கேரள மாநிலம் கொல்லம் பகுதியில் பயங்கர தீ விபத்து: 75 பேர் பலி

**ayyasamy ram** · **ayyasamy ram** Sun Apr 10, 2016 8:46 am

கேரள மாநிலம் கொல்லம் பகுதியில் உள்ள பராவூர் கோவில் திருவிழாவில் இன்று அதிகாலையில் பயங்கர தீ விபத்து ஏற்பட்டது.

இந்த தீ விபத்தினால் பலியானோர் எண்ணிக்கை 84 ஆக உயர்ந்துள்ளது. 200-க்கும் மேற்பட்டோர் காயமடைந்துள்ளனர். கேரள மாநிலம் கொல்லம் அருகே உள்ள பராவூர் புன்டிங்கல் தேவி கோவிலில் ஆண்டு தோறும் நடைபெறும் கோவில் திருவிழா இந்தாண்டும் வழக்கம் போல் நடைபெற்றது. திருவிழாவி்ன் போது அதிகாலை 3.30 மணியளவில் பட்டாசு வெடித்ததாக கூறப்படுகிறது.

அப்போது திடீரென தீ விபத்து ஏற்பட்டுள்ளது. இவ்விபத்தில் 84 பேர் வரையி்ல் உயிரிழந்துள்ளனர். 200-க்கும் மேற்பட்டோர் படுகாயமடைந்துள்ளனர். மேலும் விபத்து நிகழ்ந்த பகுதிக்கு கேரள மாநில முதல்வர் உம்மன் சாண்டி விரைந்துள்ளார்.

தீவிபத்து குறித்து விசாரணைககு உத்தரவிடப்பட்டுள்ளதாக உள்துறை அமைச்சர் ரமேஷ் சென்னிதலா தெரிவித்துள்ளார் தீயை அணைக்கும் பணியில் தீயணைப்பு படை வீரர்கள் ஈடுபட்டுள்ளனர்.

–

தினமணி

**ayyasamy ram** · **ayyasamy ram** Sun Apr 10, 2016 12:39 pm

தற்போதைய செய்தி
-
இந்த விபத்தில்,
102 பேர் பரிதாபமாக உயிரிழந்தனர்.
350-க்கும் மேற்பட்டோர் காயம் அடைந்தனர்.

இந்த பயங்கர விபத்தில் பலி எண்ணிக்கை
மேலும் அதிகரிக்கக் கூடும் என்று அஞ்சப்படுகிறது
-
பிரதமர் மோடி கொல்லம் விரைவு:

கொல்லம் கோயில் வெடிவிபத்தில் உயிரிழந்தோருக்கு
இரங்கலைத் தெரிவித்துள்ள பிரதமர் மோடி தீக்காய
சிகிச்சை மருத்துவ நிபுணர்களுடன் விமானத்தில் கொல்லம்
விரைந்துள்ளார்.

இவர் மதியம் 2 மணியளவில் திருவனந்தபுரம் வந்து பிறகு
ஹெலிகாப்டர் மூலம் கொல்லம் விரைகிறார்.
-
பிரதமர் நிவாரண அறிவிப்பு:

கொல்லம் கோயில் வெடிவிபத்தில் பலியானோர்
குடும்பத்தினருக்கு தலா ரூ.2 லட்சம் நிவாரணம்
அறிவிக்கப்பட்டுள்ளது. காயமடைந்தோருக்கு
ரூ.50,000 தொகை பிரதமர் நிவாரணத் தொகையாக
அறிவிக்கப்பட்டுள்ளது.
-
இந்த விபத்து தொடர்பாக அதிகாரிகள் வெளியிட்ட
ஹெல்ப்லைன்கள்:
0474-2512344 ; 9497960778; 9497930869

**ayyasamy ram** · **ayyasamy ram** Sun Apr 10, 2016 12:42 pm

கேரள மாநிலம் கொல்லம் பகுதியில் பயங்கர தீ விபத்து: 75 பேர் பலி PPim7HwPRXGsoRvI4JQW+temple2_2808603a_2808618g

-

கேரள மாநிலம் கொல்லம் பகுதியில் பயங்கர தீ விபத்து: 75 பேர் பலி Nk5EO6MSzWp5aUqioiLl+fire_2808602g

-

இடது: அதிகாலையில் ஏற்பட்ட தீ விபத்து | வலது: தரைமட்டமான கட்டிடம்
-
தமிழ் தி இந்து காம்

**ayyasamy ram** · **ayyasamy ram** Sun Apr 10, 2016 12:45 pm

இக்கோவில்,திருவிழாவில் பட்டாசுகள் வெடித்துக்
கொண்டாடுவது வழக்கம். அதற்காக, பட்டாசுகள்
வாங்கி இருப்பு வைப்பதும் வழக்கம்.

அவ்வாறு இருப்பு வைக்கப்பட்டிருந்த வெடிபொருள்
கிடங்கில் இன்று (ஞாயிற்றுக்கிழமை) அதிகாலை
3.30 மணியளவில் திடீரென தீப்பற்றியது. அதையடுத்து,
அங்கிருந்த வெடிபொருள்கள் முற்றிலுமாக வெடித்துச்
சிதறின. வெடி விபத்தில் ஏற்பட்ட பயங்கர தீயில் சிக்கி
பலர் உயிரிழந்தனர்.
350-க்கும் மேற்பட்டோர் பலத்த காயமடைந்தனர்.
கோயில்களில் பட்டாசு வெடித்து விழாக்களைக்
கொண்டாட மாவட்ட மட்டத்தில் தடை உள்ளது என்றாலும்
வெடிவிடிக்க தற்காலிக அனுமதி வழங்கப்படுவது வழக்கம்.

ஏப்ரல் 9-ம் தேதியன்று பட்டாசு வெடிக்க மாவட்ட ஆட்சியர்
அனுமதி மறுத்தார். ஆனால் இது வெறும் பட்டாசு வெடித்து
கொண்டாடுவது மட்டுமல்ல பட்டாசு வெடிப்பதில் பந்தய
போட்டிகள் நடைபெறுவதாகும் என்று கலெக்டர் அனுமதி
மறுத்திருந்தார்.

எனவே உத்தரவை மீறி செயல்பட்டவர்கள் மீது நடவடிக்கை
பாயும் என்று கலெக்டர் எச்சரித்துள்ளார்.
-
-----------------------------