விபீஷணர் பாதம் வரலாறு:

**ayyasamy ram** · **ayyasamy ram** Sat Apr 02, 2016 3:03 pm

-
இலங்கை போருக்குப் பின்னர் ராமனுக்கு
பட்டாபிசேகம் நடக்கிறது. அதில் கலந்து கொண்டு
திரும்பும் விபீஷணனுக்கு ராமன் தன் நினைவாக
ஸ்ரீரங்கநாதர் சிலையைபரிசாகத் தருகிறான்.

எடுத்துச் செல்லும்போது கீழே எங்கும் வைக்கக்
கூடாது என்ற நிபந்தனையையும் சொல்கிறான்.
ஆகாய மார்க்கமாக வரும் விபீஷணன், வழியில்
சோலைகளோடு கூடிய காவிரியைக் கண்டு நீராட
விரும்புகிறான். கீழே இறங்கி சிலையை தரையில்
வைக்கக் கூடாதே என்று எண்ணும்போது அங்கே
சிறுவன் வடிவில் வந்த விநாயகரிடம் சிலையை
வைத்திருக்கச் சொல்லிவிட்டு காவிரியில்
நீராடுகிறான்.

சிறுவன் சிறிது நேரம் அந்த சிலையை கைகளில்
வைத்திருந்து விட்டு தரையில் வைத்து விடுகிறான்.
காவிரியில் நீராடி முடித்த விபீஷணன் தரையில்
வைக்கப் பட்ட சிலையை எடுக்கும் போது எடுக்க
முடியவில்லை.

தரையோடு ஒட்டிக் கொண்ட அந்த சிலையை
பெயர்த்தெடுக்கவும் முடியவில்லை. கோபம்
கொண்ட விபீஷணன் அந்த சிறுவனை அடிக்க
முற்படும்போது அவன் ஓடிப் போய் அருகிலுள்ள
மலையின் (திருச்சி மலைக்கோட்டை) உச்சியில்
உட்கார்ந்து கொள்கிறான்.

விபீஷணன் துரத்திச் சென்று சிறுவன் தலையில்
குட்டுகிறான்.சிறுவன் மலை உச்சியில் அமர்ந்த
இடம் திருச்சி உச்சிப் பிள்ளையார் கோயில் என்றும்,
விபீஷணன் அவர் தலையில் குட்டும்போது நின்ற
இடத்தில் உருவான பாதம் இரண்டும்
“ விபீஷணர் பாதம் “ என்றும் அழைக்கப் பெற்றது.

உச்சிப் பிள்ளையாருக்கு இதனால் தலையில் பள்ளம்
ஏற்பட்டது. காவிரியில் சோலைகள் நடுவே வைக்கப்
பட்ட ஸ்ரீரங்கநாதர் சிலை இருந்த இடம் ஸ்ரீரங்கம்
ஆயிற்று.
-
---------------

பச்சை மாமலைபோல் மேனி பவளவாய் கமலச்செங்கண்
அச்சுதா! அமரேறே! ஆயர் தம் கொழுந்தே என்னும்
இச்சுவை தவிர யான்போய் இந்திரலோகம் ஆளும்
அச்சுவை பெறினும் வேண்டேன் அரங்கமா நகருளானே.

- தொண்டரடிப்பொடியாழ்வார் .
-
-------------------------------------------
படித்ததில் பிடித்தது

**M.Jagadeesan** · **M.Jagadeesan** Sat Apr 02, 2016 4:11 pm

ஸ்ரீரங்கம் ராஜகோபுரத்தில் சிற்பங்கள் இல்லாமல் மொட்டையாக உள்ளது . சிற்பங்கள்தான் கோபுரத்திற்கு அழகு !

mbalasaravanan · mbalasaravanan Sat Apr 02, 2016 4:21 pm

தெரியாத வரலாறை தெரிவித்தமைக்கு நன்றி

Sponsored content · Sponsored content

விபீஷணர் பாதம் வரலாறு:

விபீஷணர் பாதம் வரலாறு:

Re: விபீஷணர் பாதம் வரலாறு:

Re: விபீஷணர் பாதம் வரலாறு:

Re: விபீஷணர் பாதம் வரலாறு:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக