‘சீன அதிகாரிகள் நடத்தை மோசம்’: பிரிட்டன் ராணி புகாரால் பரபரப்பு

**ayyasamy ram** · **ayyasamy ram** Fri May 13, 2016 2:45 pm

லண்டன்:
சீன அரசு அதிகாரிகள் முரட்டுத்தனமாக நடந்து
கொண்டதாக, குற்றம் சாட்டும் தொனியில்,
பிரிட்டன் ராணி எலிசபெத் கூறிய, வீடியோ காட்சி
வெளியாகி, பரபரப்பை ஏற்படுத்தி உள்ளது.

சீன அதிபர் ஜி ஜின்பிங், கடந்தாண்டு, தன் மனைவியுடன்,
பிரிட்டனுக்கு சுற்றுப்பயணம் செய்தார். அவருக்கு,
பிரிட்டனில் சிறப்பான வரவேற்பு அளிக்கப்பட்டது.

அந்த பயணம் வெற்றிகரமாக அமைந்ததாக, இரு
நாடுகளும் கூறியிருந்தன.இந்நிலையில், அந்த பயணத்தின்
போது, சீன அதிபருடன் வந்திருந்த சீன அரசு அதிகாரிகள்
குறித்து, பிரிட்டன் ராணி எலிசபெத், 90, கூறிய வாசகங்கள்,
வீடியோவாக வெளியாகி உள்ளன.

சீன அதிபரின் வருகையின்போது, அவர் பாதுகாப்பு
ஏற்பாடுகளை, ஸ்காட்லாந்து யார்டு பாதுகாப்பு கமாண்டர்
லுாசி டிஓர்சி கவனித்தார். பிரிட்டன் ராணிக்கு, லுாசி
அறிமுகம் செய்து வைக்கப் பட்டார்.

அப்போது, சீனாவுக்கான பிரிட்டன் துாதர் பார்பரா உட்வர்டை,
சீன அரசு அதிகாரிகள் நடத்திய விதம் குறித்து பேசப்பட்டது.

அச்சமயம், ராணி பேசுகையில், ‘ஓ, அது துரதிருஷ்டம்;
சீன அதிகாரிகள், முரட்டுத்தனமாக நடந்து கொண்டனர்.
வழக்கத்துக்கு மாறாக, மிகவும் மோசமான நடத்தை அது’
எனக் கூறியுள்ளார். இந்த காட்சிகளை, பக்கிங்காம்
அரண்மனை புகைப்படக்காரர் வீடியோ எடுத்துள்ளார்.

இந்த வீடியோ தற்போது வெளியாகி, பெரும் பரபரப்பை
ஏற்படுத்தி உள்ளது. பிரிட்டன் ராணியின் விமர்சனத்திற்கு
பதிலடியாக, பி.பி.சி., தொலைக்காட்சி ஒளிபரப்பு, சீனாவில்
தடை செய்யப் பட்டுள்ளது.
–
——————————
தினமலர்

**Dr.S.Soundarapandian** · **Dr.S.Soundarapandian** Sat May 14, 2016 10:49 am

‘சீன அதிகாரிகள் நடத்தை மோசம்’: பிரிட்டன் ராணி புகாரால் பரபரப்பு

‘சீன அதிகாரிகள் நடத்தை மோசம்’: பிரிட்டன் ராணி புகாரால் பரபரப்பு

Re: ‘சீன அதிகாரிகள் நடத்தை மோசம்’: பிரிட்டன் ராணி புகாரால் பரபரப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக