பள்ளிகளில் திருக்குறள் கட்டாய தனிப்பாடம்: உயர் நீதிமன்றம் உத்தரவு!

by **krishnaamma** Thu Apr 28, 2016 12:58 am

First topic message reminder :

பள்ளிகளில் திருக்குறள் கட்டாய தனிப்பாடம்: உயர் நீதிமன்றம் உத்தரவு!

வரும் கல்வி ஆண்டு முதல், 6-ம் வகுப்பில் இருந்து 12-ம் வகுப்பு வரை திருக்குறளை தனிப்பாடமாக கற்பிக்க வேண்டும் என்று உயர்நீதிமன்ற மதுரைக்கிளை உத்தரவிட்டுள்ளது.

கோவில்பட்டியைச் சேர்ந்த ராஜரத்தினம் என்பவர் உயர் நீதிமன்ற மதுரைக் கிளையில் மனு ஒன்றை தாக்கல் செய்திருந்தார். மனுவில், இளைய சமுதாயம் மிகவும் சீரழிந்து வருவதாகவும், அவர்களை நல் வழிப்படுத்த, திருக்குறளை மாணவர்களுக்கு கற்பிக்க வேண்டும் என்றும் குறிப்பிட்டிருந்தார்.

மேலும், தற்போது மனப்பாட பகுதியாக உள்ள திருக்குறளை முழு பாடத்திட்டமாக மாற்றவும் குறிப்பிட்டிருந்தார்.

இந்த மனுவை விசாரித்த நீதிபதி மகாதேவன் இளைய சமுதாயத்தின் சீரழிவை தடுக்க, திருக்குறளில் இன்பத்துப் பாடலை தவிர, மற்ற எல்லாப் பகுதியையும் கட்டாய தனிப்பாடமாக கற்பிக்க உத்தரவிட்டார்.

வரும் கல்வி ஆண்டு முதல், 6-ம் வகுப்பில் இருந்து 12-ம் வகுப்பு வரை திருக்குறளை தனிப்பாடமாக அமல்படுத்த தமிழக அரசிற்கும், பள்ளிக் கல்வித்துறைக்கும் உத்தரவிட்டார். மேலும், திருக்குறளை மாணவர்கள், புரிதலோடு கற்றுக் கொள்வது அவசியம் என்று தெரிவித்தார்.

வெப்துனியா

by **krishnaamma** Thu Apr 28, 2016 11:17 pm

மதுமிதா wrote:நல்ல திட்டம்

@க்ரிஷ்ணாம்மா: தமிழ் பள்ளி கூடங்களில் நல்லொழுக்க வகுப்பு என்று உள்ளது அதில் லைப்ரரி இல் இருந்து ஏதாவது புக் எடுத்துடு வந்து வாசிக்க சொல்லுவாங்க அல்லது யாராவது சிறந்த நீதி கதை தெரிந்தால் சொல்ல சொல்லுவாங்க .. ஆனால் 10 மற்றும் 12 வகுப்புகளில் இந்த period physics maths chemistry டீச்சர் கடன் வாங்கிடுவாங்க இப்போது எப்படி என்று தெரிய வில்லை

ம்ம்.. தெரியலையே மது புன்னகை

by **krishnaamma** Thu Apr 28, 2016 11:17 pm

மதுமிதா wrote:
balakarthik wrote:இருக்குரபாடத்தையே படிக்கமுடியல இதுல திருக்குறள் தனி பாடம் வேற கிழிஞ்சது லம்பாடி தோத்தி
- கடைசி பெஞ்ச் டெரர் பாயிஸ் சங்கம் ஓமன் கிளை
மேற்கோள் செய்த பதிவு: 1205047இல்லை அண்ணா தமிழ் ல துணைப்பாடம் என்று இருப்பது போல் இதுக்கும் ஏதாவது செய்யலாம்... துணை பட பிரிவில் இலக்கணம் மற்றும் கதை பகுதி உள்ளது அதில் இதை சேர்க்கலாம்

ஆமாம், எப்படியாவது கொஞ்சமாவது படிக்க வைத்தால் நாடு உருப்படும் புன்னகை

by **M.Jagadeesan** Fri Apr 29, 2016 1:49 pm

நீதிபதிகளும் தினந்தோறும் திருக்குறள் படிக்கவேண்டும் . குறிப்பாக " நடுவுநிலைமை " என்ற அதிகாரத்தைப் படிக்கவேண்டும் . அதிலும் குறிப்பாக

சமன்செய்து சீர்தூக்கும் கோல்போல் அமைந்தொருபால்
கோடாமை சான்றோர்க்கு அணி .

என்ற குறளைக் கண்டிப்பாகப் படிக்கவேண்டும் . தற்போது நீதிபதிகள் நடுநிலை பிறழ்ந்து தீர்ப்பளிக்கின்ற சம்பவங்கள் அதிகரித்து வருகின்றன .

இதேபோல மருத்துவர்கள் " மருந்து " என்ற அதிகாரத்தைக் கண்டிப்பாகப் படிக்கவேண்டும் .

அதேபோல துறவு வாழ்க்கை மேற்கொண்டவர்கள் தவறாமல்

அருளுடைமை ,புலால் மறுத்தல் , தவம் ,கூடாவொழுக்கம் , கள்ளாமை ,வாய்மை , வெகுளாமை , இன்னாசெய்யாமை , கொல்லாமை , நிலையாமை , துறவு , மெய்யுணர்தல் , அவா அறுத்தல் ஆகிய அதிகாரங்களைப் படிக்கவேண்டும் .

ஆட்சியை நடத்துகின்ற அதிகாரிகள் ,அமைச்சர்கள் " பொருட்பாலை " அவசியம் படிக்கவேண்டும் . அப்படிப் படித்து , அதன்படி நடந்தால் , தினமும் நீதிமன்றப் படிக்கட்டுகளில் ஏறவேண்டிய அவசியம் இருக்காது .

by சிவனாசான் Fri Apr 29, 2016 4:22 pm

கோர்ட்டுக்கு போய் பாடதிட்டம் தயாரிக்க வேண்டிய நிலை உள்ளது. கல்விக்குழு ?????கல்வி வல்லுநர் குழு???? பாட திட்ட வல்லுநர் குழு????

by **M.Jagadeesan** Fri Apr 29, 2016 5:47 pm

திருக்குறளைத் தனிப்பாடமாக வைக்கச் சொல்லி ,கல்வித்துறைக்கு நீதிமன்றம் யோசனை சொல்லலாமே தவிர , ஆணையிட முடியாது . அதற்கென்று பாடத்திட்ட ( curriculam ) குழு ஒன்று உள்ளது . பாடத்திட்டங்களை வடிவமைப்பது அவர்களது பொறுப்பாகும் .

by Sponsored content

பள்ளிகளில் திருக்குறள் கட்டாய தனிப்பாடம்: உயர் நீதிமன்றம் உத்தரவு!

பள்ளிகளில் திருக்குறள் கட்டாய தனிப்பாடம்: உயர் நீதிமன்றம் உத்தரவு!

Re: பள்ளிகளில் திருக்குறள் கட்டாய தனிப்பாடம்: உயர் நீதிமன்றம் உத்தரவு!

Re: பள்ளிகளில் திருக்குறள் கட்டாய தனிப்பாடம்: உயர் நீதிமன்றம் உத்தரவு!

Re: பள்ளிகளில் திருக்குறள் கட்டாய தனிப்பாடம்: உயர் நீதிமன்றம் உத்தரவு!

Re: பள்ளிகளில் திருக்குறள் கட்டாய தனிப்பாடம்: உயர் நீதிமன்றம் உத்தரவு!

Re: பள்ளிகளில் திருக்குறள் கட்டாய தனிப்பாடம்: உயர் நீதிமன்றம் உத்தரவு!

Re: பள்ளிகளில் திருக்குறள் கட்டாய தனிப்பாடம்: உயர் நீதிமன்றம் உத்தரவு!