அதிமுக தேர்தல் அறிக்கை வெளியீடு

**ayyasamy ram** · **ayyasamy ram** Fri 6 May 2016 - 12:25

-
அனைத்து குடும்ப அட்டைதாரர்களுக்கும் கைப்பேசி
விலையின்றி வழங்கப்படும் என்றும் விவசாயிகள்
கூட்டுறவு வங்கிகளில் பெற்றுள்ள அனைத்து வகையான
கடன்களும் தள்ளுபடி செய்யப்படும் என்றும் அதிமுக
தேர்தல் அறிக்கையில் குறிப்பிடப்பட்டுள்ளது.
–
சட்டப் பேரவைத் தேர்தலையொட்டி, அதிமுக
வேட்பாளர்களை ஆதரித்து ஈரோடு மாவட்டம்
பெருந்துறையில் பிரசாரக் கூட்டம் வியாழக்கிழமை
நடைபெற்றது.
–
இதில், அதிமுக தேர்தல் அறிக்கையை முதல்வரும்,
கட்சியின் பொதுச் செயலருமான ஜெயலலிதா
வெளியிட்டார்.
–
தேர்தல் அறிக்கையை முதல்வர் ஜெயலலிதாவிடம்
இருந்து மக்களவை துணைத் தலைவர் மு.தம்பிதுரை,
ஒரு விவசாயி, இல்லத்தரசி, இளம்பெண் ஆகியோர்
பெற்றுக் கொண்டனர்

**ayyasamy ram** · **ayyasamy ram** Fri 6 May 2016 - 12:26

இந்தத் தேர்தல் அறிக்கையில் உள்ள முக்கிய அம்சங்கள்:
–
* அனைத்து குடும்ப அட்டைதாரர்களுக்கும்
கைப்பேசி விலையின்றி வழங்கப்படும்.

* கூட்டுறவு வங்கிகளுக்கு சிறு, குறு விவசாயிகள்
செலுத்த வேண்டிய பயிர்க் கடன், நடுத்தர காலக் கடன்,
நீண்ட காலக் கடன் ஆகிய அனைத்தும் தள்ளுபடி
செய்யப்படும்.

* நிகழாண்டு முதல் 2021-ஆம் ஆண்டு வரை 5 ஆண்டு
காலத்தில் ரூ.40 ஆயிரம் கோடி அளவுக்கு பயிர்க்
கடன்கள் கூட்டுறவு வங்கிகள் மூலம் வழங்கப்படும்.

* உரிய காலத்தில் கடனைத் திருப்பிச் செலுத்தும்
விவசாயிகளுக்கு முழு வட்டி மானியம் தொடர்ந்து
வழங்கப்படும்.

* இப்போதைய கணக்கீட்டு முறைப்படி, 100 யூனிட்
மின்சாரம் கட்டணம் ஏதுமில்லாமல் வீடுகளுக்கு
வழங்கப்படும். இதனால், 100 யூனிட் வரை பயன்
படுத்தும் 78 லட்சம் மின் உபயோகிப்பாளர்கள் மின்
கட்டணம் ஏதும் செலுத்த வேண்டியதில்லை.

* கைத்தறி நெசவாளர்களுக்கு கட்டணமில்லாமல்
வழங்கப்படும் மின்சாரம் 200 யூனிட்டுகளாகவும்,
விசைத்தறிக்கான மின்சாரம் 750 யூனிட்களாகவும்
உயர்த்தப்படும்.

* தமிழ்நாடு அரசு கேபிள் தொலைக்காட்சி இணைப்பு
பெற்றவர்களுக்கு செட்-டாப் பாக்ஸ் விலையின்றி
வழங்கப்படும்.

பெரிய பேருந்து நிலையங்கள், வணிக வளாகங்கள்,
பூங்காக்கள் போன்ற பொது இடங்களில், “வை-பை’
எனும் கம்பியில்லாத இணையதள வசதி
கட்டணமில்லாமல் வழங்கப்படும்.

* அனைத்து ஊராட்சி ஒன்றியங்களிலும் அம்மா
இரு சக்கர வாகன பழுது பார்க்கும் பயிற்சி மையம்
உருவாக்கப்படும். இதில் வழங்கப்படும் குறுகிய
கால பயிற்சி பெறுவோருக்கு சுய தொழில் தொடங்க
உதவிகள் வழங்கப்படும்.

* வேலைவாய்ப்பு அலுவலகத்தில் பதிவு செய்து
காத்திருக்கும் இளைஞர்களுக்கு உதவித்
தொகையானது 10-ஆம் வகுப்பு முடித்தோருக்கு
ரூ.300-ம், பிளஸ் 2 முடித்தோருக்கு ரூ.400-ம்,
பட்டதாரிகளுக்கு ரூ.600 என்ற அளவில் உயர்த்தி
வழங்கப்படும்.

* வேலையில்லாமல் உள்ளவர்களின் கல்விக்
கடனை அரசே திரும்பச் செலுத்தும்.

* பணியிடங்களுக்கு மகளிர் எளிதில் செல்லும்
வகையில் இரு சக்கர வாகனங்கள் வாங்குவதற்கு
50 சதவீத மானியம் கொடுக்கப்படும்.

* அதிக வட்டிக்கு தனியாரிடம் பெற்றுள்ள
கடன்களை திருப்பிச் செலுத்தும் வகையில்,
ரூ.1,000 வரை சுலபத் தவணையில் செலுத்தக் கூடிய
வட்டியில்லாக் கடன் அளிக்கப்படும்.

வாரம் ரூ.10 என்ற அளவுக்கு, திருப்பி செலுத்தலாம்.
இதன்படி வழங்கப்படும் அம்மா கார்டை பயன்படுத்தி
அனைத்து வங்கிப் பரிவர்த்தனைகளையும் செய்யலாம்.
அரசு கட்டணங்களையும், அரசின் அனைத்துச்
சேவைகளையும் பெற இந்தக் கார்டை பயன்படுத்தலாம்
என்று தேர்தல் அறிக்கையில் தெரிவிக்கப்பட்டுள்ளது.
–
———————-

**ayyasamy ram** · **ayyasamy ram** Fri 6 May 2016 - 12:26

முக்கிய அம்சங்கள்
–
* மடிக் கணினியுடன் கட்டணமில்லா இணையதள
இணைப்பு வசதி
* பம்பு செட்டுகளுக்கு 80 சதவீதம் மானியம்
* மீன்பிடி தடைக்கால நிவாரண உதவித் தொகை
ரூ.5 ஆயிரமாக உயரும்.
* விடுமுறையில் கல்லூரி மாணவ-மாணவிகளுக்கு
வேலைவாய்ப்புப் பயிற்சி
* ரூ.5 கோடியில் அம்பேத்கர் அறக்கட்டளை
* மண்பாண்ட-உப்பளத் தொழிலாளர்களுக்கு மழைக்
கால பராமரிப்பு உதவித் தொகை ரூ.5 ஆயிரமாக
அதிகரிக்கப்படும்
* மீனம்பாக்கம்-செங்கல்பட்டு வரை உயர்நிலை
நெடுஞ்சாலை மேம்பாலம்.
* அரசுத் துறை சேவைகள் இணையம்-கைப்பேசி
மூலம் அளிக்கப்படும்.
* ரூ.100 கோடியில் அம்மா ஈடு உத்தரவாத நிதியம்
ஏற்படுத்தப்படும். குறு-சிறு-நடுத்தர தொழில்
நிறுவனங்கள் ஈடு ஏதுமின்றி கடன் பெறலாம்.
* படிப்படியாக மதுவிலக்கு
* லோக்-ஆயுக்த உருவாக்கப்படும்
* புதிய கிரானைட் கொள்கை
* அரசு ஊழியர்களுக்கு பழைய ஓய்வூதியத் திட்டம்
தொடர நடவடிக்கை.
* வீடு கட்ட முன் பணம் ரூ.40 லட்சமாக உயரும்.
* வழக்குரைஞர் சேம நலநிதி ரூ.7 லட்சமாக உயரும்.
பள்ளிகளில் காலைச் சிற்றுண்டி; தாலிக்கு 8 கிராம் தங்கம்
தொடக்கப் பள்ளி குழந்தைகளுக்கு காலைச் சிற்றுண்டி
அளிக்கப்படும் என்று அதிமுக தேர்தல் அறிக்கையில்
தெரிவிக்கப்பட்டுள்ளது.
–
———–

**ayyasamy ram** · **ayyasamy ram** Fri 6 May 2016 - 12:27

இதுகுறித்து, தேர்தல் அறிக்கையில் வெளியிடப்பட்ட
வாக்குறுதிகள்:-
–
* தொடக்கப் பள்ளி குழந்தைகளுக்கு சத்துணவுத்
திட்டத்தின் கீழ், காலை சிற்றுண்டி வழங்கப்படும்.
–
* மகளிர்-குழந்தைகள் நலன் பேணும் வகையில்,
செறிவூட்டப்பட்ட ஆவின் பால் லிட்டர் ரூ.25 என்ற
குறைந்த விலையில் வழங்கப்படும்.
–
* திருமண உதவித் திட்டங்களின் கீழ் உதவித்
தொகையுடன் வழங்கப்படும் தங்கம் 4 கிராமில்
இருந்து ஒரு சவரன் (8 கிராம்) என உயர்த்தி
அளிக்கப்படும்.
–
* மகப்பேறு நிதியுதவி ரூ.12 ஆயிரத்தில் இருந்து
ரூ.18 ஆயிரமாக உயர்த்தப்படும். அரசு ஊழியர்களுக்கு
மகப்பேறு கால விடுப்பு 6 மாதத்திலிருந்து 9 மாதமாக
அதிகரிக்கப்படும்.
–
* பொங்கலுக்கு கோ-ஆப்டெக்ஸில் இருந்து துணிகள்
வாங்கிக் கொள்ள ரூ.500-க்கான வெகுமதி கூப்பன்
அளிக்கப்படும் என தேர்தல் அறிக்கையில் தெரிவிக்கப்
பட்டுள்ளது.
–
————————————–

தினமணி

Hari Prasath · Hari Prasath Fri 6 May 2016 - 16:25

இப்போதைய கணக்கீட்டு முறைப்படி, 100 யூனிட்
மின்சாரம் கட்டணம் ஏதுமில்லாமல் வீடுகளுக்கு
வழங்கப்படும். இதனால், 100 யூனிட் வரை பயன்
படுத்தும் 78 லட்சம் மின் உபயோகிப்பாளர்கள் மின்
கட்டணம் ஏதும் செலுத்த வேண்டியதில்லை.

கரண்ட் பில் கட்டமுடியாம கூடவா நாம இருக்கோம் என்ன கொடுமை சார் இது

Hari Prasath · Hari Prasath Fri 6 May 2016 - 16:28

புதிய கிரானைட் கொள்கை

Hari Prasath · Hari Prasath Fri 6 May 2016 - 16:37

தி.மு.க.வும் சரி அ.தி.மு.க. வும் சரி இளைஞர் நலனில் ஒரு தவறான கொள்கையை கொண்டுள்ளன கோபம்

.படித்து முடித்து வேலையில்லாமல் இருக்கும் இளம்தலைமுறையினருக்கு வேலைவாய்ப்பை ஏற்படுத்தி தருவதே ஒரு நல்ல அரசின் கடமையாகும்.
அதை விடுத்து வேலையில்லா இளைஞர்க்கு உதவித்தொகை கொடுத்து ஊக்குவிப்பது மிகவும் தவறாகும்.
உதவி செய்யாலனாலும் உபத்திரவம் செய்யாமல் இருக்கலாம்.

**M.Jagadeesan** · **M.Jagadeesan** Fri 6 May 2016 - 18:57

கந்தல் துணியை வைத்துக்கொண்டு , இரண்டு நாய்கள் , தெருவிலே விளையாடுவதைப் பார்த்திருக்கலாம் .
அந்தத் துணியைக் கடித்துக் குதறி , பீஸ் பீஸாக கிழித்துக் கொண்டிருக்கும்.

கந்தல் துணிதான் தமிழ்நாடு. இரண்டு திராவிடக் கட்சிகள்தான்...............................? ( பூர்த்தி செய்துகொள்க )

shobana sahas · shobana sahas Sat 7 May 2016 - 2:28

M.Jagadeesan wrote:கந்தல் துணியை வைத்துக்கொண்டு , இரண்டு நாய்கள் , தெருவிலே விளையாடுவதைப் பார்த்திருக்கலாம் .
அந்தத் துணியைக் கடித்துக் குதறி , பீஸ் பீஸாக கிழித்துக் கொண்டிருக்கும்.

கந்தல் துணிதான் தமிழ்நாடு. இரண்டு திராவிடக் கட்சிகள்தான்...............................? ( பூர்த்தி செய்துகொள்க )

மேற்கோள் செய்த பதிவு: 1206119
ஆமோதித்தல்

Hari Prasath · Hari Prasath Sat 7 May 2016 - 15:39

M.Jagadeesan wrote:கந்தல் துணியை வைத்துக்கொண்டு , இரண்டு நாய்கள் , தெருவிலே விளையாடுவதைப் பார்த்திருக்கலாம் .
அந்தத் துணியைக் கடித்துக் குதறி , பீஸ் பீஸாக கிழித்துக் கொண்டிருக்கும்.

கந்தல் துணிதான் தமிழ்நாடு. இரண்டு திராவிடக் கட்சிகள்தான்...............................? ( பூர்த்தி செய்துகொள்க )

மேற்கோள் செய்த பதிவு: 1206119

பூர்த்தி செய்து மேல் உள்ள இரு ஜீவன்களை களங்கப்படுத்த வேண்டாம் என நினைக்கின்றேன்.
அவை நன்றியுள்ளவை.

Sponsored content · Sponsored content

அதிமுக தேர்தல் அறிக்கை வெளியீடு

அதிமுக தேர்தல் அறிக்கை வெளியீடு

Re: அதிமுக தேர்தல் அறிக்கை வெளியீடு

Re: அதிமுக தேர்தல் அறிக்கை வெளியீடு

Re: அதிமுக தேர்தல் அறிக்கை வெளியீடு

Re: அதிமுக தேர்தல் அறிக்கை வெளியீடு

Re: அதிமுக தேர்தல் அறிக்கை வெளியீடு

Re: அதிமுக தேர்தல் அறிக்கை வெளியீடு

Re: அதிமுக தேர்தல் அறிக்கை வெளியீடு

Re: அதிமுக தேர்தல் அறிக்கை வெளியீடு

Re: அதிமுக தேர்தல் அறிக்கை வெளியீடு

Re: அதிமுக தேர்தல் அறிக்கை வெளியீடு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக