பிஎஃப் வட்டிக் குறைப்பு: நாடாளுமன்றத்தில் எதிர்க்கட்சிகள் கண்டனம்

by **ayyasamy ram** Fri Apr 29, 2016 8:09 am

தொழிலாளர் வருங்கால வைப்பு நிதிக்கான
(பிஎஃப்) வட்டியை மத்திய நிதியமைச்சகம்
அண்மையில் குறைத்துள்ளதற்கு
மாநிலங்களவையில் எதிர்க்கட்சிகள்
வியாழக்கிழமை கடும் கண்டனம் தெரிவித்தன.

கடந்த 2015-16-ஆம் நிதியாண்டுக்கான பி.எஃப்.
தொகைக்கு 8.8 சதவீத வட்டி வழங்க வேண்டும்
என்று, மத்திய தொழிலாளர் நலத் துறை அமைச்சர்
பண்டாரு தத்தாத்ரேயா தலைமையிலான மத்திய
வாரியக் குழு (சிபிடி), கடந்த பிப்ரவரியில் பரிந்துரை
செய்திருந்தது.

ஆனால், அதற்கு மாறாக, அந்த பி.எஃப். தொகைக்கு
8.7 சதவீத வட்டியை மட்டும் வழங்குவதற்கு மத்திய
நிதியமைச்சம் சில நாள்களுக்கு முன்பு ஒப்புதல்
அளித்தது.

இந்நிலையில், இந்த விவகாரத்தை மாநிலங்களவையில்
வியாழக்கிழமை எழுப்பிய மார்க்சிஸ்ட் கம்யூனிஸ்ட்
எம்.பி. தபன் குமார் சென் பேசியதாவது:

பிஎஃப் வட்டியை நிர்ணயிக்கும் விஷயத்தில் மத்திய
நிதிமைச்சகம் தன்னிச்சையாகவும், ஜனநாயகமற்ற
வகையிலும் செயல்பட்டுள்ளது. மேலும், எதிர்காலத்தில்
பிஎஃப் வட்டியை உயர்த்துவது குறித்தும் நிதியமைச்சர்
எந்தத் தகவலையும் தெரிவிக்கவில்லை.

சுமார் 4 கோடி தொழிலாளர்களின் எதிர்கால சேமிப்பு
அரசிடம் உள்ளது. அவர்களுக்கு நியாயமான வட்டியை
வழங்க வேண்டியது அரசின் கடமை.

பிஎஃப் பிடித்தம் செய்வதை தொழிலாளர்களின்
தனிப்பட்ட விருப்பத்தின் பேரில் முடிவு செய்யலாம்
என்ற திட்டத்தையும் அரசு வைத்துள்ளது.

ஏற்கெனவே பிஎஃப் தொகைக்கு வரி என்று அறிவித்து,
அதனை மத்திய அரசு திரும்பப் பெற வேண்டிய சூழ்நிலை
ஏற்பட்டதை நினைவில் கொள்ள வேண்டும் என்றார் அவர்.
-
---------------------

by **krishnaamma** Fri Apr 29, 2016 3:09 pm

சுமார் 4 கோடி தொழிலாளர்களின் எதிர்கால சேமிப்பு
அரசிடம் உள்ளது. அவர்களுக்கு நியாயமான வட்டியை
வழங்க வேண்டியது அரசின் கடமை.

ஆமோதித்தல்

பிஎஃப் வட்டிக் குறைப்பு: நாடாளுமன்றத்தில் எதிர்க்கட்சிகள் கண்டனம்

பிஎஃப் வட்டிக் குறைப்பு: நாடாளுமன்றத்தில் எதிர்க்கட்சிகள் கண்டனம்

Re: பிஎஃப் வட்டிக் குறைப்பு: நாடாளுமன்றத்தில் எதிர்க்கட்சிகள் கண்டனம்