உலக வில்வித்தையில் இந்தியாவுக்கு 3 பதக்கம்

**ayyasamy ram** · **ayyasamy ram** Mon 2 May 2016 - 13:22

-
ஷாங்காய்,

உலக கோப்பை வில்வித்தை போட்டி (முதலாம் நிலை)
சீனாவின் ஷாங்காய் நகரில் கடந்த ஒரு வார காலமாக
நடந்து வந்தது.

கடைசி நாளான நேற்று நடந்த ரிகர்வ் பிரிவின் இறுதி
ஆட்டத்தில் இந்திய அணி, சீனத்தைபேயை எதிர்கொண்டது.

தீபிகா குமாரி, பம்பையலா தேவி, லட்சுமிராணி மஜி
ஆகியோர் அடங்கிய இந்திய குழுவினர், இலக்கை குறி
வைத்து அம்புவை எய்வதில் சாதுர்யமாக செயல்பட
தவறியதால் 2-6 என்ற புள்ளி கணக்கில் சீனத்தைபேயிடம்
அதிர்ச்சி தோல்வி அடைந்தனர்.

இதனால் இந்திய அணி வெள்ளிப்பதக்கத்துடன் திருப்திப்பட
வேண்டியதாயிற்று.

ஆண்கள் பிரிவில் வெண்கலப்பதக்கத்துக்கான ஆட்டத்தில்
மங்கள்சிங் சாம்பியா, அதானு தாஸ், ஜெயந்தா தலுக்தர்
ஆகியோர் கொண்ட இந்திய அணியினர் 6-0 என்ற புள்ளி
கணக்கில் இங்கிலாந்தை பதம் பார்த்து வெண்கலப்
பதக்கத்தை கைப்பற்றினர்.

கலப்பு இரட்டையரில் இந்தியாவின் தீபிகா குமாரி,
அதானு தாஸ் ஜோடி, கொரியாவின் அரியம் ஜோ-சியோங்
கேயல் இணையுடன் மோதியது. கடும் சவால் நிலவிய
இந்த பந்தயத்தில் 4-4 என்ற கணக்கில் சமநிலை எட்டியதால்
‘சூட்-ஆப்’ முறை கடைபிடிக்கப்பட்டது. இதிலும்
தொடக்கத்தில் சமநிலை நீடித்தாலும் இறுதியில் கொரியாவின்
சவாலை இந்திய ஜோடி முடிவுக்கு வந்தது.

தீபிகா-அதானு கூட்டணி 5-4 என்ற புள்ளி கணக்கில் வெற்றி
பெற்று வெண்கலப்பதக்கத்தை தட்டிச் சென்றது.
–
———————-

**krishnaamma** · **krishnaamma** Wed 11 May 2016 - 0:17

உலக வில்வித்தையில் இந்தியாவுக்கு 3 பதக்கம் 3838410834

உலக வில்வித்தையில் இந்தியாவுக்கு 3 பதக்கம்

உலக வில்வித்தையில் இந்தியாவுக்கு 3 பதக்கம்

Re: உலக வில்வித்தையில் இந்தியாவுக்கு 3 பதக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக