மக்களை தவறாக வழிநடத்தும் விளம்பர படங்களில் நடிக்கிற

**ayyasamy ram** · **ayyasamy ram** Tue Apr 26, 2016 11:29 pm

புதுடெல்லி,

உணவுப்பொருட்கள் தொடர்பான விளம்பரப்படங்களில்
நடித்து மக்களை தவறாக வழிநடத்துகிற பிரபலங்களுக்கு
கடிவாளம் தயாராகிறது.

அவர்களுக்கு 5 ஆண்டு சிறை தண்டனையும்,
ரூ.50 லட்சம் வரை அபராதம் விதிக்கவும் பாராளுமன்ற
நிலைக்குழு பரிந்துரை செய்துள்ளது.

தவறான விளம்பரப்படங்கள்

சினிமா, டி.வி., விளையாட்டு பிரபலங்கள் விளம்பரப்
படங்களில் நடிப்பதில் ஆர்வம் காட்டுகிறார்கள். லட்சக்
கணக்கில், கோடிக்கணக்கில் பணம் பெற்றுக்கொண்டு
உணவுப்பொருட்கள் தொடர்பான விளம்பரப்படங்களில்
அவர்கள் தோன்றி நடிக்கிறபோது, அவர்கள் கூறுகிற
விளம்பர வாசகங்களை நம்பி, அந்தப் பொருட்களை
வாங்கி பயன்படுத்துகிறபோது சில சமயங்களில் பாதிப்பு
அடைய நேரிடுகிறது.

இதைத் தடுக்க வேண்டும் என்று குரல் எழுந்து
வருகிறது.

புதிய சட்ட மசோதா

இதற்காக 30 ஆண்டுகளாக அமலில் இருந்து வருகிற
நுகர்வோர் பாதுகாப்பு சட்டத்தை ரத்து செய்து விட்டு,
புதிய சட்டம் இயற்றுகிற வகையில் பாராளுமன்றத்தில்
‘நுகர்வோர் பாதுகாப்பு மசோதா–2015’ கடந்த ஆண்டு
ஆகஸ்டு மாதம் தாக்கல் செய்யப்பட்டுள்ளது.

இந்த மசோதா, பாராளுமன்ற நிலைக்குழுவின்
பரிசீலனைக்கு அனுப்பப்பட்டது.

அந்தக் குழு இதுபற்றி ஆராய்ந்து தனது அறிக்கையை
அளித்துள்ளது. அந்த அறிக்கை பாராளுமன்றத்தில்
நேற்று வைக்கப்பட்டது.

பொறுப்பு ஏற்க வைத்தல்

தெலுங்குதேசம் கட்சி எம்.பி., ஜே.சி. திவாகர் ரெட்டி
தலைமையிலான இந்த குழு அளித்துள்ள அறிக்கையில்,
‘‘பொதுமக்களை தவறாக வழிநடத்துகிற விளம்பரங்களை
கட்டுப்படுத்தவும், கடும் அபராதம், சிறைத்தண்டனை
விதிக்கவும் இந்திய விளம்பர தர கவுன்சிலுக்கு
(ஏ.எஸ்.சி.ஐ.) அதிகாரம் வழங்க வேண்டும் என்று
பரிந்துரைக்கப்பட்டுள்ளது.
உணவுப்பொருள் கலப்படத்தில் ஈடுபடுகிறவர்களின்
உரிமங்களை ரத்து செய்யவும் சிபாரிசு செய்யப்பட்டுள்ளது.

உணவுப்பொருட்கள் பற்றிய தவறான தகவல்களுடன்கூடிய
விளம்பர படங்களில் நடிக்கிற பிரபலங்கள், அவர்களை
நடிக்க வைக்கிற கம்பெனிகள் பற்றி தீவிரமாக எடுத்துக்
கொள்ள வேண்டும், தவறான விளம்பரங்களில் இடம்
பெறுகிறவர்கள், பிரபலங்களை பொறுப்பு ஏற்க வைக்க
வேண்டும் என அறிக்கையில் கூறப்பட்டுள்ளது.

5 ஆண்டு சிறைத்தண்டனை

மேலும், முதல் தடவையாக குற்றம் செய்கிறவர்களுக்கு
ரூ.10 லட்சம் அபராதம் அல்லது 2 ஆண்டு சிறைத்தண்டனை
அல்லது இரண்டும் விதிக்கப்பட வேண்டும். இரண்டாவது
முறை தவறு செய்கிறபோது, ரூ.50 லட்சம் அபராதமும்,
5 ஆண்டு சிறைத்தண்டனையும் விதிக்கப்பட வேண்டும்.

தொடர்ந்து குற்றம் செய்கிறபோது ஒவ்வொரு முறையும்,
அந்த குறிப்பிட்ட பொருளின் விற்பனை அல்லது சேவையின்
தொகையின் விகிதாச்சாரப்படி அபராதம் அதிகரித்துக்கொண்டே
போக வேண்டும் என்று சிபாரிசு செய்யப்பட்டுள்ளது.

இந்த பரிந்துரைகள் ஏற்கப்பட்டு, மசோதா நிறைவேறி
சட்டமாகி விட்டால், தவறாக வழிநடத்தும் விளம்பரப்
படங்களில் நடிக்கிறவர்களுக்கு, நடிக்க வைப்பவர்களுக்கு
கடிவாளமாக அமையும்.
–
———————
தினத்தந்தி

**krishnaamma** · **krishnaamma** Tue Apr 26, 2016 11:53 pm

இந்த பரிந்துரைகள் ஏற்கப்பட்டு, மசோதா நிறைவேறி
சட்டமாகி விட்டால், தவறாக வழிநடத்தும் விளம்பரப்
படங்களில் நடிக்கிறவர்களுக்கு, நடிக்க வைப்பவர்களுக்கு
கடிவாளமாக அமையும்.

வந்தால் நல்லா இருக்கும் புன்னகை

சரவணன் · சரவணன் Thu Apr 28, 2016 2:15 am

இதை விட முக்கிய பிரச்சனையாக இருப்பது. மருத்துவ துறை சார்ந்த தொழில்.

தரமற்ற, மற்றும் முறைகேடாக மருந்து பொருட்கள் தயாரிக்கும் நிறுவனங்களை அரசு கண்டும் காணாமல் இருப்பது வேதனை.

டாக்டர் அன்புமணி அவர்கள் சுகாதாரத்துறை அமைச்சராக இருந்த போது மூடிய மருந்து நிறுவனங்கள் ஆட்சி மாற்றத்திற்கு பிறகு திறக்கப்பட்டதாம். இன்னும் நிறைய போலி மருந்துகள் சந்தையில் இருக்கின்றது என்பது வேதனையிலும் வேதனை.....

**ராஜா** · **ராஜா** Thu Apr 28, 2016 3:30 am

சரவணன் wrote:இதை விட முக்கிய பிரச்சனையாக இருப்பது. மருத்துவ துறை சார்ந்த தொழில்.

தரமற்ற, மற்றும் முறைகேடாக மருந்து பொருட்கள் தயாரிக்கும் நிறுவனங்களை அரசு கண்டும் காணாமல் இருப்பது வேதனை.

டாக்டர் அன்புமணி அவர்கள் சுகாதாரத்துறை அமைச்சராக இருந்த போது மூடிய மருந்து நிறுவனங்கள் ஆட்சி மாற்றத்திற்கு பிறகு திறக்கப்பட்டதாம். இன்னும் நிறைய போலி மருந்துகள் சந்தையில் இருக்கின்றது என்பது வேதனையிலும் வேதனை.....

அதுமட்டுமில்ல தம்பி , வெளிநாடுகளில் அபயாகரமான பின்விளைவுகளை ஏற்படுத்தும் மருந்துகள் என்று வகைபிரிக்கபட்டு தடைசெய்யப்பட்ட மருந்துகள் பல இந்தியாவில் தடையின்றி விற்பனை செய்யபடுகிறதாம்.

நான் , குழந்தைக்கு போனவருடம் (2014) குளிர்காலத்தில் வாங்கிய skin oinment , இப்ப டிசம்பரிலும் வாங்கலாம் என்று கடையில் கேட்டேன் , அது மருத்துவர் சீட்டு இல்லாமல் கொடுக்க முடியாது என்று உறுதி பட சொல்லிவிட்டார் இங்குள்ள மருந்துகடைகாரர் ஒருவர் , ஆச்சரியமாக இருந்தது.

நம்ம ஊர் மருந்துக்கடைகளில் எதை வேண்டுமானாலும் நாம் வாங்கலாம் புன்னகை

சரவணன் · சரவணன் Thu Apr 28, 2016 10:56 am

உண்மை தான் அண்ணா! வேதனை..

**krishnaamma** · **krishnaamma** Thu Apr 28, 2016 1:21 pm

சரவணன் wrote:இதை விட முக்கிய பிரச்சனையாக இருப்பது. மருத்துவ துறை சார்ந்த தொழில்.

தரமற்ற, மற்றும் முறைகேடாக மருந்து பொருட்கள் தயாரிக்கும் நிறுவனங்களை அரசு கண்டும் காணாமல் இருப்பது வேதனை.

டாக்டர் அன்புமணி அவர்கள் சுகாதாரத்துறை அமைச்சராக இருந்த போது மூடிய மருந்து நிறுவனங்கள் ஆட்சி மாற்றத்திற்கு பிறகு திறக்கப்பட்டதாம். இன்னும் நிறைய போலி மருந்துகள் சந்தையில் இருக்கின்றது என்பது வேதனையிலும் வேதனை.....

நிஜம் சரவணன், 350 மருந்துகளை உபயோகிக்க வேண்டாம் என்று லிஸ்ட் கொடுத்துள்ளர்களாம்?...........யாரிடம் தந்திருக்காங்க தெரியலை சோகம்

............படிக்காத கடைகோடி இந்தியனுக்கு எப்படித் தெரியும் எந்த எந்த மருந்துகள் என்று? .லிஸ்ட் போட்டவர்களுக்கு அதை பாக்டரி இல் உற்பத்தியே செய்யக்கூடாது என்று பூட்டு போட அல்லது band பண்ணத் தெரியாதா?........... சுட்டுத்தள்ளூ!