கோவில்பட்டியில் வைகோ போட்டி

தமிழக சட்டப் பேரவைத் தேர்தலில் தூத்துக்குடி
மாவட்டம் கோவில்பட்டியில் மக்கள் நலக் கூட்டணியின்
ஒருங்கிணைப்பாளர் வைகோ போட்டியிடுகிறார்.
-
சென்னை அண்ணாநகரில் தேர்தல் பிரசாரத்தை சனிக்கிழமை
(ஏப்.16) தொடங்கிய மதிமுக பொதுச் செயலாளர் வைகோ,
அங்கு தனது பேச்சை முடித்தவுடன் மதிமுக-வின் பம்பரம்
சின்னத்தில் போட்டியிடும் 29 தொகுதி வேட்பாளர்களின்
பட்டியலை வெளியிட்டார்.
-
பட்டியலில் கடைசி வேட்பாளராக கோவில்பட்டி தொகுதியில்
போட்டியிடுபவர் வைகோ என அவர் அறிவித்ததும், அங்கு
கூடியிருந்த அனைவரும் கைதட்டி ஆரவாரம் செய்தனர்.
-
வேட்பாளர் பட்டியல் விவரம்:
1. கோவில்பட்டி - வைகோ
(மதிமுக பொதுச் செயலாளர்)
2. திருப்போரூர் - மல்லை சத்யா
(மதிமுக துணைப் பொதுச் செயலாளர்)
3. காரைக்குடி - செவந்தியப்பன்
(மதிமுக அரசியல் ஆலோசனைக் குழு செயலாளர்)
4. ஆலங்குடி - டாக்டர் சந்திரசேகரன்
(மதிமுக உயர்நிலைக் குழு உறுப்பினர்)
5. செஞ்சி - ஏ.கே.மணி
(மதிமுக உயர்நிலைக் குழு உறுப்பினர்)
6. சங்கரன்கோவில் (தனி) - சதன் திருமலைக்குமார்
(ஆட்சிமன்றக் குழு உறுப்பினர்)
7. சிங்காநல்லூர் - ஆடிட்டர் அர்ஜுனராஜ்
(அரசியல் ஆய்வு மைய உறுப்பினர்)
8. குளச்சல் - சம்பத் சந்திரா (வழக்குரைஞர்)
9. திருச்சி கிழக்கு - டாக்டர் ரொஹையா ஷேக் முகமது
(மாநில மகளிர் அணி செயலாளர்)
10. நாகர்கோவில் - ராணி செல்வின்
11. சென்னை அண்ணாநகர் - மல்லிகா தயாளன்
(மகளிர் அணி மாநில துணைச் செயலாளர்)
12. தூத்துக்குடி - பேராசிரியை பாத்திமா பாபு
13. மதுரை தெற்கு - புதூர் பூமிநாதன்
(மதுரை மாவட்டச் செயலாளர்)
14. ஆற்காடு - உதயகுமார்
(வேலூர் கிழக்கு மாவட்டச் செயலாளர்)
15. பாளையங்கோட்டை - கே.எம்.ஏ. நிஜாம்
(நெல்லை மாவட்டச் செயலாளர்)
16. ஆயிரம் விளக்கு - ரெட்சன் அம்பிகாபதி
(மத்தியச் சென்னை பொறுப்பாளர்)
17. கிணத்துக்கடவு - பொறியாளர் ஈஸ்வரன்
(இளைஞர் அணிச் செயலாளர்)
18. ஆவடி - வழக்குரைஞர் அந்தரிதாஸ்
(மாவட்ட துணைச் செயலாளர்)
19. துறைமுகம் - முராஸ் புகாரி
(சிறுபான்மை பிரிவுச் செயலாளர்)
20. உசிலம்பட்டி - பாஸ்கர சேதுபதி
(தொண்டர் படைத் தலைவர்)
21. சாத்தூர் - டாக்டர் ஏ.டி.ஆர்.ரகுராமன்
22. பூவிருந்தவல்லி (தனி) - பூவை.கண்ணன்
(ஆபத்து உதவிகள் செயலர்)
23. பல்லடம் - முத்துரத்தினம்
(திருப்பூர் மாவட்ட துணைச் செயலாளர்)
24. ஈரோடு மேற்கு - முருகன்
25. ஜெயங்கொண்டம் - எம்.எஸ்.கந்தசாமி
26. அரவக்குறிச்சி - டாக்டர் கலையரசன்
(இளைஞர் அணிச் செயலாளர்)
27. முதுகுளத்தூர் - ராஜ்குமார்
பம்பரம் சின்னத்தில்
போட்டியிடும் கூட்டணிக் கட்சிகள்:
28. தாராபுரம் (தனி) - நாகை.திருவள்ளுவன்
(தமிழ் புலிகள் கட்சி)
29. பல்லாவரம் - வீரலட்சுமி
(தமிழர் முன்னேற்றப் படை)
-
5 பெண் வேட்பாளர்கள்:
திருச்சி (கிழக்கு) தொகுதியில் போட்டியிடும் டாக்டர்
ரொஹையா ஷேக் முகமது,
நாகர்கோவில் தொகுதியில் போட்டியிடும் ராணி செல்வின்,
சென்னை அண்ணாநகர் தொகுதியில் போட்டியிடும் மல்லிகா
தயாளன்,
தூத்துக்குடி தொகுதியில் போட்டியிடும் பேராசிரியை
பாத்திமா பாபு,
தமிழர் முன்னேற்றப் படை தலைவர் வீரலட்சுமி ஆகிய
5 பெண் வேட்பாளர்கள் மதிமுகவின் பட்டியலில் இடம்
பெற்றுள்ளனர்.
-
படித்தவர்களுக்கே வாய்ப்பு:
மதிமுக கட்சியில் சட்டப்பேரவைத் தேர்தலில் போட்டியிட
படித்தவர்களுக்கே வாய்ப்பு அளிக்கப்பட்டுள்ளது.

வேட்பாளர் பட்டியலில் இடம்பெற்றிருப்பவர்களில்
5 பேர் மருத்துவர்கள். வைகோ, கூட்டணி கட்சியான தமிழ்
புலிகள் கட்சித் தலைவர் நாகை.திருவள்ளுவன் உள்பட
4 பேர் வழக்குரைஞர்கள்.
ஒருவர் ஆடிட்டர். மற்றொருவர் பொறியாளர்.

தூத்துக்குடி தொகுதியில் போட்டியிடுபவர் கல்லூரி பேராசிரியை.
நாகர்கோவிலில் போட்டியிடுபவர் பள்ளி ஆசிரியையாகப்
பணியாற்றி வேலையை ராஜிநாமா செய்தவர்.

மற்ற வேட்பாளர்கள் அனைவரும் இளநிலை பட்டப்படிப்பு,
முதுநிலை பட்டப்படிப்பை முடித்தவர்கள் என்பது குறிப்பிடத்தக்கது.
-
-----------------------
தினமணி