கொண்டுசெல்லும் பணிகள் தொடங்கப்பட உள்ளன. பதற்றமான வாக்குச்சாவடிகளில் பாதுகாப்பு மற்றும் கண்காணிப்பு, முன்னெப்போதும் இல்லாத வகையில் மேற்கொள்ளப்படுகிறது.
-
புதிய தலைமுறை

by **T.N.Balasubramanian** Sat May 14, 2016 9:13 pm

sun TV இன் சுமங்கலி சேனல் விஷன் -set top box telecast பண்ணும் போது
Jaya TV JayaPlus செய்திகளை block பண்ணுகிறார்கள் தெரிவதில்லை .
அதே போல் modi மற்றும் BJP தலைவர்கள் 2G scam பற்றி பேசும் போதெல்லாம் block பண்ணிவிட்டது .

ரமணியன்

by **ayyasamy ram** Sat May 14, 2016 9:43 pm

சபாஷ்...சரியான போட்டி...!!
-

by **T.N.Balasubramanian** Sat May 14, 2016 10:08 pm

கொ/ கே ........அரசியல் வாதிகளை தமிழகம் சந்திக்கப் போகிறது

ரமணியன்

by **krishnaamma** Sat May 14, 2016 11:35 pm

அப்பாடா என்று இருக்கும் தமிழக பேச்சாளர்களுக்கு ஜாலி

by **krishnaamma** Sat May 14, 2016 11:36 pm

T.N.Balasubramanian wrote:sun TV இன் சுமங்கலி சேனல் விஷன் -set top box telecast பண்ணும் போது
Jaya TV JayaPlus செய்திகளை block பண்ணுகிறார்கள் தெரிவதில்லை .
அதே போல் modi மற்றும் BJP தலைவர்கள் 2G scam பற்றி பேசும் போதெல்லாம் block பண்ணிவிட்டது .

ரமணியன்

என்ன அநியாயம் ஐயா இது?........எல்லா சானல்களுக்கும் தானே பணம் கட்டுகிறோம் நாம்? .... அதிர்ச்சி

by சிவனாசான் Sun May 15, 2016 5:05 am

பரப்புரைதான் ஓய்ந்தது. பணபட்டுவாடா பர்ப்புரை இன்றி பண்பாக நடைபெறுகிறது>>>>>>>>>>>>>>>>>>

by **M.Jagadeesan** Sun May 15, 2016 8:11 am

எங்கள் வீட்டில் நான்கு வோட்டுகள் உள்ளன . இலைக் கட்சிக்காரர்கள் பணம் கொடுக்க ( 4 X 300 = 1200 ) முன் வந்தார்கள் . நான் வேண்டாம் என்று சொல்லிவிட்டேன் .

இலவச மின்சாரம் , செல்போன் , 50 % ஸ்கூட்டர் மான்யம் என்றெல்லாம் அறிவிப்பு செய்துவிட்டு , பணம் வேறு எதற்கு கொடுக்கவேண்டும் ?

by **ayyasamy ram** Sun May 15, 2016 8:51 am

குடும்ப அட்டை வாங்கும்போது, என் கார்டு (வெள்ளை நிற அட்டை)
வாங்கியதால், எனக்கு எந்த இலவசமும் கிடைப்பதில்லை..!!
-
ஓட்டுக்கு பணம் வாங்க முடியாத
தொடர்பு எல்லைக்கு அப்பால் இருப்பதால்
அதுவும் இழப்பு...!!
-