அதற்கு முன்னே அனுபவிச்சு தீர்க்கணும்

by ச. சந்திரசேகரன் Wed Apr 06, 2016 12:36 am

அதற்கு முன்னே அனுபவிச்சு தீர்க்கணும்

உலகம் அழியுதுன்னு உள்ளவங்க சொல்றாங்க
அதற்கு முன்னே நான் அனுபவிச்சு தீர்க்கணும்

சேர்த்த சொத்தை எல்லாம் செலவழிச்சு பாக்கணும்
வார்த்த மிச்சமின்றி வாயாடி தீர்க்கணும்
கோர்த்த மாலைய நான் கொண்டவளிடம் சேர்க்கணும்
வேர்த்த போதிலும் நான் வெகுநேரம் மகிழணும்

பார்த்த முகத்தையெல்லாம் பலமுறை பாக்கணும்
தீர்த்த யாத்திரைகள் தெவிட்டாமல் போகணும்
வார்த்த கவிதைகள வாய்விட்டுச் சொல்லணும்
அர்த்த சாமத்துல அங்கே இங்கே திரியனும்

உலகம் அழியுமுன்னே உன்கூட சுத்தணும்
கலகம் பிறக்குமுன்னே காரியம் முடிக்கணும்
திலகம் இட்டுஉன்னே திருமதி ஆக்கணும்
விலகும் எண்ணமின்றி விடியும்வரை உருளணும்

பாடம் படிக்காம பல்லாங்குழி ஆடணும்
வேடம் தரிக்காம வெகுளியா திரியணும்
ஆடம் பரமின்றி ஆதாமா மாறணும்
ஓடம் இல்லாம ஓடைய நான் கடக்கணும்

தவறு செய்தவர தாறுமாறா திட்டணும்
கொள்ளை அடிச்சவர கோபத்தோட மிதிக்கணும்
கள்ளக் கும்பல நான் கண்டபடி துப்பணும்
அள்ளக் கைகள நான் அச்சமின்றி அடிக்கணும்

உலகம் அழியுதுன்னு உள்ளவங்க சொல்றாங்க
அதற்கு முன்னே நான் அனுபவிச்சு தீர்க்கணும்
ச.சந்திரசேகரன்

by சிவனாசான் Wed Apr 06, 2016 5:07 am

உலகம் அழியுமுன்னே அனைத்தையும் செய்திடனும்>>>>நல்ல கருத்து அன்பரே ..............அதானே நாட்டில் நிலவுகிறது >>>>>>>>>>>சட்டத்தை புறம் தள்ளி>>> காசு படைத்தவன் எதையும் >>>>>>>>>>>>>>>>>>