உச்ச நீதிமன்ற நீதிபதிகளாக நாகேஸ்வர் ராவ் உட்பட நால்வர் பதவியேற்பு

மூத்த வழக்கறிஞர் எல்.நாகேஸ்வர ராவ், டி.ஓய்.சந்திரசூட்,
அஜய் மாணிக் ராவ் கான்வில்கர், அசோக் பூஷண் ஆகிய
நால்வரும் இன்று (வெள்ளிக்கிழமை) உச்ச நீதிமன்ற
நீதிபதியாக பதவியேற்றுக் கொண்டனர்.
–
அவர்கள் நால்வருக்கு தலைமை நீதிபதி டி.எஸ்.தாக்கூர்
பதவிப் பிரமாணம் செய்து வைத்தார்.
–
உச்ச நீதிமன்ற தலைமை நீதிபதி தலைமையிலான
கொலிஜியம், ஜெயலலிதா வழக்கில் ஆஜராகும் மூத்த வழக்கறிஞர்
எல்.நாகேஸ்வர ராவின் பெயரை உச்ச நீதிமன்ற நீதிபதியாக
நியமிக்க மத்திய சட்ட அமைச்சகத்துக்கு கடந்த 3-ம் தேதி
பரிந்துரை செய்த‌து.
–
அவர் தவிர‌, அலகாபாத் உயர்நீதிமன்ற தலைமை நீதிபதி
டி.ஓய்.சந்திரசூட், மத்திய பிரதேச உயர் நீதிமன்ற தலைமை நீதிபதி
அஜய் மாணிக் ராவ் கான்வில்கர், கேரள உயர் நீதிமன்ற நீதிபதி
அசோக் பூஷண் ஆகியோரின் பெயர்களும் பரிந்துரை செய்யப்
பட்டிருந்த‌து.
–
மத்திய சட்ட அமைச்சர் சதானந்த கவுடா தலைமையிலான
சட்ட அமைச்சகம் கொலிஜியத்தின் பரிந்துரையை ஏற்றுக்கொண்டது.
நீதிபதிகளாக பரிந்துரை செய்யப்பட்டுள்ள 4 பேரின் ஆவணங்களும்
கோப்புகளும் சரி பார்க்கும் பணிகள் வரை நடைபெற்றது.
–
இதையடுத்து நால்வரின் பெயர்களும் குடியரசுத் தலைவரின்
ஒப்புதலுக்காக அனுப்பி வைக்கப்பட்டது.
–
சட்ட அமைச்சகத்தின் பரிந்துரையை ஏற்று குடியரசுத் தலைவர்
பிரணாப் முகர்ஜி நீதிபதிகள் டி.ஓய்.சந்திரசூட்,
அஜய் மாணிக் ராவ் கான்வில்கர், அசோக் பூஷண் மற்றும் மூத்த
வழக்கறிஞர் எல்.நாகேஸ்வர ராவ் ஆகியோரை உச்ச நீதிமன்ற
நீதிபதியாக நியமிக்க நேற்று (வியாழக்கிழமை) ஒப்புதல் அளித்தார்.
–
அதனையடுத்து இன்று (வெள்ளிக்கிழமை) காலை அவர்கள்
நால்வருக்கு தலைமை நீதிபதி டி.எஸ்.தாக்கூர் பதவிப் பிரமாணம்
செய்து வைத்தார்.
–
—————————
தினமலர்