ஆம்பளைக்கு பாவாடை! பொம்பளைக்கு MALE ஆடை!!

**ayyasamy ram** · **ayyasamy ram** Tue Mar 29, 2016 10:39 am

செல்ஃபி எடுப்பதன் கறுப்புப் பக்கங்களை நுணுக்கமான
திரைக்கதை அமைப்புடன் சொல்லவரும் படம்
‘சண்டிக்குதிரை’. பல்வேறு பத்திரிகைகளில் 300க்கும்
மேற்பட்ட சிறுகதைகள் எழுதியவர்- முன்னணி தொலை
க்காட்சித் தொடர்களின் கதாசிரியர்- தொலைக்காட்சி
நிறுவனங்களில் இயக்குநர் பணி என பன்முகம் கொண்ட
அன்புமதி இயக்கும் படம் இது. நமக்கு அனுப்பிய படக்
காட்சியைப் பார்த்ததும் லேசாக ஷாக் அடித்தது.

நாயகன் பாவாடை உடுப்பிலும், நாயகி ஆண் சட்டை-
லுங்கியுடனும் காட்சி தந்தார்கள். எடிட்டிங் பணியில்
மும்முரமாக இருந்த அன்புமதியை அடாவடியாக
லைனில் பிடித்து, காட்சிக்கானகாரணம் குறித்து
விசாரணையைப் போட்டோம்.

“அந்த ஒரு காட்சியைப் பார்த்துவிட்டு எங்கள் படத்தை
வேற மாதிரி நினைத்துவிடாதீர்கள். பெண்ணைப் பெற்ற
அப்பாக்கள் எல்லாம் எங்களைப் பாராட்டும் அளவுக்கு
கதை சொல்லியிருக்கிறோம்.

சின்னத்திரையில் பிரபலமாகி, அதைவிட்டு விலகியிருந்த
ராஜ்கமல், இந்தப் படத்துக்காக தாடி வளர்த்தல், எடை
குறைத்தல் என நான்கு ஆண்டுகள் உழைத்து,
நடித்திருக்கிறார். நாயகி மானஸா, குடும்பத்தலைவிகளை
நடிப்பால் கவர்வார்.

எஸ்.பி.பாலசுப்ரமணியம் உருகிப்பாடிய ‘நமச்சிவாயா
நமச்சிவாயா ஓம் நமச்சிவாயா…’ உள்பட 6000க்கும்
அதிகமான பக்திப்பாடல்கள் எழுதிய நண்பர் வாரயை
இசையமைப்பாளராக அறிமுகப்படுத்துகிறேன்.
காமெடியும் திகிலும் கலந்த இந்தப் படத்துக்கு ஐந்து வருட
அவகாசம் எடுத்து திரைக்கதை அமைத்துள்ளேன்.

நாயகன் ஆற்றில் குளித்துவிட்டு, திரும்பிவந்து பார்க்கும்
போது ஆடைகளைக் காணவில்லை. அங்கிருக்கும்
பாவாடையை அவசரத்துக்கு எடுத்து உடுத்திக் கொள்கிறான்.
அவனது சட்டையையும் லுங்கியையும் நாயகி அபகரித்து,
உடுத்தியிருப்பதைப் பார்க்கிறான். அப்போது ஒரு மெலடி
பாடல் இடம் பெறுகிறது.

பிரசன்னாவும் சைந்தவியும் பாடியிருக்கிறார்கள்.
அந்தப் பாடலில் 15க்கும் மேற்பட்ட குட்டிக் கதைகளைச்
சொல்லியிருக்கிறேன். அவற்றில் ஒன்றுதான் பாவாடை –
லுங்கி சமாச்சாரம்”
என்று காட்சிக்கான விளக்கம் சொல்கிறார் அன்புமதி.
–
———————–

– நெல்பா
வண்ணத்திரை
-
பிகு -ஹீரோயின் கைலியை மடித்து கட்டியிருக்கு...!
படம் போடலாமா, வேண்டாமா.... அதிர்ச்சி