விஷாலுக்காக கடுமையாக உழைப்பேன்!

-
ஜப்பானுக்கும் போய்விட்டு வந்திருக்கும்
மிஷ்கினை, ‘சந்திக்கலாமா’ என்று கேட்டதும்,
அவர் வரச் சொன்ன இடம் சந்து போன்ற ஒரு
சின்ன தெரு…
–
காஃபி ஷாப், ஸ்டார் ஓட்டல்… மிஷ்கினைப்
பொறுத்தவரை சந்திப்புகளுக்கு சரியில்லாத இடம்…
உணர்வு பூர்வமான கலைஞனுக்கு சூழலிலும்
ஒரு உயிர்ப்பு இருக்க வேண்டும்.
–
ஸோ, அவர் வழிக்கே போய் தெருமுனையில்
காத்துநின்றோம்.
‘இதே தெருவுலதான் ‘அஞ்சாதே’வுல இருந்து
என் நாலு படங்களை ஷூட் பண்ணிக்கிட்டிருக்கேன்.
என் எல்லா படங்களிலும் இந்தத் தெரு வரும்.
ஒரே ஸ்பாட்ல நீங்கள் நூறு படத்தை எடுக்க முடியும்.
காட்சி முக்கியமில்லை. அதற்குள்ள இருக்கும்
கண்டெண்ட்தான் முக்கியம்’ என்று அவர் சொல்லும்
போதே பேசும் இடம் முக்கியமல்ல, விஷயம்தான்
முக்கியம் என்று நம் மனதுக்குள் மணியடித்தது.
–
என்ன திடீரென்று ஜப்பான் பயணம்?
–
என் இருபது வருஷ கனவு. என் சினிமாவின் தந்தை
சினிமாவை எனக்கு இன்னும் கற்றுக் கொடுத்துக்
கொண்டிருக்கும் என் குரு அகிராகுரோசோவாவின்
கல்லறைக்குச் சென்று வணங்கிவிட்டு வர வேண்டும்
என்பது என் நீண்டநாள் ஆசை.

நான் ஃப்ளைட்டை விட்டு வெளியே வந்ததும் முட்டி
போட்டு உட்கார்ந்து தரையைத் தொட்டு முத்தமிட்டேன்.
ஜப்பானை என்னுடைய தாய் வீடாகத்தான் நான்
பார்க்கிறேன்.

என் குருவை நான் நேரில் பார்த்ததில்லை. ஆனால்
அவரை அவரது படங்கள் மூலமாகவும் அவரது
வீடியோக்கள் மூலமாகவும் புத்தகங்கள் மூலமாகவும்
நான் தரிசித்துக் கொண்டே இருக்கிறேன்.

வாழ்க்கையில் சபரிமலைக்குப் போவது,
மெக்கா-மதினாவுக்குப் போவது, ஜெருசலேம் போவது
இவைகளைவிட எனக்கு முக்கியமான விஷயம்
குரோசோவாவின் கல்லறைக்குப் போவதுதான்
முக்கியமாகப் பட்டது.

டோக்கியோ பக்கம் காமாகுராவில் இருக்கிறது
அகிரா குரோசோவாவின் கல்லறை. அது ஒர பொதுக்
கல்லறைதான் பெரிய கல்லறைத் தோட்டத்தில் ஒரு
மூலையில் இருந்தது அவரது சமாதி. நான்
குரோசோவாவின் கல்லறையை கழுவியதைக்கூட
சிலர் இன்டர்நெட்டில் கிண்டல் செய்வதாக கேள்விப்
பட்டேன். அதைப் பற்றி எனக்கு கவலையே கிடையாது.
இதை என் வாழ்நாளில் மிக முக்கியமான நாளாக நான்
பார்க்கிறேன். இதை அடுத்தவர்களால் இரண்டு
விழுக்காடு கூட புரிந்து கொள்ள முடியாது.

டோக்கியோவில் உங்களை எதுவும் ஆச்சர்யப்பட
வைத்ததா?

டோக்கியோ நம்ப முடியாத அளவுக்கு முன்னேறி
உள்ளது. சக மனிதர்களுக்கு அவர்கள் கொடுக்கும்
மரியாதையைப் பார்த்து மிரண்டுபோய்விட்டேன்.
முன்னோர்களை அளவுக்கு அதிகமாக மதிக்கிறார்கள்.

500 வருட கலாச்சாரத்தை அப்படியே பத்திரமாக பாது
காத்து வைத்திருக்கிறார்கள்.

சமீபத்திய வௌ்ளத்தால் உங்கள் படப்பிடிப்புகள்
தள்ளிப்போயிடுச்சா?

மழைக்கு முன்னாடியே ஒரு பகுதியை ஷூட் பண்ணி
முடித்துவிட்டோம். அதற்குப் பிறகுதான் மழை வந்தது.
நேர்மையா சொன்னா மழையினால ஷூட்டிங் நிக்கல.
அதுவும் ஒரு காரணம். நிறைய பணத்தட்டுப்பாடு.
இருக்குற காசை எல்லாம் முழுசா இதுலயே போட்டாச்சு.
கையில சுததமா பணமே இல்லை. லேசா நிலைமை
சரியாவதைப் போல தெரிந்தது. கையில காசு கிடைச்ச
மறுநாளே ஷூட்டிங்க ஆரம்பிச்சுட்டோம்.

நீங்களும் காமெடி பண்ண வந்துட்டீங்க போல?
–
எப்பவுமே என்னை டார்க் ஃபில்ம்மேக்கர்னு
சொல்லுவாங்க. எனக்கு இந்தப் பெயர்களில் நம்பிக்கை
இல்லை. ஆனாலும் நான் மனிதர்களின் பிரச்னையை
தீர்க்கமாக பார்க்கணும்னு ஆசைப்டுவேன்.

இந்தப் படத்தில் ஹாஸ்யம் கலந்திருக்கேன். படம்
ஆரம்பமாகும் முதல் டயலாக்ல இருந்து ஒரு
ஹாஸ்யத்தை நீங்க உணர முடியும்.

உங்கள் பணக் கஷ்டங்களுக்குக் காரணம் என்ன?
–
பணக்கஷ்டம் என்பது முகமுடி வீழ்ச்சியில இருந்து
என்கூடவே இருந்துக்கிட்டே இருக்கு. ‘ஓநாயும் ஆட்டுக்
குட்டியும்’ எடுத்தேன். அது என்னை அதலபாதாளத்தில்
தள்ளுச்சு. விமர்சனங்கள் நன்றாக எழுதினார்கள்.

ஆனால் அந்தப் படம் எனக்கு நஷ்டம்தான் ‘பிசாசு’
எடுத்து எனக்கு எந்தப் பிரயோஜனமும் இல்ல. அதுக்குப்
பிறகு இப்ப ‘சவரக்கத்தி’ வௌ்ளம் வந்து முடிஞ்ச பிறகும்
பணம் கிடைக்கவே இல்லை. இதை பாதியிலேயே விட்டு
விட்டு அடுத்த படத்திற்கு போயிடலாமா? என நினைக்குற
அளவுக்கு வந்து விட்டேன்.

உங்க படத்தில் விஷால் எப்பொழுது உள்ள வந்தார்?

விஷாலும் நானும் சித்திரம் பேசுதடி முடிச்ச பிற்பாடு
படம் பண்ண வேண்டியது. எங்க ரெண்டு பேருக்குள்ளயும்
ஒரு பரஸ்பர அன்பு பல வருஷமாக இருந்து கொண்டேதான்
இருந்தது. விஷாலின் வளர்ச்சியைப் பார்த்து
சந்தோஷமடைகிறேன்.

ரொம்ப ஆச்சர்யமான உயரத்திற்கு அவர் மென்மேலும்
போவார் என்று என் உள்மனசு சொல்கிறது. அவசரப்படாம
ஒரு படம் பண்றோம். அவருக்காக நான் கடுமையாக
உழைக்கணும்னு முடிவு பண்ணியிருக்கேன்
–
——————————-

– கடற்கரய்
குமுதம்

படம்- இணையம்

அகிரா குரோசோவா Akira Kurosawa என்ற ஜப்பானிய
இயக்குனரின் “இகிரு” IKIRU (வாழ்க்கை) என்ற திரைப்படத்தில்
ஒரு காட்சி
-

Mysskin pays tribute to Akira குரோசவா
-

கிறுக்கன்