அமெரிக்க ஜனாதிபதி வேட்பாளர் தேர்தல்: டிரம்ப், ஹிலாரிக்கு அதிர்ச்சி தோல்வி; விஸ்கான்சின் மாகாணத்தில் குரூஸ், சாண்டர்ஸ் வெற்றி -

**ayyasamy ram** · **ayyasamy ram** Thu Apr 07, 2016 9:57 am

மில்வாக்கி,
-
அமெரிக்க ஜனாதிபதி வேட்பாளர் தேர்தல்: டிரம்ப், ஹிலாரிக்கு அதிர்ச்சி தோல்வி; விஸ்கான்சின் மாகாணத்தில் குரூஸ், சாண்டர்ஸ் வெற்றி - O0PeYL6S9udf0PcYSfUA+america

அமெரிக்க ஜனாதிபதி வேட்பாளர் தேர்தல்: டிரம்ப், ஹிலாரிக்கு அதிர்ச்சி தோல்வி; விஸ்கான்சின் மாகாணத்தில் குரூஸ், சாண்டர்ஸ் வெற்றி - O0PeYL6S9udf0PcYSfUA+america

-

அமெரிக்க ஜனாதிபதியின் பதவிக்காலம் இந்த ஆண்டு இறுதியில் முடிவடையும் நிலையில் வருகிற நவம்பர் 8-ந்தேதி அங்கு ஜனாதிபதி தேர்தல் நடைபெற இருக்கிறது. குடியரசு கட்சி மற்றும் ஜனநாயக கட்சியின் சார்பில் ஜனாதிபதி வேட்பாளர்களை தேர்ந்தெடுப்பதற்கான தேர்தல் விறுவிறுப்பாக நடந்து வருகிறது. இதில் குடியரசு கட்சியில் டொனால்டு டிரம்பும், ஜனநாயக கட்சியில் லாரி கிளிண்டனும் முன்னிலை வகித்து வருகின்றனர்.

இந்த நிலையில் நேற்று முன்தினம் விஸ்கான்சின் மாகாணத்தில் குடியரசு கட்சி மற்றும் ஜனநாயக கட்சிக்கான வேட்பாளர் தேர்தல் நடந்தது. வாக்குப்பதிவு முடிந்ததும், உடனடியாக வாக்குகள் எண்ணப்பட்டன. இதில் டொனால்டு டிரம்பும், லாரி கிளிண்டனும் அதிர்ச்சி தோல்வி அடைந்தனர்.

குடியரசு கட்சி சார்பில் டொனால்டு டிரம்பை எதிர்த்து போட்டியிட்டு வரும் குரூஸ் 48 சதவீத வாக்குகள் பெற்று வெற்றி பெற்றார். டொனால்டு டிரம்ப் 34 சதவீத வாக்குகள் பெற்றார். அதே போல் ஜனநாயக கட்சியில் முன்னிலையில் உள்ள லாரி கிளிண்டனின் போட்டியாளரான பெர்னி சாண்டர்ஸ் 56 சதவீத வாக்குகள் பெற்று வெற்றி கண்டார். லாரிக்கு 43 சதவீத வாக்குகள் கிடைத்தது.

ஜனாதிபதி வேட்பாளர் ஆவதற்கு குடியரசு கட்சியில் 1,237 பிரதிநிதிகளின் ஆதரவை பெற வேண்டிய நிலையில் டொனால்டு டிரம்ப் 740 பிரதிநிதிகளின் ஆதரவை பெற்று முன்னிலையில் உள்ளார். அவருக்கு அடுத்தபடியாக குரூஸ் 514 பிரதிநிதிகளின் ஆதரவை பெற்று இருக்கிறார்.

ஜனநாயக கட்சியை பொறுத்தவரை 2,383 பிரதிநிதிகளின் ஆதரவை பெற வேண்டும் என்ற நிலையில் லாரி கிளிண்டன் 1,742 பிரதிநிதிகளின் ஆதரவு பெற்று முன்னணி வகித்து வருகிறார். அவரது போட்டியாளரான பெர்னி சாண்டர்சுக்கு 1,051 பிரதிநிதிகள் ஆதரவு அளித்து உள்ளனர்.
-
தினத்தந்தி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக