நன்றி -ஒரு பக்க கதை

**ayyasamy ram** · **ayyasamy ram** Sat Apr 09, 2016 12:29 am

-
நிவேதாவுக்கு வெறுத்துப் போயிற்று. சமையலில்
அவள் கெட்டி. தன் குடும்பத்தினருக்காக
ஒவ்வொரு நாளும் எதையாவது புதுசு புதுசாகச்
செய்ய வேண்டுமே என பதைபதைப்பாள்.
–
அதில் தன் திறமை முழுவதையும் காட்டி சுவை
கூட்டுவாள். அவள் புத்தக கலெக்‌ஷன் முழுவதுமே
சமையல் கலை புத்தகங்களால் நிரம்பி வழியும்.
–
ஆனாலும் என்ன? ஒரு சின்ன பாராட்டுகூட
கிடைக்காது! இன்று அவள் பார்த்துப் பார்த்து செய்த
அரிதான ரெஸிபி… சாப்பிட்ட யாருமே
‘‘நல்லா இருக்கு’’ என வாய் திறந்து ஒரு
வார்த்தை சொல்லவில்லை.
–
கணவன் சாப்பிட்டு கை கழுவிய வேகத்தில்
ஆபீஸ் கிளம்பிப் போய் விட்டான். குழந்தைகள்
இருவரும் வேகவேகமாக அள்ளிப் போட்டுக்
கொண்டு பள்ளிக்கு ஓடிவிட்டனர்.
–
மாமியாரும் சாப்பிட்டு முடித்தவுடன் அரட்டை
அடிக்க பக்கத்து வீட்டுக்குப் போய்விட்டார்.
‘‘நன்றியே யாருக்கும் இல்லை!’’ – இந்தப்
புலம்பலின் முடிவில் நிவேதாவுக்கு அழுகையே
வந்துவிட்டது.

‘‘சே, செய்த ரெஸிபிக்கு ஒரு சின்ன அங்கீகாரம்
கூட கிடைக்கலையே! எதுக்காக கஷ்டப்படணும்?’’
–
முணுமுணுத்தபடியே சாப்பிட்டவள், மீதத்தை
நாய்க்குக் கொண்டுபோய் போட்டாள். அதைச்
சாப்பிட்ட விக்கி, வாலை ஆட்டிக்கொண்டு வந்து
நிவேதாவின் காலை நக்கிற்று.

மனதுக்குள் ஒரு சின்ன பூரிப்பு. மலர்ச்சியுடன்
மறுநாள் சமையலுக்கான ரெஸிபியைத் தேடத்
துவங்கினாள் நிவேதா!
–
——————————

-அமுதகுமார்
குங்குமம்

**krishnaamma** · **krishnaamma** Sat Apr 09, 2016 1:12 am

**ஜாஹீதாபானு** · **ஜாஹீதாபானு** Sat Apr 09, 2016 4:05 pm

அது சரி

**M.Jagadeesan** · **M.Jagadeesan** Sat Apr 09, 2016 5:00 pm

யாரும் வாய்திறந்து பாராட்டு சொல்லவில்லை என்றால் , நிவேதா செய்த ரெசிபி அல்வாவாக இருக்கும் . அது வாயைத் திறக்கமுடியாதபடி ஒட்டிக்கொண்டு இருந்திருக்கலாம் !

**krishnaamma** · **krishnaamma** Sun Apr 10, 2016 1:30 am

M.Jagadeesan wrote:யாரும் வாய்திறந்து பாராட்டு சொல்லவில்லை என்றால் , நிவேதா செய்த ரெசிபி அல்வாவாக இருக்கும் . அது வாயைத் திறக்கமுடியாதபடி ஒட்டிக்கொண்டு இருந்திருக்கலாம் !

மேற்கோள் செய்த பதிவு: 1201739

ஹா...ஹா...ஹா... கதையை விட உங்கள் பின்னூடம் சூப்பர் ஐயா, முதலில் பின்னூட்டம் போட்ட நான் கூட வாய்திறந்து பேசாமல் smiley மட்டுமே போட்டிருக்கேன் , பாருங்களேன் ! ஜாலி