வானிலை மைய இயக்குநர் ரமணன் ஒய்வு

by **ayyasamy ram** Thu Mar 31, 2016 3:51 pm

-
சென்னை வானிலை மைய இயக்குநர் ரமணன் இன்று தனது பணியில் இருந்து ஓய்வு பெறுகிறார்.

சென்னை வானிலை ஆய்வு மையத்தின் இயக்குநராக இருப்பவர் எஸ்.ஆர். ரமணன். இவர் சென்னை விவேகானந்தா கல்லூரியில் பி.எஸ்சி., இயற்பியல் முடித்து, அண்ணா பல்கலையில், எம்.எஸ்சி முடித்தார்.

பின்னர், மத்திய அரசின் பணியாளர் தேர்வு ஆணையம் நடத்திய தேர்வில் தேர்ச்சி பெற்று 1980 ஆம் ஆண்டு இந்திய வானிலை ஆய்வு மையத்தில் மூத்த உதவியாளராக பணியில் சேர்ந்தார். பின்னர் சென்னை விமான நிலையம் வானூர்தி வானிலை ஆய்வு மையத்தில் பணிபுரிந்துகொண்டே பதவி உயர்வுக்கான பல தேர்வுகளையும், சென்னை பல்கலையில், பி.எச்டி ஆய்வு பட்டம் படித்து முனைவர் பட்டம் பெற்றார். 2002 -ஆம் ஆண்டு முதல் சென்னை வானிலை ஆய்வு மையத்தின் இயக்குநராக இருந்து வரும் ரமணன் இன்று பணி ஒய்வு பெறுகிறார்.

இது குறித்து செய்தியாளர்களிடம் ரமணன் கூறுகையில், தமிழகத்தில் அனைத்து தரப்பினரும் என் மீது வைத்திருக்கும் அன்பை காணும்போது மகிழ்ச்சியாக உள்ளது.

எனக்கு சிறுவயது முதல் இயற்கை மீது ஆர்வம் அதிகம் அதனால்தான் இந்த துறையை தேர்ந்தெடுத்து பணிக்கு வந்தேன்.

நான் பணியில் சேர்ந்தபோது இந்த துறையில் நவீன தொழில்நுட்ப கருவிகள் அந்த அளவுக்கு இல்லை. தற்போது செயற்கைகோள், ரேடார், துருவ வட்டங்கள் போன்றவற்றில் இருந்து அனுப்பப்படும் படங்கள் துல்லியமாக உள்ளன. மேலும் கணினி சார்ந்த கணிப்புகளும் மேம்பட்டுள்ளது.

அடுத்ததாக தமிழகத்தில் உள்ள கல்லூரி மாணவர்கள் இடையே வானிலை குறித்த விழிப்புணர்வு பிரச்சாரம் மற்றும் பேச்சுகளில் ஈடுபட உள்ளேன் என்று கூறினார்.

சமூகவலைதளங்களில் மழைக்கடவுள் வர்ண பகவானின் தம்பி இந்த ரமணன் என மக்கள் கொண்டாடினர். பள்ளி செல்லும் குழந்தைகளின் ஹீரோவாக ரமணன் உயர்ந்தார் என்பது குறிப்பிடத்தக்கது.
-
dinamani

by **ஜாஹீதாபானு** Thu Mar 31, 2016 4:49 pm

வாழ்த்துகள் ரமணன் சார்.

by **ராஜா** Thu Mar 31, 2016 5:28 pm

அச்சச்சோ ... அப்ப இனிமேல் பள்ளி குழந்தைகளுக்கு எல்லாம் யார் விடுமுறை விடுவது ?! புன்னகை

by **T.N.Balasubramanian** Thu Mar 31, 2016 6:57 pm

ராஜா wrote:அச்சச்சோ ... அப்ப இனிமேல் பள்ளி குழந்தைகளுக்கு எல்லாம் யார் விடுமுறை விடுவது ?!

மேற்கோள் செய்த பதிவு: 1200086

சிரிப்பு

ரமணியன்

by **T.N.Balasubramanian** Sun Apr 03, 2016 8:00 pm

மறந்து விட்டேன் , இவர் எங்கள் பேட்டைவாசி.
எங்கள் தெருவிற்கு ரெண்டு தெருவு தள்ளி வசித்து வருகிறார் .
காலை நடைப் பயிற்சி போகும் போது இவரை பார்ப்பது உண்டு .

ரமணியன்

by **krishnaamma** Mon Apr 04, 2016 1:20 am

சமூகவலைதளங்களில் மழைக்கடவுள் வர்ண பகவானின் தம்பி இந்த ரமணன் என மக்கள் கொண்டாடினர். பள்ளி செல்லும் குழந்தைகளின் ஹீரோவாக ரமணன் உயர்ந்தார் என்பது குறிப்பிடத்தக்கது.

ஆமோதித்தல்

இந்த மழையால் இவரத்தேரியாத சிறு குழந்தைகளே தமிழகத்தில் இல்லை என்கிற நிலை வந்து விட்டது புன்னகை

..... இவர் ஓய்வு பெறுகிறார் என்று தெரிந்தால் நிச்சயம் குழந்தைகள் துக்கப்படும் புன்னகை

by **M.Jagadeesan** Mon Apr 04, 2016 8:39 am

வருண பகவானின் தம்பியே வாழ்க !
...வருகின்ற மழையை முன்னமே உரைத்தாய் !
உருகியே உள்ளம் நொந்து போயினர்
...உன்னுடைய ஓய்வைக் கேட்ட நாள்முதலாய் !
பெருகும் வாழ்த்து மழையிலே நனைந்தாய் !
...பெம்மான் முருகன் உனக்குத் துணையாய்
அருகிலே இருந்து உன்னைக் காப்பான்
...அருமை மகனே சென்றுவா ! சென்றுவா !

by Sponsored content

வானிலை மைய இயக்குநர் ரமணன் ஒய்வு

வானிலை மைய இயக்குநர் ரமணன் ஒய்வு

Re: வானிலை மைய இயக்குநர் ரமணன் ஒய்வு

Re: வானிலை மைய இயக்குநர் ரமணன் ஒய்வு

Re: வானிலை மைய இயக்குநர் ரமணன் ஒய்வு

Re: வானிலை மைய இயக்குநர் ரமணன் ஒய்வு

Re: வானிலை மைய இயக்குநர் ரமணன் ஒய்வு

Re: வானிலை மைய இயக்குநர் ரமணன் ஒய்வு

Re: வானிலை மைய இயக்குநர் ரமணன் ஒய்வு