வேண்டுதல் – ஒரு பக்க கதை

by **ayyasamy ram** Tue Apr 26, 2016 8:28 am

-

வருணை கொஞ்ச நேரமாகக் காணவில்லை.
திருச்செந்தூர் கோயிலுக்கு வந்து, சாமி தரிசனம்
முடித்துவிட்டு, வெளியில் வந்து சில நிமிடங்கள்
கூட ஆகவில்லை. கூட்டத்தில் தொலைந்து
விட்டான்.
-
வேணியும் முத்துவும் தவித்துப் போய் விட்டனர்.
இவ்வளவு பெரிய கூட்டத்தில் எங்கே என்று
தேடுவது?
-
பதற்றத்திலும் பயத்திலும், வருண் கிடைத்து
விட்டால் மொட்டை போடுவதாக முருகனுக்கு
வேண்டிக்கொண்டனர்.
-

வேலை இல்லாமல் மிகவும் கஷ்டத்தில் இருந்த
வேணிக்கும், முத்துவுக்கும் அதிர்ஷ்டவசமாக ஒரே
கம்பெனியில் வேலை உறுதியாகி விட்டது. அதற்கு
நன்றி சொல்லவே இந்த திருச்செந்தூர் பயணம்.

வந்த இடத்தில் இப்படியா ஆகவேண்டும்? நேரம்
ஓடிக்கொண்டே இருந்தது… போலீஸார் ஒலி
பெருக்கியில் அறிவித்தும் மகன் கிடைக்கவில்லை!

திடீரென ‘‘அம்மா’’ என்றொரு குரல்… வருண்
தானே ஓடோடி வந்தான். ‘‘என் செல்லமே’’
என வருணை வாரி அணைத்த இருவரும், உடனடியாக
மொட்டை போட்டுக்கொண்டு, வேண்டுதலை
நிறைவேற்றிய மகிழ்ச்சியோடு சென்னை திரும்பினர்.

மறுநாள், புதிய அலுவலகத்திற்கு பணிக்கு சேர
வந்தவர்களை, மேனேஜர் அழைத்தார்.

‘‘சேல்ஸ் ரெப்பா வேலையில சேர வேண்டிய நீங்க
இப்படி திடீர்னு மொட்டை போட்டுக்கிட்டு வந்தா
எப்படிங்க?’’ என எரிந்து விழுந்தார்.

திருச்செந்தூர் முருகன் தங்களுக்கு நன்மை செய்தாரா?
தீமை செய்தாரா? எனக் குழப்பத்தில் ஆழ்ந்தனர்
வேணியும்,முத்துவும்!
-
---------------------------------

-ஜி.கவிதா அன்பு
குங்குமம்

by **M.Jagadeesan** Tue Apr 26, 2016 8:32 am

அப்படிஎன்றால் இயற்கையாகவே வழுக்கை விழுந்தவர்கள் , Sales Rep ஆக முடியாதா ?

by **ஜாஹீதாபானு** Tue Apr 26, 2016 3:15 pm

ஹ ஹா நல்ல கதை

by **krishnaamma** Tue Apr 26, 2016 11:55 pm

ஏன் மொட்டை அடிக்கக் கூடாதா என்ன ?.............அதையும் ஆபீஸ் இல் பர்மிசன் கேட்டு அடிக்கணுமா?............ கோபம்

நல்ல கதையா இருக்கே! ஊத்திக்கிச்சு

by **krishnaamma** Tue Apr 26, 2016 11:56 pm

M.Jagadeesan wrote:அப்படிஎன்றால் இயற்கையாகவே வழுக்கை விழுந்தவர்கள் , Sales Rep ஆக முடியாதா ?

மேற்கோள் செய்த பதிவு: 1204651

அது தானே? .....இவங்களும் MNC கம்பெனிகள் போல பேச ஆரம்பித்து விட்டார்கள் போல இருக்கு..............அதில் தான் பெண்கள் எப்போ கல்யாணம் பண்ணிக்கணும் , எப்போ பிள்ளை பெத்துக்கணும் என்று ஆபீசில் சொல்வார்கள் சோகம்

by **விமந்தனி** Wed Apr 27, 2016 12:22 am

நல்ல கதை.

by ஸ்ரீரங்கா Wed Apr 27, 2016 12:15 pm

தந்தையும் மகளும் கோயிலுக்கு செல்கின்றனர்.

திடீரென மகள் அங்கே தூணில் உள்ள சிங்கத்தின் சிற்பத்தை பார்த்து " அப்பா ஓடுங்கள் இல்லை என்றால் அந்த சிங்கம் நம்மைத் தின்றுவிடும்" என்றாளாம்.
அப்பா மகளிடம் "அது சிற்பம்தான் ஒன்றும் செய்யாது" என்றாராம்..
அதற்கு
மகள் அப்பாவிடம்
"சிங்கத்தின் சிற்பம் நம்மை ஒன்றும் செய்யாது என்றால்,
கடவுளின் சிற்பம் மட்டும் நமக்கு என்ன செய்யும்" என்றாளாம். கன்னத்தில் அறை

தந்தையிடம் பதில் இல்லை

by **மதுமிதா** Thu Apr 28, 2016 5:04 pm

krishnaamma wrote:
M.Jagadeesan wrote:அப்படிஎன்றால் இயற்கையாகவே வழுக்கை விழுந்தவர்கள் , Sales Rep ஆக முடியாதா ?
மேற்கோள் செய்த பதிவு: 1204651

அது தானே? .....இவங்களும் MNC கம்பெனிகள் போல பேச ஆரம்பித்து விட்டார்கள் போல இருக்கு..............அதில் தான் பெண்கள் எப்போ கல்யாணம் பண்ணிக்கணும் , எப்போ பிள்ளை பெத்துக்கணும் என்று ஆபீசில் சொல்வார்கள்

மேற்கோள் செய்த பதிவு: 1204789 அதிர்ச்சி

by **krishnaamma** Thu Apr 28, 2016 10:57 pm

மதுமிதா wrote:
krishnaamma wrote:
M.Jagadeesan wrote:அப்படிஎன்றால் இயற்கையாகவே வழுக்கை விழுந்தவர்கள் , Sales Rep ஆக முடியாதா ?
மேற்கோள் செய்த பதிவு: 1204651

அது தானே? .....இவங்களும் MNC கம்பெனிகள் போல பேச ஆரம்பித்து விட்டார்கள் போல இருக்கு..............அதில் தான் பெண்கள் எப்போ கல்யாணம் பண்ணிக்கணும் , எப்போ பிள்ளை பெத்துக்கணும் என்று ஆபீசில் சொல்வார்கள்
மேற்கோள் செய்த பதிவு: 1204789