என்னென்ன மரங்களை வளர்க்கலாம்?

**ayyasamy ram** · **ayyasamy ram** Sun Apr 24, 2016 9:47 am

-
மணற்பாங்கான கரையோர நிலங்களில் வளர்க்கக் கூடியவை :

பின்னை, முந்திரி, சிவகுண்டலம், பூவரசம், தென்னை, பனை, புங்கன், வேம்பு, நெட்டிலிங்கம், அழிஞ்சி, நாட்டு வாதுமை.

சிறுமரங்கள் :

புங்கன், சரக்கொன்றை, கல்யாண முருங்கை, முருங்கை, பெருங்காலி, தங்கபட்டி, மயில் கொன்றை, கோவர்தனம், பவழமல்லி, மந்தாரை, தங்க அரளி, ரெட் கார்டியா, செண்பகம், கறிவேப்பிலை

மரச்சாலை மரங்கள் :

வேம்பு, மகிழம், செவ்வில்வம், மலைவேம்பு, பிணாரி, இலவம்பஞ்சு, ஒதியமரம், வாகைமரம், கொண்டைவாகை, இயல்வாகை, வாதா நாராயண மரம், பூந்திக்கொட்டை மரம், மாவுக்காய், நுணா, பாலை, தேன்பூச்சி, மூக்குச்சளி, தூங்குமூஞ்சி

பழவகை மரங்கள் :

நாவல், நெல்லிக்காய், பலாமரம், வில்வமரம், மாமரம், இலுப்பை, கொடுக்காப்புளி, கொய்யா, விளா, சபோட்டா, இலந்தை, சீதாப்பழம், மாதுளை, அரநெல்லி, கரம்போலா, பிம்ப்ளீ

பறவைகளை வசீகரிக்கும் மரங்கள் :

கொய்யா, கறிவேப்பிலை, நெட்டிலிங்கம், கல்யாண முருங்கை, நெய்பழம், கம்பளி, இலுப்பை, ஸபோட்டா, அகத்தி, அத்தி, அழிஞ்சி

அழகிய பூக்கள் பூக்கும் மரங்கள் :

பூந்திக்கொட்டை, பூமருது, அசோகா, மந்தாரை, திருவாட்சி, கொக்கு மந்தாரை, ஃப்ளேம் ஆஃப் தி ஃபாரெஸ்ட், மரமல்லி, சரக்கொன்றை, மஞ்சக் கொன்றை, கேஸியா ஜாவா, ஆத்துப் பூவரசு, நெருப்புக் கொன்றை

*அரசமரம், ஆலமரம் போன்றவை பரந்து வளரக்கூடிய பெரிய மரங்கள். அவை விசாலமான இடமாக இருந்தால் மட்டுமே வளர்க்கப்பட வேண்டும்.

**ayyasamy ram** · **ayyasamy ram** Sun Apr 24, 2016 9:48 am

என்னென்ன மரங்களை வளர்க்கலாம்? XmH8zvQSqCWlNR4H1fxw+9fe74-tree-sapling

-
எப்போது நடலாம்?

மரக்கன்றுகளை நட மழைக்காலமே சிறந்தது.
பருவமழை துவங்கும் ஜூன் முதல் செப்டம்பர் வையிலான
மழைக்காலம் இதற்கு ஏற்றது. தாழ்வான பகுதிகளில் டிசம்பர்,
ஜனவரி மாதங்களில் நீர் முற்றிலுமாக வடிந்துவிடுவதால்,
இம்மாதங்கள் ஏற்றவை.

மரக்கன்றுகளை காலை 6 மணி முதல் 10 மணிக்குள் நடுவது
நல்லது. இல்லையேல் மாலை 3 மணி முதல் 6 மணிக்குள் நடலாம்.
-

**ayyasamy ram** · **ayyasamy ram** Sun Apr 24, 2016 9:50 am

என்னென்ன மரங்களை வளர்க்கலாம்? JY7svERYGGxTVA7aORg0+04bee-magnolia-tree-saplings-l

-
மரக்கன்றுகளை எங்கே வாங்கலாம்?

வனத்துறை அலுவலகங்கள் அருகில் இருந்தால்,
அவர்களிடம் விசாரித்து வாங்கலாம்.
வனத்துறை தோட்டங்களில் குறைந்த விலையில்
தரமான மரக்கன்றுகள் கிடைக்கும்.

இல்லையேல் நர்சரிகளில் நீங்கள் விரும்பும் மரக்
கன்றுகளை வாங்கி நடலாம். மரக்கன்றுகளை வாங்கும்
இடத்திலேயே, அவற்றை பராமரிப்பது, உரமிடுவது
குறித்த ஆலோசனைகளையும் பெற்றுக் கொள்ளலாம்.
-
—

நன்றி : புதிய தலைமுறை)
எழுதியவர் யுவகிருஷ்ணா