லாகூர் பயங்கரவாத தாக்குதலில் 69 பேர் பலி: பெண்கள், குழந்தைகளை குறிவைத்த கொடூரம்

by **ayyasamy ram** Mon Mar 28, 2016 9:42 am

-
பாகிஸ்தானின்
பஞ்சாப் மாகாணத்தின் கிழக்கு பகுதியில் உள்ள லாகூர்
நகரில் நேற்று (ஞாயிற்றுக்கிழமை) நடத்தப்பட்ட தீவிரவாத
தாக்குதலில் 69 பேர் பலியாகினர்.
300-க்கும் மேற்பட்டோர் படுகாயமடைந்தனர். தற்கொலைப்
படை பயங்கரவாதியால் இத்தாக்குதல் நடத்தப்பட்டது.
-
இக்பால் நகரில் குல்ஷான் இ இக்பால் பூங்காவில் நேற்று
மாலை கிறிஸ்தவர்கள் உட்பட ஏராளமானோர்
திரண்டிருந்தனர். சரியாக மாலை 6.40 மணிக்கு குண்டு
வெடித்தது. மனித வெடிகுண்டாக செயல்பட்ட நபர் தனது
உடலில் 10 முதல் 15 கிலோ எடை அளவிளான வெடிப்
பொருட்களை கட்டியிருந்திருக்க வேண்டும்.

அதன் காரணமாகவே உயிர்ச்சேதம் அதிகமாக இருந்ததாக
லாகூர் போலீஸ் டிஐஜி ஹைதர் அஷ்ரப் கூறியுள்ளார்.

காயமடைந்தவர்களில் சிலரது நிலைமை மோசமாக
இருப்பதால் பலி எண்ணிக்கை உயரக்கூடும் என
அஞ்சுவதாக பஞ்சாப் மாகாண அமைச்சர் பிலால் யாசின்
பிடிஐ செய்தி நிறுவனத்திடம் கூறினார்.

குழந்தைகளை குறி வைத்த கொடூரம்:

பூங்காவில் நடத்தப்பட்ட தாக்குதல் என்பதால்
பலியானவர்களில் பெரும்பாலானோர் பெண்கள் மற்றும்
குழந்தைகளாவர். இது குறித்து அதிகாரி ஒருவர் கூறும்
போது, "தற்கொலைப்படை பயங்கரவாதிக்கு 20 வயதே
இருக்கும். குழந்தைகள் விளையாடும் ஊஞ்சல்கள் நிறைந்த
பகுதியிலேயே அவர் தன்னை வெடிக்கச் செய்துள்ளார்.

இத்தாக்குதலில் தீவிரவாதிகளின் குறி குழந்தைகளாகவே
இருந்துள்ளனர்" என்றார்.

மோடி - நவாஸ் பேச்சு:

லாகூர் தாக்குதலைத் தொடர்ந்து பாகிஸ்தான் பிரதமர்
நவாஸ் ஷெரீபை பிரதமர் மோடி நேற்றிரவு தொலை
பேசியில் தொடர்பு கொண்டு பேசினார். தாக்குதலுக்கு
கடும் கண்டனம் தெரிவித்ததோடு, தீவிரவாதத்தை ஒடுக்க
வேண்டிய அவசியம் குறித்தும் மோடி பேசியுள்ளார். இத்
தகவலை வெளியுறவுத் துறை செய்தித் தொடர்பாளர்
விகாஸ் ஸ்வரூப் தனது ட்விட்டரில் தெரிவித்துள்ளார்.
-
----------------------------
தமிழ் தி இந்து காம்