400 ரயில்வே ஸ்டேஷனில் வைபை

by **ayyasamy ram** Sat May 07, 2016 9:57 am

புதுடில்லி:
இன்னும் ஒராண்டில் 400 ரயில்வே ஸ்டேஷன்களில் வைபை
இன்டர்நெட் வசதி ஏற்படுத்தப்படும் என ரயில்டெல் கார்ப்ரேஷன்
மார்க்கெட்டிங் பொது மேலாளர் சைலேஷ் திவாரி கூறினார்.

பிரதமர் மோடி தலைமையிலான அரசு டிஜிட்டல் இந்தியா என்ற
கனவு திட்டம் மிக வேகமாக முன்னெடுத்து செல்கிறது. இதில்
இன்டர்நெட் சேவையில் புரட்சி ஏற்படுத்தும் நோக்கில் முக்கிய
நகரங்களில் ரயில்வே நிலையம் சார்ந்த பகுதியில் தந்திஇல்லா
இணைய தள வசதி வைபை இணைப்பு வழங்க மத்திய அரசு முடிவு
செய்துள்ளது. இதன் ஒரு பகுதியாக விஜயவாடா ரயில்வே நிலையத்தில்
இதற்கான ஆரம்ப கட்ட பணியை நேற்று திவாரி துவக்கி வைத்தார்.

அவர் நிருபர்களிடம் பேசுகையில்: ரயில்வே மற்றும் தொலை தொடர்பு
கூகுள் நிறுவனத்துடன் இணைந்து இந்த திட்டத்தை செயல்படுத்த முடிவு
செய்துள்ளோம்.இந்த ஆண்டு இறுதிக்குள் 400 ரயில்வே ஸ்டேஷன்களில்
வைபை வசதி ஏற்படுத்தப்படும். மேலும் நகரும் ரயில்களிலும் வைபை
வசதி கொண்டு வர முயற்சிகள் மேற்கொள்ளப்பட்டு வருகின்றன.

மத்திய கல்வி நிறுவனங்களில் வைபை வசதி கொண்டு வரப்படும்.
இது மாணவ, மாணவிகளுக்கு பெரும் உதவியாக இருக்கும்
-
---------------------------------
தினமலர்