இப்படியெல்லாம் சட்டம் போட்டா குடும்பம் நடத்த முடியும்?

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

இப்படியெல்லாம் சட்டம் போட்டா குடும்பம் நடத்த முடியும்?

#1202053

krishnaamma
தலைமை நடத்துனர்: பதிவுகள் : 65836
இணைந்தது : 22/04/2010

Post krishnaamma Mon Apr 11, 2016 1:15 am

துருக்கியின் உஸும்லு கிராமத்தில் திருமணம் ஆகாத ஆண்கள் வீதிகளில் இறங்கி போராட்டங்களை நடத்தி வருகிறார்கள். பெண்கள் பொதுவாக கிராமத்து இளைஞர்களைத் திருமணம் செய்துகொண்டு, காலம் முழுவதும் கிராமத்திலேயே வாழ்க்கை கழிக்க விரும்புவதில்லை.

அதனால் 25 வயது முதல் 45 வயது வரை ஆண்கள் திருமணம் செய்துகொள்ள முடியாமல் தவித்து வருகின்றனர். இந்தக் கிராமத்தில் 9 ஆண்டுகளுக்கு முன்பு ஒரு திருமணம் நடைபெற்றது.

அதற்குப் பிறகு திருமணமே நடைபெறவில்லை. 400 பேர் வசித்து வந்த இந்தக் கிராமத்தில் தற்போது 233 பேர் மட்டுமே வசித்து வருகிறார்கள். ’’இஸ்தான்புல், அங்காரா நகரங்களுக்குத் திருமணம் செய்துகொண்டு செல்லவே பெண்கள் விரும்புகிறார்கள். ஆனால் இங்கே வசிக்கும் ஆண்களுக்கு விவசாயத்தைப் பார்த்துக்கொள்ள வேண்டிய அவசியம் இருக்கிறது.

அவர்களால் நகருக்குக் குடிபெயர்ந்து செல்ல முடிவதில்லை. வருமானமும் வசதியும் குறைவான கிராமத்து வாழ்க்கையைவிட, நகர வாழ்க்கையைப் பெண்கள் விரும்புகிறார்கள்’’ என்கிறார் நகர மேயர் முஸ்தபா பாஸ்பிலன். பொறுத்துப் பார்த்த ஆண்கள் கோரிக்கைகளைப் பிடித்துக்கொண்டு, போராட்டத்தில் இறங்கிவிட்டனர்.

துருக்கி அதிபர் தங்கள் பிரச்சினையைத் தீர்த்து வைக்க வேண்டும் என்பது அதில் ஒரு கோரிக்கை. குடும்பக் கட்டுப்பாட்டைக் கடுமையாக எதிர்த்து வரும் அதிபர், பெண்கள் குறைந்தது 3 குழந்தைகளாவது பெற்றுக்கொள்ள வேண்டும் என்கிறார். ஆனால் போராட்டக்காரர்களோ தங்கள் மனைவி 5 குழந்தைகள் பெற்றுக்கொள்ள வலியுறுத்த வேண்டும் என்கிறார்கள்.

தி ஹிந்து