தேர்தல் திருவிழா விழிப்புணர்வு பாடல் -சசி

by சசி Mon Apr 04, 2016 7:36 pm

மக்கமாரே மனுஷமாரே
இப்படிக்கா கொஞ்சம்
வாங்க!

நான் சொல்றத கொஞ்சம்
காது கொடுத்துக்
கேளுங்க!

ஜனநாயக திருவிழா மே 16
நடக்கத்தான் போகுது!
ஒன்று கூடி தேர் இழுத்தா
வந்து நிக்கத்தான் போகுது!!

ஏடு எடுத்து படித்தவன்
காலிலும் விழுவான்!
ஏர்பிடிப்பவன் காலிலும்
விழுவான்!

கையெடுத்து கும்பிடுவான்
கைநிறைய காசு தந்திடுவான்!

சாப்பாடு போடுவான்
சரக்கு வாங்கியும் தருவான்!!

சண்டாள சாதிக்காரனும் வருவான்
சாராயம் விற்பவனும் வருவான்!!

கோடி கோடியாய் கொள்ளை அடித்தவனும் வருவான்

கேடியாய் கேப்பங்களி திண்ணவனும் வருவான்!!
ஓட்டு கேக்க....

மக்கமாரே மனுஷமாரே
இப்படிக்கா வாங்க
நான் சொல்றத கொஞ்சம்
காது கொடுத்துக் கேளுங்க!

கல்வியை காசாக்கும்
களவாணியை
கட்டி வைச்சு அடிப்போம்!

சாரய சாம்ராஜ்யம்
செய்பவனுக்கு சவுக்கடி
கொடுப்போம்!!

சாதீயம் பேசரவனுக்கு
சங்கு ஊதிடுவோம்
சங்கு ஊதிடுவோம்!!

அயோக்கிய அரசியலுக்கு
அடி கொடுப்போம்!!
ஆக மொத்தத்தில்
அம்புட்டு பயலுக்கும்
ஆணி அடிப்போம்!!

மக்கமாரே மனுஷமாரே
இப்படிக்கா கொஞ்சம் வாங்க
நான் சொல்றத கொஞ்சம்
காது கொடுத்துக் கேளுங்க!!

அச்சாணி முறியாம
அற்பனும் வாழும் அரசை
தேர்ந்தெடுக்க வோணும்!

ஊருக்கு நல்லது செய்யும்
நாலு பேரும் வருவான்!

அவனுக்காக விரலில் "மை" வைப்போம்!
அடுத்த வன் கைகளில்
காசு வாங்காம!

ஊழலில்லா அரசை
ஊருக்குள் சேர்த்திடுவோம்!!

காசு வாங்கும் அரசுக்கு
கை விலங்கு பூட்டிடுவோம்!

பூமித்தாய் மடியில் கைவைக்காம
இருப்பவனுக்கு விரலில்"மை" வைப்போம்!

நீரையும் நிலத்தையும்
கொள்ளை அடிக்காதவனுக்கு
கொடு முடி தருவோம்!

நாட்டை நல்வழி படுத்துபவனுக்கு
நாற்காலி தருவோம்!!
நாற்காலி தருவோம்!!

நான் சொல்றத
கேட்டீங்களா?
மக்கமாரே மனுஷமாரே!!
நான் சொல்றத கேட்டீங்களா??

ஜனநாயக கடமையை
செய்வோம்!

by **M.Jagadeesan** Mon Apr 04, 2016 8:31 pm

தேர்தல் திருவிழா விழிப்புணர்வு கவிதை பிரமாதம் !

சசிக்குப் பாராட்டுக்கள் !

by சசி Tue Apr 05, 2016 11:39 am

M.Jagadeesan wrote:தேர்தல் திருவிழா விழிப்புணர்வு கவிதை பிரமாதம் !

சசிக்குப் பாராட்டுக்கள் !

மேற்கோள் செய்த பதிவு: 1200839

தங்களது பாராட்டுகளுக்கு
நன்றி ஐயா.

by யினியவன் Tue Apr 05, 2016 11:46 am

அருமை சசி.

(கல்யாணத் திருவிழா விழிப்புணர்வு பாடலும் எழுதுங்களேன்) புன்னகை

by சசி Tue Apr 05, 2016 12:02 pm

யினியவன் wrote:அருமை சசி.

(கல்யாணத் திருவிழா விழிப்புணர்வு பாடலும் எழுதுங்களேன்)

மேற்கோள் செய்த பதிவு: 1200896
அதான் எல்லாம் முடிந்து விட்டதே அப்புறம்
வேற விழிப்புணர்வு தேவையா?

மெட்டு போட்டு YouTube ல் போடுவீங்களாம்..அண்ணா குரல் கேட்க தங்கை ஆவலுடன் இருக்கிறேன் (அப்படியே யாரும் அடிச்சா நான் பொருப்பல்ல)

by balakarthik Tue Apr 05, 2016 12:11 pm

நான் சொல்றத
கேட்டீங்களா?
மக்கமாரே மனுஷமாரே!!
நான் சொல்றத கேட்டீங்களா??

நமாளுங்க நல்லத கேக்குறதோட நிப்பாட்டிக்குவாங்க கொடுக்குரவங்களுக்கு கும்பிடு போடுவாங்க

இந்தமுறை 2000மா 5000மானு தெரியல I am waiting

by **ayyasamy ram** Tue Apr 05, 2016 1:16 pm

தேர்தல் திருவிழா விழிப்புணர்வு பாடல் -சசி 3838410834

-

தேர்தல் திருவிழா விழிப்புணர்வு பாடல் -சசி Wic76QovRPOYPkE61z6r+p3a

-

தேர்தல் திருவிழா விழிப்புணர்வு பாடல் -சசி BhVDXm5SVSzxyfiUabkT+zq

by சசி Tue Apr 05, 2016 3:28 pm

ayyasamy ram wrote:
-

-

மேற்கோள் செய்த பதிவு: 1200912
நன்றி ஐயா. கலக்கலான கார்டூன் அருமை

by **T.N.Balasubramanian** Tue Apr 05, 2016 3:44 pm

அருமையான கவிதை .
கழுதையா கத்துறோம் ,கேட்கிறவங்க யாரும் இல்லை .
இருப்பினும் , அரசியல் என்றாலே சாக்கடை என அறிகிறோம் .
இருக்கும் சாக்கடைகளில் , சிறிதே தெளிந்த நீருடைய சாக்கடைகளில் ,
கை நனைக்கிறோம். கை வெளியே வரும்போது , அதில் மை தெரிகிறது .

ரமணியன் .

பிகு
"ஒன்று கூடி தேர் இழுத்தா
வந்து நிக்கத்தான் போகுது!! "

இழுத்தா எப்பிடி நிக்கும் ?
ர...ன்