சர்ச்சை கருத்து; குஷ்புவுக்கு எதிராக திரண்ட திருநங்கைகள்

**ayyasamy ram** · **ayyasamy ram** Tue Apr 05, 2016 1:25 pm

-
-சென்னை;
திருநங்கைகள் குறித்து அவதுாறான கருத்து
தெரிவித்ததாக குஷ்புவுக்கு எதிராக ஆர்ப்பாட்டத்தில்
திருநங்கைகள் ஈடுபட்ட சம்பவம் பரபரப்பு ஏற்படுத்தியது.

காங்கிரஸ் கட்சியின் தேசிய செய்தி தொடர்பாளரான
நடிகை குஷ்பு ஆங்கில நாளிதழ் ஒன்றுக்கு பேட்டி
அளித்திருந்தார். அதில், ‘திருநங்கைகள் உயர்
பதவிகளுக்கு செல்ல அவசரப்படுகிறார்கள் என்றும்
மேலும் சில கருத்துகளையும் அவர்கள் குறித்து
தெரிவித்திருந்தார்.

குஷ்புவின் இந்த பேச்சு திருநங்கைகள் மத்தியில்
அதிருப்தியை ஏற்படுத்தியது. இதையடுத்து இதற்கு
கண்டனம் தெரிவித்து, திருநங்கை சுதா என்பவர்
தலைமையில் திரண்ட திருநங்கைகள் சென்னை
ராயப்பேட்டை காங்கிரஸ் கட்சி அலுவலகமான
சத்தியமூர்த்திபவன் முன்பு முற்றுகை போராட்டத்தில்
ஈடுபட்டனர்.

தனது கருத்துக்கு குஷ்பு உடனடியாக மன்னிப்பு கேட்க
வேண்டும் என்று கேட்டுக்கொண்டதோடு குஷ்புவிற்கு
எதிராக கண்டன கோஷங்களை எழுப்பினர்.
-
இதுகுறித்து திருநங்கை சுதா , ‘கடந்த சில
ஆண்டுகளுக்கு முன்பு பெண்கள் பற்றி குஷ்பு
சர்ச்சையான கருத்து வெளியிட்டார். தற்போது தேர்தலில்
போட்டியிட திருநங்கைகளுக்கு தகுதி உண்டா என்ற
கேள்விக்கு எங்களை இழிவுபடுத்தும் விதமாக பேசி
உள்ளார். இதனை நாங்கள் வன்மையாக கண்டிக்கிறோம்’
என்றார்.
-
பின்னர் ஆர்ப்பாட்டத்தில் ஈடுபட்டவர்களிடம் காங்கிரஸ்
பொதுச்செயலாளர் எம்.ஜோதி பேச்சுவார்த்தை நடத்தினார்.
இதையடுத்து குஷ்பு இவ்வாறு கருத்து கூறுவதை தடுத்து
நிறுத்த வேண்டும் என்று திருநங்கைகள் மனு கொடுத்த
பின் கலைந்துசென்றனர்
-
-------------------------

- படம்:குமரகுருபரன்
விகடன்

balakarthik · balakarthik Tue Apr 05, 2016 1:41 pm

ரெண்டுமே பப்ளிசிட்டி பைத்தியங்கள் தான்

சர்ச்சை கருத்து; குஷ்புவுக்கு எதிராக திரண்ட திருநங்கைகள்

சர்ச்சை கருத்து; குஷ்புவுக்கு எதிராக திரண்ட திருநங்கைகள்

Re: சர்ச்சை கருத்து; குஷ்புவுக்கு எதிராக திரண்ட திருநங்கைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக