புதுக்கவிதை

by ந.க.துறைவன் Mon May 02, 2016 5:56 am

First topic message reminder :

பொறுப்பு…!!
*
இன்று விடிந்ததிலிருந்தே
வெளுத்தப்படியே இருக்கிறது
மேகங்களற்ற வெப்ப வானம்.
இன்று விடிந்ததிலிருந்தே
தகிக்கும் வெப்பம்
மனிதர்களையும் பறவைகளையும்
வெளியில் போக வேண்டாமென
அச்சுறுத்துகிறது சூரியக்கதிர் வீச்சுக்கள்.
இன்று விடிந்ததிலிருந்தே
எத்தனை டிகிரி கொதிக்கும் அனலோ?
எந்தத் திசைவழியாயும் சென்றும்
திரும்புகின்றது வெப்பக் காற்று.
இப்பவே இப்படியென்றால்,
இன்னும் கத்திரித் தொடங்கினால்
எப்படி அனல் பறக்குமோ?
வெயில் என்றாலே மனிதர்களுக்கு
நெஞ்சில் எழுகின்றது வெறுப்பு
நெருப்பு.
அதுவும் இந்த அவலநிலைக்கு
எந்தக் கோடைக் காலத்திற்கும் – அந்த
ஆதவனே முழு பொறுப்பு.
*

by **விமந்தனி** Mon Jul 18, 2016 11:17 pm

இறந்தவர் எந்தப் பகுதியென்று
எவருக்கும் தெரியாது?
இறந்தவரை இரக்க உணர்வோடு
பார்க்கிறார்கள்
நாளை இறக்கப் போகிறவர்கள்!!

by **krishnaamma** Mon Jul 18, 2016 11:51 pm

விமந்தனி wrote:
இறந்தவர் எந்தப் பகுதியென்று
எவருக்கும் தெரியாது?
இறந்தவரை இரக்க உணர்வோடு
பார்க்கிறார்கள்
நாளை இறக்கப் போகிறவர்கள்!!

மேற்கோள் செய்த பதிவு: 1216545

ஆமோதித்தல்

by சிவனாசான் Tue Jul 19, 2016 8:56 pm

வேண்டாம் வன்முறை.

வன்முறை
அடியோடு
களைய வேண்டும்.
வாழ்க்கையோ
தலைமுறை,
தலைமுறையாய்ச்
செழிக்க
வேண்டும். ..... (கவிஞர்-க.மு)

by சிவனாசான் Tue Jul 19, 2016 9:01 pm

கையூட்டு

கையூட்டு
வாங்காதே....!
அது
உன்
கையைப்
பூட்டி விடும்,
கௌரவத்தைப்
போக்கிவிடும்,
வேலையை
இழக்கவைத்து விடும்........(கவிஞர்-க.மு)

by சிவனாசான் Wed Jul 20, 2016 5:52 pm

பெண்ணை வெறுப்பது ஏன்?

பெண்ணே....!

பெண்ணை நம்பு!
பெண் என்றால்
பெருஞ் சுமையா ?
பெண் சிசுவைக்
கருவில் அழிப்பதா ?
பெண்ணாய் நீ இருந்தும்
பெண்ணை வெறுப்பது ஏன் ?

ஆணே !

பெண்ணை நம்பு !
பெண் என்றால்
பேரிழப்பா ?
பெண் இல்லையேல்
வாழ்க்கை உண்டா ?
பெண்ணால் பேரின்பம்
அடையும் நீ.....,
பெண்ணை வெறுப்பது ஏன் ?

சமுதாயமே...!

பெண்ணை நம்பு !
சரித்திரம் படைக்கும்
பெண்ணை,
சங்கடமாய்ப் பார்ப்பதா ?
நாளைய சமுதாயம்
உருவாக வேண்டாமா ?
நன்றி கெட்ட சமுதாயமே
நினைத்துப் பார் ! !

< கவிஞர் க.மு >

by சிவனாசான் Thu Jul 21, 2016 8:04 pm

[color=#CC0033]நுகர்வோர் குறைதீர் மன்றம்>>[/color]

மாவட்ட நுகர்வோர்
குறைதீர் மன்றத்தில்
முறையிட்டேன்
ஓர் வழக்கு.

மூன்றாண்டாகியும்
மூச்சேதும் இல்லை
இதுதான் நுகர்வோர்
குறை தீர்வா?!
விழிப்புணர்வா?!!

by சிவனாசான் Thu Jul 21, 2016 8:08 pm

கவிஞன் என்பவன்>>>

எதிர்கால நிலையை
எண்ணி,
நடை முறைகளை
நடுநிலைப்படுத்தி,
சமுதாய சாட்சியங்களாய்...!
காலத்தாயின் மடியில்,
சாகாவரம் பெற்று
இருப்பவன்
கவிஞன்....!

(க.மு)

by சிவனாசான் Sat Jul 23, 2016 9:52 pm

இறந்த பிறகே ஒரேஇனம்.

பணக்காரன்,
ஏழை,
உயர்ந்தவன்,
தாழ்ந்தவன்,
படித்தவன்,
படிப்பறிவில்லான்,
இப்படி இவர்களில்....!
பல இனம்.

இறந்தபின்
யாவரும்
பிணம்என்ற
ஒரே இனம்!

<கவிஞர்.க.மு>

கலைச் சிற்பங்கள்

கருவில்
உருவாகி,
உருவில்
திருவாகி,
மண்ணில்
எருவாகும்
கலை சிற்பங்கள்.

(கவிஞர் க.மு)

by சிவனாசான் Tue Jul 26, 2016 5:13 am

எடைபோடாதே

ஏழை என்று
எண்ணாதே!
அவனிடம்
தன்மானம்
உள்ளது.

கோழை
என்று
எண்ணாதே1
அவனிடம்
தன்னடக்கம்
உள்ளது.

வெட்டியான்
என்று
எண்ணாதே!
அவனிடம்
தன்னம்பிக்கை
உள்ளது

(கவிஞர்> க.மு)