ஆயுதம் தடுப்போம் !

**M.Jagadeesan** · **M.Jagadeesan** Thu Apr 28, 2016 8:41 am

கத்தி எடுத்தவன் கத்தியால்தான் சாவான் !
ஆகையினால்
கத்தியைத் தீட்டாதே ! உந்தன் புத்தியைத் தீட்டு !
அறிவு அற்றம் காக்கும் கருவியென்று
அய்யன் வள்ளுவன் அன்றே சொன்னான் .

ஆங்கிலேயனை ஆயுதம் கொண்டா
அப்புறப்படுத்தினார் அண்ணல் காந்தி ?
இல்லையே !
அஹிம்சை என்னும் ஆயுதத்தால் அன்றோ
அடித்து விரட்டினார் !
அவருடைய பேனா மூடி கழண்ட போதெல்லாம்
ஆங்கிலேயனின் மணிமுடி ஆட்டம் கண்டது !
பேனா முனை , வாள்முனையைக் காட்டிலும்
வலிமை வாய்ந்தது அல்லவா ?

வல்லவனுக்கு வாள்களும் , கேடயங்களும் தேவையில்லை !
வல்லவனுக்குப் புல்லும் ஆயுதம் ! அவன்
நாவசைந்தால் ; நாடே அசையும் !

வகுப்பறையில்
ஆசிரியரின் கைப் பிரம்புகளால் எதுவும் செய்ய முடியாது ;
மாறாக அவர்தம் நாக்கிலே உள்ள
நரம்புகளால் நல்ல குடிமகன்களை உருவாக்க முடியும் .

நாகசாகிகளை நாசப்படுத்திய சதிகாரர்களை
இவ்வுலகு நினைவில் கொள்வதில்லை ;
மாறாக
போதிமரங்களையும் , போர்பந்தர் களையும்தான்
என்றும் நினைவிலே வைத்திருக்கும் !

**krishnaamma** · **krishnaamma** Thu Apr 28, 2016 10:03 am

கத்தி எடுத்தவன் கத்தியால்தான் சாவான் !
ஆகையினால்
கத்தியைத் தீட்டாதே ! உந்தன் புத்தியைத் தீட்டு !
அறிவு அற்றம் காக்கும் கருவியென்று
அய்யன் வள்ளுவன் அன்றே சொன்னான் .

அருமை ஐயா புன்னகை

............மிக அருமை !.............. மகிழ்ச்சி

ஆயுதம் தடுப்போம் !

ஆயுதம் தடுப்போம் !

Re: ஆயுதம் தடுப்போம் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக