வார இறுதி - திரைப்பட செய்திகள் - தொடர் பதிவு

**ayyasamy ram** · **ayyasamy ram** Sat May 07, 2016 10:26 am

இத்தனை ப்ரியங்காவா? குழப்பம் தவிர்க்க பெயர் மாற்றிய தமிழ் நடிகை!
-
வார இறுதி - திரைப்பட செய்திகள் - தொடர் பதிவு 5tt5vLSQD2mQOoi3PVky+saaral

-
கங்காரு, வந்தா மல, கோடை மழை போன்ற படங்களில்
நாயகியாக நடித்தவர் ஸ்ரீப்ரியங்கா. இப்போது சாரல் படத்தில்
நாயகியாக நடித்துள்ளார். புதுச்சேரியைச் சேர்ந்த தமிழ்ப்
பெண் இவர்.

சொந்தக் குரலில் டப்பிங் பேசக்கூடியவர்.. இவர் தற்போது
தனது பெயரை ஸ்ரீ ஜா என மாற்றிக் கொண்டுள்ளார்.

புதுச்சேரியைச் சேர்ந்த தமிழ்ப் பெண்ணான ஸ்ரீப்ரியங்கா,
சாரல் உள்ளிட்ட சில படங்களில் நடித்து வருகிறார். தன்னுடைய
பெயர் மாற்றம் குறித்து அவர் கூறும்போது:

‘ப்ரியங்கா என்கிற பெயரில் இங்கே ஏற்கெனவே சில நடிகைகள்
இருந்தது, இருப்பது இப்போதுதான் எனக்குத் தெரிந்தது. வீணாகப்
பெயர்க் குழப்பம் வேண்டாமே என்பதற்காக ஸ்ரீ ஜா என்று பெயரை
மாற்றிக்கொண்டுள்ளேன்.

இன்னொன்று நியூமராலஜிபடியும் எனக்கு இந்தப் பெயர் சரியாக
இருக்கும்’ என்று கூறியுள்ளார்.

**ayyasamy ram** · **ayyasamy ram** Sat May 07, 2016 10:27 am

சமீபத்தில் சாரல் பட இசை வெளியீட்டு விழாவில், நடிகர்கள் விவேக்,
விஜய் சேதுபதி, இயக்குநர் விக்ரமன் ஆகியோர் முன்னிலையில் தன்
ஆதங்கத்தை வெளிப்படுத்தினார் ஸ்ரீ ஜா.
அந்த விழாவில் அவர் பேசியதாவது:

‘நான் நடித்த மூன்று படங்களிலுமே எனக்கு நல்ல பெயர் கிடைத்தது.
எந்தக் காட்சியிலும் சொதப்பியதில்லை. எல்லா இயக்குநர்களிடமும்
நல்ல பெயர் பெற்றிருக்கிறேன். இருந்தாலும் எனக்கு ஏன் இன்னும்
தமிழ் சினிமாவில் முன்னணி இடம் கிடைக்கவில்லை? தமிழ்ப்
பொண்ணு என்பதாலா? என்கிற கேள்வி எனக்குள் இருந்துகொண்டே
உள்ளது.

இந்தக் கேள்வியை எனக்குள்ளே வைத்துக் கொண்டிருப்பதைவிட
மீடியாக்கள், திரையுலகப் பிரமுகர்கள் இருக்கும் இந்த மேடையில்
வெளிப்படுத்தினால் விடை கிடைக்குமோ என்றுதான் இங்கே
சொல்கிறேன்’ என்றார்.

இந்நிலையில் தற்போது தனது பெயரை அவர் மாற்றிக்
கொண்டுள்ளார்.
–
———————————————–
தினமணி

**ayyasamy ram** · **ayyasamy ram** Sat May 07, 2016 10:29 am

றெக்க – விஜய் சேதுபதியின் புதிய படம்!
-
வார இறுதி - திரைப்பட செய்திகள் - தொடர் பதிவு DbeBvteTXW3QRq5VHekx+rekka

-
விஜய் சேதுபதியின் புதிய படமான றெக்க-யின்
பூஜை விழா இன்று நடைபெற்றது.
இந்தப் படத்தில் விஜய் சேதுபதியின் ஜோடியாக
லட்சுமி மேனன் நடிக்கிறார்.

இருவரும் முதல்முறையாக ஜோடி சேர்கிறார்கள்.
ரத்தின சிவா இயக்கும் இப்படத்துக்கு இமான்
இசையமைக்கிறார்.

**ayyasamy ram** · **ayyasamy ram** Sun May 08, 2016 2:36 pm

அஜித் படத்தில் சந்தானம்!
-
வார இறுதி - திரைப்பட செய்திகள் - தொடர் பதிவு DZe87ZBuSSeTBuA0cuGb+untitled1

-
கதாநாயகனான பின், எந்த படத்திலும், காமெடியனாக
நடிக்கவில்லை சந்தானம்.

ஆனால், அஜித் நடிக்கும், 57வது
படத்தில் காமெடியனாக நடிப்பார் என்று கூறப்படுகிறது.

இதற்கு முன், அஜித்தின் கிரீடம், பில்லா மற்றும் வீரம் போன்ற
படங்களில், காமெடியனாக கலக்கிய சந்தானம் சமீபத்தில்,
அஜித்தை சந்தித்தபோது, இதற்கான பேச்சுவார்த்தை நடந்தது.

இனிமேல் காமெடியனாக நடிப்பதில்லை என்ற கொள்கையை
பின்பற்றி வந்தபோதும், அஜித் படம் என்பதால், தன்
கொள்கையை சற்று தளர்த்தியுள்ளார்.

**ayyasamy ram** · **ayyasamy ram** Sun May 08, 2016 2:38 pm

இம்சை அரசனாக மீண்டும் வடிவேலு!
-
வார இறுதி - திரைப்பட செய்திகள் - தொடர் பதிவு IWdwOQ45RAKUhCTU9yyt+untitled

-
விஷாலின், கத்திச்சண்டை படத்தில், மீண்டும் காமெடியனாக
நடிக்கும் வடிவேலு, ஏற்கனவே தான் நடித்த இம்சை அரசன்
23ம் புலிகேசி படத்தின், இரண்டாம் பாகத்திலும் நடிக்கிறார்.
–
முதல் பாகத்தை இயக்கிய சிம்புதேவனே இரண்டாம் பாகத்தையும்
இயக்குகிறார். இப்படத்தையும், இயக்குனர் ஷங்கரே தயாரிக்கிறார்.
–
மேலும், இப்படத்தில் நடிக்க, வடிவேலுவுக்கு, ஐந்து கோடி ரூபாய்
சம்பளம் பேசப்பட்டுள்ளது.
–
—————————————-
— சி.பொ.,

**ayyasamy ram** · **ayyasamy ram** Sun May 08, 2016 3:23 pm

தெலுங்கு சூப்பர் ஸ்டாரை இயக்கும் அட்லி!
-
வார இறுதி - திரைப்பட செய்திகள் - தொடர் பதிவு Z4ZyzYlrQCedwIeqWiRV+untitled1109

-
விஜய்யின், தெறி படத்தை இயக்கிய அட்லி,
அடுத்து, தெலுங்கு சூப்பர் ஸ்டார் மகேஷ்பாபுவை வைத்து,
ஒரு படம் இயக்குகிறார்.
–
தற்போது, மகேஷ்பாபுவை வைத்து ஏ.ஆர்.முருகதாஸ் படம்
இயக்கி வரும் நிலையில், அப்படம் முடிந்ததும், தன் படத்தை
துவங்கயிருக்கும் அட்லி, அப்படத்தில் விஜய்யை, கெஸ்ட்
ரோலில் நடிக்க வைப்பதற்கான பேச்சு வார்த்தையில்
ஈடுபட்டுள்ளார்.
–
——————–
— சி.பொ