ஆஸ்திரியாவில் பாஸ்போர்ட், பணத்தை பறிகொடுத்த நடிகை வித்யூலேகா சென்னை திரும்பினார்

-
சென்னை,
-
ஆஸ்திரியாவில் பாஸ்போர்ட் மற்றும் பணத்தை பறிகொடுத்து தவித்த நடிகை வித்யூலேகா ராமன் தற்காலிக பாஸ்போர்ட் மூலம் சென்னை திரும்பினார்.
-
நகைச்சுவை நடிகை
-
நடிகர் மோகன் ராமனின் மகள் வித்யூலேகா ராமன். இவர் சில படங்களில் நகைச்சுவை வேடங்களில் நடித்துள்ளார். நீதானே என் பொன் வசந்தம், வீரம், புலி, விண்ணைத்தாண்டி வருவாயா, தீயா வேலை செய்யணும் குமாரு, ஜில்லா, வேதாளம் போன்றவை இவர் நடித்த முக்கிய படங்கள்.
-
வித்யூலேகா ராமன் கோடை விடுமுறைக்காக தோழிகளுடன் ஆஸ்திரியா நாட்டுக்கு சென்றார். தலைநகர் வியன்னாவில் உள்ள நட்சத்திர ஓட்டல் ஒன்றின் வரவேற்பறையில் தோழிகளுடன் நின்றுகொண்டு இருந்தார்.
-
திருட்டு


அப்போது ஒருவன் வித்யூலேகாவிடம் ஒரு துண்டு சீட்டை நீட்டி முகவரி கேட்டான். அந்த சீட்டை பார்த்துக்கொண்டு இருந்தபோது இன்னொருவன் அவரது பையை பறித்துக்கொண்டு ஓடினான். இதனால் பதறிப்போன வித்யூலேகாவும் தோழிகளும் கத்தினார்கள் அந்த ஆசாமியை பிடிக்க முடியவில்லை. ஓடி மறைந்து விட்டான். அந்த பைக்குள்தான் வித்யூலேகா ராமனின் பாஸ்போட், கிரடிட் கார்டு மற்றும் பணம் இருந்தது. இதனால் நாடு திரும்ப முடியாமல் தவித்தார்.


இதுகுறித்து அங்குள்ள இந்திய தூதரகத்தில் புகார் செய்யப்பட்டது. போலீசிலும் புகார் அளித்தார். இந்தியா திரும்ப உதவும்படி பிரதமர் நரேந்திர மோடிக்கும் மத்திய மந்திரி சுஷ்மா சுவராஜுக்கும் வித்யூலேகாவும் மோகன் ராமனும் டுவிட்டரில் வேண்டுகோள் விடுத்தனர்.


புதிய பாஸ்போர்ட்


இதைதொடர்ந்து இந்திய தூதரகம் அவசர நடவடிக்கை எடுத்தது. வித்யூலேகாவுக்கு தற்காலிகமாக புதிய பாஸ்போர்ட் வழங்க ஏற்பாடு செய்தது. அந்த பாஸ்போர்ட்டில் அவர் நேற்று காலை டெல்லி வந்து சேர்ந்தார். பின்னர் மாலை டெல்லியில் இருந்து சென்னை திரும்பினார்.


இதுகுறித்து மோகன் ராமன் கூறும்போது, ‘‘ஆஸ்திரியாவில் பிரபலமான நட்சத்திர ஓட்டலிலேயே எனது மகளிடம் திருட்டு நடந்துள்ளது. அவர் இந்தியா திரும்ப பிரதமர் நரேந்திர மோடியிடம் கோரிக்கை வைத்தோம். எனது மகள் தற்காலிக பாஸ்போர்ட்டில் சென்னை அனுப்பி வைக்கப்பட்டு இருக்கிறார். இந்த பாஸ்போர்ட் ஒரு பயணத்துக்கு மட்டுமே செல்லுபடியாகும். மகள் பத்திரமாக திரும்பியது மகிழ்ச்சி அளிக்கிறது.’’ என்றார்.


தினத்தந்தி

நட்சத்திர ஹோடேலில் லாபி இலா இப்படி நடந்தது ??? நம்பவே முடியலையே ......

shobana sahas wrote:நட்சத்திர ஹோடேலில் லாபி இலா இப்படி நடந்தது ??? நம்பவே முடியலையே ......

மேற்கோள் செய்த பதிவு: 1206129

ம்ம்.... எம்பசிக்கு சொல்வதர்க்குள்ளே வெப் துனியாக்கு சொல்லிட்டாங்க விவரத்தை