சூத்திரங்கள் மாறவேண்டாம் !

**M.Jagadeesan** · **M.Jagadeesan** Tue 14 Mar 2017 - 15:13

பாத்திரங்கள் மாறலாம் ; பழுதில்லை
ஆனால்
சூத்திரங்கள் மாறினால் எல்லாம் சூன்யமே !

கணிதத்தில் மட்டுமல்ல
காவியங்களிலும் சூத்திரங்கள் மாறக்கூடாது !
ஒருவனுக்கு ஒருத்தி
என்ற சூத்திரம் மாறியதால்தான் சிலம்பு உதயமாயிற்று !
பிறன்மனை நோக்காதே
என்ற சூத்திரம் மாறியதால்தான் இராமாயணம் உதயமாயிற்று !

அரசியல் பிழைத்தோர்க்கு அறம் கூற்றாகும்
என்ற சூத்திரத்தை மறந்தவர்கள்தான்
இன்று
பரப்பன அக்கிரகாரத்தில்
ஊதுவத்திகளை உருட்டிக்கொண்டு இருக்கிறார்கள் .

காசுக்கு ஓட்டு என்ற
திருமங்கலம் formula வந்த பிறகுதான் அரசியல்
திருடர்கள் பாதையாயிற்று !

" பசித்தபின் புசி ' என்ற சூத்திரத்தை
மறந்தவர்கள்தான் இன்று
பாதி வாழ்க்கையை தொலைத்துவிட்டு நிற்கிறார்கள் .

கவிதை எழுதும் சூத்திரத்தை மறந்தவர்கள்தான்
இன்று
புதுக்கவிதை , ஹைக்கூ என்ற பெயரில்
காகிதத்தைக் கறுப்பாக்கிக்கொண்டு இருக்கிறார்கள் !

காதலுக்குத் தேவை கண்கள் மட்டுமே
என்ற
சூத்திரத்தை மறந்தவர்கள்தான்
கருவிகளின் துணைகொண்டு
காதலிக்க நினைக்கிறார்கள் !

ஆத்திரம் கொண்டவனுக்கு சூத்திரம் இல்லை
ஆனால்
சூத்திரம் கொண்டவனே சுகவாழ்வு வாழ்கின்றான் !

**T.N.Balasubramanian** · **T.N.Balasubramanian** Tue 14 Mar 2017 - 19:28

இதுவும் அருமையே!
நாணல் வளைவது போல் வளைவதும்
காலத்தின் கட்டாயமாகவே கொள்ளப்படுகிறது.
ஆட்களுக்குத் தக்கபடி அவசியத்திற்கு தக்கபடி
அளவுகோல்கள் மாற்றப்படுகின்றன.
கணித சூத்திரங்கள் மாற்றவே முடியாத ஒன்று.
இனிது வாழ, வாழ்க்கை சூத்திரங்கள்,
தற்காலிகமாக மறக்கப்படுகின்றன.

ரமணியன்

**krishnaamma** · **krishnaamma** Thu 16 Mar 2017 - 0:24

மிக அருமை ஐயா, சவுக்கை எடுத்து விளாசி விட்டீர்கள் ! .................எதற்குமே ஒரு சூத்திரம் தேவைதான், நமக்கு நாமே வகுத்துக்கொண்ட சூத்திரங்களைத் தாண்டாமல் இருந்தால்தான் நாம் நிம்மதியாக வாச முடியும் என்பது என்னுடைய கருத்ததும் கூட புன்னகை

............ அன்பு மலர்

மகேந்திரன் · மகேந்திரன் Thu 16 Mar 2017 - 12:14

M.Jagadeesan wrote:பாத்திரங்கள் மாறலாம் ; பழுதில்லை
ஆனால்
சூத்திரங்கள் மாறினால் எல்லாம் சூன்யமே !

கணிதத்தில் மட்டுமல்ல
காவியங்களிலும் சூத்திரங்கள் மாறக்கூடாது !
ஒருவனுக்கு ஒருத்தி
என்ற சூத்திரம் மாறியதால்தான் சிலம்பு உதயமாயிற்று !
பிறன்மனை நோக்காதே
என்ற சூத்திரம் மாறியதால்தான் இராமாயணம் உதயமாயிற்று !

" பசித்தபின் புசி ' என்ற சூத்திரத்தை
மறந்தவர்கள்தான் இன்று
பாதி வாழ்க்கையை தொலைத்துவிட்டு நிற்கிறார்கள் .

கவிதை எழுதும் சூத்திரத்தை மறந்தவர்கள்தான்
இன்று
புதுக்கவிதை , ஹைக்கூ என்ற பெயரில்
காகிதத்தைக் கறுப்பாக்கிக்கொண்டு இருக்கிறார்கள் !

காதலுக்குத் தேவை கண்கள் மட்டுமே
என்ற
சூத்திரத்தை மறந்தவர்கள்தான்
கருவிகளின் துணைகொண்டு
காதலிக்க நினைக்கிறார்கள் !

ஆத்திரம் கொண்டவனுக்கு சூத்திரம் இல்லை
ஆனால்
சூத்திரம் கொண்டவனே சுகவாழ்வு வாழ்கின்றான் !