கரண் சிங்குடன் திருமணம்: நடிகை பிபாஷா பாசு அறிவிப்பு

by **ayyasamy ram** Fri Apr 08, 2016 8:52 am

-
நடிகர் கரண் சிங்கைத் திருமணம் செய்வது
குறித்த அதிகாரபூர்வ அறிவிப்பை நடிகை
பிபாஷா பாசு வெளியிட்டுள்ளார்.

பிபாஷா பாசுவும் கரண் சிங்கும் ஒன்றாக
வெளியிட்டுள்ள அறிக்கையில் கூறியதாவது:

இந்த மகிழ்ச்சியான செய்தியை அனைவருக்கும்
அறிவிக்கிறோம். ஏப்ரல் 30, 2016 என் வாழ்க்கையில்
முக்கியமான நாள். எங்களுக்கு அன்பும் ஆதரவும்
அளித்த என் குடும்பத்தினர், நண்பர்கள், ரசிகர்கள்
அனைவருக்கும் நன்றி.

திருமணம் தனிப்பட்ட முறையில் நடக்கும் நிகழ்ச்சி.
எங்களுடைய சொந்த விவகாரத்தை இத்தனை
நாளும் மதித்ததற்கு நன்றி. இந்தப் புதிய பயணத்தில்
அனைவருடைய வாழ்த்தும் எங்களுக்குக் கிடைக்கும்
என நம்புகிறோம் என்று கூறியுள்ளனர்.

பிபாஷாவும் கரணும் 2015- வெளிவந்த அலோன்
என்கிற படத்தில் ஜோடியாக நடித்தார்கள். இதற்குப்
பிறகு பிபாஷா பாசு எந்தப் படத்திலும் நடிக்கவில்லை.
–
——————————-
தினமணி