தென்மேற்கு பருவமழை சாதகமாக இருக்கும் : ஷோபனா பட்நாயக்

**ayyasamy ram** · **ayyasamy ram** Tue Apr 12, 2016 8:59 am

புதுடில்லி :
''நடப்பாண்டில், தென்மேற்கு பருவமழை சாதகமாக
இருக்கும்; அதனால், காரிப் பருவத்துக்கு மாநிலங்கள்
தயாராக வேண்டும்,'' என, மத்திய வேளாண்
செயலர் ஷோபனா பட்நாயக் தெரிவித்தார்.

காரிப் பருவத்துக்கான விவசாய நடவடிக்கைகளை
துவங்குவது குறித்த கருத்தரங்கில், ஷோபனா பட்நாயக்
பேசியதாவது: கடந்த இரண்டு ஆண்டுகளாக, இயல்பை
விட குறைவாகவே பருவமழை இருந்தது.

இந்த ஆண்டு, இயல்பான அளவுக்கு மழை இருக்கும் என,
எதிர்பார்க்கப்படுகிறது. 'எல் - நினோ' எனப்படும், பருவ
நிலை மாறுபாடால் ஏற்படும் தாக்கத்துக்கு எதிரான,
'லா - நினா' சூழ்நிலை தற்போது உள்ளது.

இதனால், வரும் ஜூன் மாதம் துவங்கும் காரிப் பருவத்தில்,
பருவமழை சாதகமாக இருக்கும் என, எதிர்பார்க்கப்படுகிறது.

அதற்கு தயாராகும் வகையில், மாநிலங்கள் முன்னேற்பாடாக,
போதிய விதைகள், உரங்கள் உள்ளிட்டவற்றை தயார் நிலையில்
வைத்திருக்க வேண்டும். விளைநிலங்களை தயார்படுத்தவும்
விவசாயிகளுக்கு அறிவுறுத்த வேண்டும்.
இவ்வாறு அவர் பேசினார்.

இதற்கிடையே, பருவமழை குறித்த தன் கணிப்புகளை,
இந்திய வானிலை ஆராய்ச்சி நிறுவனம், இம்மாத இறுதியில்
வெளியிடும் என, எதிர்பார்க்கப்படுகிறது.
-
-------------------------
தினமலர்

**krishnaamma** · **krishnaamma** Tue Apr 12, 2016 10:26 am

ஏதோ நல்லா மழை பெய்தால் தேவலை......... புன்னகை

தென்மேற்கு பருவமழை சாதகமாக இருக்கும் : ஷோபனா பட்நாயக்

தென்மேற்கு பருவமழை சாதகமாக இருக்கும் : ஷோபனா பட்நாயக்

Re: தென்மேற்கு பருவமழை சாதகமாக இருக்கும் : ஷோபனா பட்நாயக்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக