அ.தி.மு.க., கூட்டணிக்கு பல கட்சிகள் 'டாட்டா'

by **krishnaamma** Mon Apr 11, 2016 6:36 am

அ.தி.மு.க., கூட்டணிக்கு பல கட்சிகள் 'டாட்டா'............
வேகமாக வெளியேறும் தலைவர்கள்...............

அ.தி.மு.க., கூட்டணிக்கு பல கட்சிகள் 'டாட்டா' XQbcmCLASmuPaEz4jafg+Tamil_News_large_149875420160411013719

சென்னை;அ.தி.மு.க., கூட்டணிக்கு ஆதரவு எனக்கூறி, வேகமாக போயஸ் தோட்டத்துக்கு சென்ற, சிறிய கட்சித் தலைவர்கள் பலர், கூட்டணியில் இருந்து வேகமாக வெளியேறி வருகின்றனர்.

வரும் சட்டசபை தேர்தலுக்காக, அ.தி.மு.க., கூட்டணியில் இணைய சிறிய கட்சிகள் பலவும் ஆர்வம் காட்டின. நேரடியாக, அக்கட்சியின் பொதுச் செயலர் ஜெயலலிதாவை சந்தித்து, ஆதரவு தெரிவித்ததுடன், தங்களுக்கு, 'சீட்' ஒதுக்கவும் வேண்டினர். தொடர்ந்து, அ.தி.மு.க., அமைத்திருந்த தேர்தல் பணிக் குழுவினரிடமும் பேச்சு நடத்தினர். ஆனாலும், கடைசி நேரத்தில், இச்சிறிய கட்சிகளுக்கு, அ.தி.மு.க., சீட் கொடுக்காமல், 'டாட்டா' காட்டியது.

இருப்பினும், அ.தி.மு.க.,வில், ஏற்கனவே அறிவிக்கப்பட்ட வேட்பாளர்கள் மாற்றப்பட்டு வருவதால், தங்களுக்கு வாய்ப்பு வரும் என, காத்திருந்தனர். இந்நிலையில், நேற்று முன்தினம் ஜெ., பிரசாரத்தை துவங்கியதை அடுத்து, தங்களுக்கான கூட்டணி வாய்ப்பு அம்போவாகி விட்டது என்பதை உணர்ந்தனர்.

தொடரும்.............

by **krishnaamma** Mon Apr 11, 2016 6:41 am

இதையடுத்து, வேகமாக கூட்ட ணியில் சேர்ந்த, சிறிய கட்சித் தலைவர்கள் அனைவரும், வந்த வேகத்தில் வெளியேறி வருகின்றனர். தமிழக வாழ்வுரிமை கட்சி, தமிழக மக்கள் முன்னேற்ற கழகம், மக்கள் தேசிய கட்சி, மூவேந்தர் முன்னேற்ற கழகம் உட்பட, பல கட்சிகள் இதுவரை வெளியேறி உள்ளன.

இன்னும், பல கட்சிகள்வெளியேறலாம் அல்லது ஆதரவை வாபஸ் பெறலாம் என, எதிர்பார்க்கப்படுகிறது.
அ.தி.மு.க., தலைமையிலான கூட்டணியில், எங்கள் கட்சிக்கு, ஐந்து தொகுதிகள் கேட்டிருந்தேன். தொகுதி பங்கீடு தொடர்பாக, தேர்தல் பணிக் குழுவினருடன் பேசும்படி தெரிவித்தனர்.

'எங்களது கட்சிக்கு ஒரு தொகுதி ஒதுக்கலாம்' என, தேர்தல் பணிக் குழுவினர் கூறினர். 'இரண்டு தொகுதிகள் தர வேண்டும்' என, கேட்டு இருந்தேன். அதன்பின், எனக்கு எந்த பதிலும் வரவில்லை. எங்களுக்கு தொகுதிகள் ஒதுக்காததால், அ.தி.மு.க., கூட்டணியில் இருந்து விலகுகிறோம். வேறு கட்சி கூட்டணிக்கு அழைத்தால் பரிசீலிப்போம். இல்லையெனில், திருவாரூரில் துவங்கி கன்னியாகுமரி வரை, 50 தொகுதிகளில் தனித்து போட்டியிடுவோம்.

ஜான் பாண்டியன்தலைவர், தமிழக மக்கள்முன்னேற்ற கழகம் தமிழகத்தில், ஐந்து தொகுதிகள், புதுச்சேரியில், ஒன்று என, ஆறு தொகுதிகள் அ.தி.மு.க.,விடம் கேட்டோம்; கேட்டதை தரவில்லை. தனி சின்னத்தில் போட்டியிடவும் சம்மதிக்கவில்லை. இதுதொடர்பான பேச்சு, நேற்று முன்தினம் இரவு வரை நடந்தது; ஆனாலும், உடன்பாடு எட்டவில்லை.

........................

by **krishnaamma** Mon Apr 11, 2016 6:42 am

இதனால், அ.தி.மு.க., கூட்டணியில் இருந்து விலகுவது என, முடிவெடுத்துள்ளோம். அடுத்த கட்டமாக, ஏப்., 12ல், நெய்வேலியில் நடக்கும் அவசர பொதுக்குழுக்கூட்டத்தில் முடிவு எடுக்கப்படும்.

வேல்முருகன், தலைவர், தமிழக வாழ்வுரிமை கட்சி
தமிழகத்தில் உள்ள, 40 லட்சம் மண்பாண்ட தொழிலாளர்களின் பிரச்னை குறித்து, சட்டசபையில் பேச முடியும் என்பதால், அ.தி.மு.க.,வுக்கு ஆதரவளிப்பதாக கடிதம் தந்தோம். ஆனால், முதல்வர் ஜெயலலிதாவை சந்திக்கவும், தேர்தலில் போட்டியிடவும் வாய்ப்பு வழங்கவில்லை. இதனால், அ.தி.மு.க.,வுக்கு அளித்த ஆதரவை வாபஸ் பெறுகிறோம். அந்தந்த தொகுதியில், மண்பாண்ட தொழிலாளர்களுக்கு உதவி செய்யும் வேட்பாளர்களுக்கு ஓட்டளிக்க முடிவு செய்யப்பட்டுள்ளது.

சேம.நாராயணன், தலைவர், மக்கள் தேசிய கட்சி!

தினமலர்

by **மாணிக்கம் நடேசன்** Mon Apr 11, 2016 6:49 am

எல்லாரும் அ.தி.மு.கா வுக்கு ஆப்பு வைக்க ஆரம்புச்சிட்டாங்களாஎன்ன?

by **krishnaamma** Mon Apr 11, 2016 6:55 am

மாணிக்கம் நடேசன் wrote:எல்லாரும் அ.தி.மு.கா வுக்கு ஆப்பு வைக்க ஆரம்புச்சிட்டாங்களாஎன்ன?

மேற்கோள் செய்த பதிவு: 1202105

தெரியலையே மாமா, ஆனால் 50 நிமிடங்கள் என்னமாய் பேசினாங்க ஜெயலலிதா?..........ஏதோ ராம ராஜ்ஜியமே நடப்பதாக சொன்னாங்க புன்னகை

.நீங்கள் நலமா மாமா?.மாமி நலமா? புன்னகை

by **ayyasamy ram** Mon Apr 11, 2016 7:18 am

சிறிய கட்சிகளுக்கு அவர்கள் கோரும் எண்ணிக்கையில்
தொகுதிகள், ஒதுக்கினால், அத்தனை தொகுதிகளிலும்
அவர்கள் வெற்றி பெறப்போவதில்லை...
-
அக்கட்சியின் தலைவர் மட்டும் ஜெயிக்கலாம்
மற்ற தொகுதிகளின் வெற்றி வாய்ப்பு தி மு க.விற்கு
சாதகமாக முடியும்...
-
எனவேதான் ஜெ சாதுர்யமாக காய் நக்ர்த்துகிறார்...
அப்படியே தொகுதிகள் ஒதுக்கினாலும், இரட்டை இலை
சின்னத்தில் போட்டியிட வேண்டும் என நிபந்தனை
விதிக்கிறார்கள்...
-

by **krishnaamma** Mon Apr 11, 2016 7:20 am

ayyasamy ram wrote:சிறிய கட்சிகளுக்கு அவர்கள் கோரும் எண்ணிக்கையில்
தொகுதிகள், ஒதுக்கினால், அத்தனை தொகுதிகளிலும்
அவர்கள் வெற்றி பெறப்போவதில்லை...
-
அக்கட்சியின் தலைவர் மட்டும் ஜெயிக்கலாம்
மற்ற தொகுதிகளின் வெற்றி வாய்ப்பு தி மு க.விற்கு
சாதகமாக முடியும்...
-
எனவேதான் ஜெ சாதுர்யமாக காய் நக்ர்த்துகிறார்...
அப்படியே தொகுதிகள் ஒதுக்கினாலும், இரட்டை இலை
சின்னத்தில் போட்டியிட வேண்டும் என நிபந்தனை
விதிக்கிறார்கள்...
-

மேற்கோள் செய்த பதிவு: 1202112

ம்ம்...புரியுது அண்ணா புன்னகை

by **ராஜா** Mon Apr 11, 2016 11:21 am

ஜெயலலிதா என்ன தான் பண்ணினாலும் அவருக்கு அதரவு கொடுக்க என்றே சிலர் உள்ளனர் புன்னகை

by **T.N.Balasubramanian** Mon Apr 11, 2016 11:50 am

அதீத நம்பிக்கை
ஆதி முதல் அந்தம் வரை
அம்மா அம்மா என்ற பெயர் வர ஆசை
எத்திசை நோக்கினும்
அத்திசைகளில் அம்மா அம்மா நாமம் .
அண்டி வரும் சிறு சிறு கட்சிகளை
அணைத்து செல்லும் அரிச்சுவடி அறியாதவரோ
என அச்சமும் உண்டு . ஆனாலும்
அவர் அவர் அரித்மெடிக் அவரே அறிவார்
அடுத்த 39 நாளில் நாமும் அறிவோம் .

ரமணியன்