சைக்கிளில் மிதித்து தண்ணீர் இறைக்கலாம்!

-
–

கோவை என்றாலே, புதிய கண்டு பிடிப்புகளுக்கு
பெயர் பெற்ற இடம் என்பது மீண்டும் ஒரு முறை
நிரூபிக்கப்பட்டுள்ளது.
–
பழைய சைக்கிள், மோட்டார் உதிரி பாகங்களை
கொண்டு, தண்ணீர் இறைக்கும் இயந்திரத்தை
கோவை ராம்நகரை சேர்ந்த கிருஷ்ணன் என்பவர்
தயாரித்து உள்ளார்.
–
கடந்த, 35 ஆண்டுகளாக, கிருஷ்ணன், கேமரா சரி
பார்க்கும் தொழிலில் ஈடுபட்டு வருகிறார்.
இவருடைய நீண்ட நாள் கனவாக, இப்புதிய கண்டு
பிடிப்பை தற்போது வெற்றிகரமாக நிறைவேற்றி
உள்ளார்.
–
எவ்வித மின்சார செலவும் இல்லாமல், சூப்பராக
தயாராகி உள்ளது, தண்ணீர் இறைக்கும் இயந்திரம்.
மின்தடை நேரங்களில் கூட வீட்டின் தண்ணீர்
தேவையை பூர்த்தி செய்யலாம்.
–
கிருஷ்ணன் கூறியதாவது: நான் டிப்ளமோ டூல்
இன்ஜினியரிங் பயின்றுள்ளேன். இதனால்,
மெக்கானிக்கல் விஷயங்களில் ஆர்வம் அதிகம்.
–
இந்நிலையில் சில ஆண்டுகளுக்கு முன்பு சர்க்கரை
நோயால் அவதிப்பட்டு வந்தேன். இதற்காக தினமும்
நடைபயிற்சி, சைக்கிள் ஓட்டுதல் உள்ளிட்டவற்றை
செய்தேன். பல நாட்கள் சிந்தித்து, இந்த இயந்திரத்தை
உருவாக்கினேன். முதலில் உடற்பயிற்சிக்காக நின்ற
இடத்தில் சைக்கிள் ஓட்ட நினைத்த போது,
அதனுடன் தரை கீழ்மட்டத்தில் கட்டப்பட்டுள்ள
தொட்டியில் இருந்து, தண்ணீர் இறைக்கும்
இயந்திரத்தையும் ஏன் இணைக்கக் கூடாது என்ற
எண்ணம் தோன்றியது.
–
இதையடுத்து, என்னிடம் இருந்த பழைய
‘சென்ட்ரிபியூவல் பம்ப்’ உடன் இச்சைக்கிளை
இணைக்கும் திட்டத்தை செயல்படுத்தினேன்.
இதில் ஓரளவுக்கு தான் வெற்றி கிடைத்தது.
–
இதையடுத்து, ஒவ்வொரு மாற்றுத்திட்டமாக செயல்
படுத்தினேன். இதில் தரைமட்டம் அளவுக்கு நீர்
இறைக்கப்பட்டது. உயரத்துக்கு செல்லும்போது,
‘சென்ட்ரிபியூவல் பம்ப்’ பயன்படவில்லை. தொடர்ந்து,
‘சென்ட்ரிபியூவல் பம்ப்’ க்கு பதிலாக,
‘ரெசிபுரோக்கேட்டிங்’ பம்ப் பயன்படுத்தினேன்.
–
என் நண்பர் ராஜராஜன் என்பவரிடம் இருந்து, பழமை
வாய்ந்த கப்பலில் பயன்படுத்தப்பட்ட,
‘ரெசிபுரோக்கேட்டிங்’ பம்ப் பெற்றேன்.இதை சரிசெய்து
இக்கருவியுடன் பொருத்தி இயக்கினேன்.
–
இதில் வெற்றி கிடைத்தது. கடந்த ஐந்து மாதங்களாக
இக்கருவியை பயன்படுத்தி வருகிறேன்.
தினமும், 15 நிமிடங்கள் சைக்கிளை மிதிக்கும்போது,
400 லிட்டர் வரை நீர் தொட்டிக்கு சென்று விடும்.
–
தொடர்ச்சியாக இதை செய்ய வேண்டிய அவசியமில்லை.
ஐந்து, ஆறு நிமிடங்கள் தொடர்ந்து இயக்கலாம்.
அதன் பின், பணிகளை மேற்கொள்ளலாம்.
–
உடற்பயிற்சியுடன் மின்சாரமும் மிச்சப்படுவதால்,
இது டூ இன் ஒன் கருவியாக பயன்படுகிறது.
இக்கருவியால், மின்சார சேமிப்பு , உடற்பயிற்சி ஆகிய
இரண்டும், ஒரே நேரத்தில் கிடைக்கிறது. இதை
வியாபார நோக்கில் செய்யவில்லை.இவ்வாறு,
கிருஷ்ணன் கூறினார்.
–
————————————

-நமது நிருபர்-
தினமலர்

ஒரு கல்லில் இரண்டு மாங்காய் நல்ல கண்டுபிடிப்புங்க. தற்போதைய மக்கள் உழைக்காமல் உண்ணவே நினைக்கிறார்கள்.அவர்களிடம் இது எந்த அளவிற்கு>>>>>>>>>>>>> சோம்பேரிகளாக உருவாக்கி விட்டார்கள் ஆட்சியாளர்கள் என்செய்வது. உடலுழைப்பே இல்லாமல் போய்விடுகிறதே??????????