நடிகை அனுஷ்கா சர்மாவைக் கிண்டலடிப்பதா? விராட் கோலி கொதிப்பு!

-
டி20 உலகக் கோப்பை கிரிக்கெட் போட்டியில்
6 விக்கெட் வித்தியாசத்தில் ஆஸ்திரேலியாவை
வீழ்த்தி அரையிறுதியில் நுழைந்தது இந்தியா.

முன்னணி பேட்ஸ்மேன்கள் சொதப்பியபோதும்,
தனியொருவனாக களத்தில் நின்று 51 பந்துகளில்
2 சிக்ஸர், 9 பவுண்டரிகளுடன் 82 ரன்கள் குவித்து
இந்தியாவை அரையிறுதிக்கு அழைத்துச் சென்றார்
கோலி.

இந்நிலையில் நடிகை அனுஷ்கா சர்மாவை சமூக
வலைத்தளங்களில் கிண்டல் செய்வதை முன்வைத்து
இன்ஸ்டகிராம் தளத்தில் பதிவு ஒன்றை எழுதியுள்ளார்
கோலி. அதில் அவர் கூறியிருப்பதாவது:

பல ஆண்டுகளாக நடிகை அனுஷ்கா சர்மாவைக் கேலி
செய்துவருகிறார்கள். எல்லா எதிர்மறையான
விஷயங்களையும் அவருடன் தொடர்புபடுத்துகிறார்கள்.

வெட்கக்கேடு!
தங்களைப் படித்தவர்களாகக் குறிப்பிடும் அவர்கள்
எல்லாம் வெட்கப்படவேண்டும். என்னுடைய விளையாட்டில்
அவருக்கு எவ்வித தொடர்பும் இல்லை. எனில் அவரை ஏன்
கேலி செய்யவேண்டும்? அவர் என்னை ஊக்கப்படுத்தியுள்ளார்.
நேர்மறையான விஷயங்களைத் தந்துள்ளார். மறைந்து
கொண்டு அவரைக் குறை சொல்பவர்கள் வெட்கப்படவேண்டும்.

அவர் மீது கொஞ்சம் மரியாதை செலுத்துங்கள்.
உங்கள் சகோதரியோ, காதலியோ, மனைவியோ பொதுவில்
அசிங்கப்பட்டால் எப்படி இருக்கும் என்பதை யோசித்துப்
பாருங்கள் என்று கூறியுள்ளார்.
-


காதல் முறிவு?

விராட் கோலியும் நடிகை அனுஷ்கா சர்மாவும் சில
ஆண்டுகளாக காதலர்களாக இருந்த நிலையில் தற்போது
இருவரும் பிரிந்துவிட்டதாகச் சமீபத்தில் செய்திகள்
வெளியாகின.

அனுஷ்காவை ட்விட்டர் மற்றும் இன்ஸ்டகிராம் தளங்களில்
பின்தொடர்வதை ரத்து செய்தார் கோலி. ஆனால் அனுஷ்கா
அதுபோல செய்யவில்லை. அவர் இன்னமும் கோலியை
அந்த இரு தளங்களிலும் பின்தொடர்கிறார்.

கோலியிடம் காதல் பிரிவு பற்றிய தகவல்கள் சூசகமாக
வெளிப்பட்டாலும் அனுஷ்கா சர்மா, இந்த விவகாரம் குறித்து
நேரடியாகவோ சூசகமாகவே எதையும் அவர் வெளிப்படுத்த
வில்லை. இந்நிலையில் அனுஷ்கா சர்மாவுக்கு ஆதரவாகப்
பதிவு எழுதியுள்ளார் கோலி.
-
-----------------

தங்களைப் படித்தவர்களாகக் குறிப்பிடும் அவர்கள்
எல்லாம் வெட்கப்படவேண்டும். என்னுடைய விளையாட்டில்
அவருக்கு எவ்வித தொடர்பும் இல்லை. எனில் அவரை ஏன்
கேலி செய்யவேண்டும்? அவர் என்னை ஊக்கப்படுத்தியுள்ளார்.
நேர்மறையான விஷயங்களைத் தந்துள்ளார். மறைந்து
கொண்டு அவரைக் குறை சொல்பவர்கள் வெட்கப்படவேண்டும்.

அவர் மீது கொஞ்சம் மரியாதை செலுத்துங்கள்.
உங்கள் சகோதரியோ, காதலியோ, மனைவியோ பொதுவில்
அசிங்கப்பட்டால் எப்படி இருக்கும் என்பதை யோசித்துப்
பாருங்கள் என்று கூறியுள்ளார்.

சல்யூட் விராட் கோலி , இந்த வரிகளுக்காக தங்கள் மீதுள்ள மதிப்பு இன்னும் உயர்கிறது

அவர் மீது கொஞ்சம் மரியாதை செலுத்துங்கள். 
உங்கள் சகோதரியோ, காதலியோ, மனைவியோ பொதுவில் 
அசிங்கப்பட்டால் எப்படி இருக்கும் என்பதை யோசித்துப்
பாருங்கள் என்று கூறியுள்ளார். 
-

அநேகர் இதை யோசிப்பதே இல்லை . நடிகை என்றால், ஒரு கீழ்த்தரமான ஜந்து என்ற நினைப்பு.
கட்டாயத்தின் பேரில் நடிகைகள் ஆகும் பெண்கள் படும் கஷ்டங்கள்,த்யாகங்கள் நினைத்துப் பார்த்தால் அப்பப்பா! 
ரமணியன்

மறுபடியும் சிக்ஸர்...