சொத்துக் குவிப்பு மேல்முறையீட்டு வழக்குடன் கட்டாரியா மனு இணைப்பு

**ayyasamy ram** · **ayyasamy ram** Mon Mar 28, 2016 12:17 pm

தமிழக முதல்வர் ஜெயலலிதா மீதான சொத்துக் குவிப்பு மேல்முறையீட்டு வழக்கு விசாரணையுடன், வழக்குரைஞர் கட்டாரியா தாக்கல் செய்த மனுவும் இணைக்கப்பட்டுள்ளது.
-
தமிழக முதல்வர் ஜெயலலிதா மீதான சொத்துக் குவிப்பு மேல்முறையீட்டு வழக்கை உயர் நீதிமன்றமோ அல்லது உச்ச நீதிமன்றமோ விசாரிக்க முடியாது என்று கூறி வழக்குரைஞர் பரமானந்த் கட்டாரியா வழக்குத் தொடர்ந்திருந்தார்.
-
மறு சீராய்வு மனுவாக மட்டுமே கர்நாடக உயர்நீதிமன்றம், இந்த வழக்கை விசாரித்திருக்க முடியும். மேல்முறையீட்டு வழக்காக சொத்துக் குவிப்பு வழக்கை விசாரிக்க முடியாது என்று கட்டாரியா மனுவில் குறிப்பிட்டிருந்தார்.
-
இந்த மனு மீதான விசாரணை, சொத்துக் குவிப்பு மேல்முறையீட்டு மனு மீதான விசாரணையுடன் இணைக்கப்பட்டுள்ளது.
-
தினமணி

**M.Jagadeesan** · **M.Jagadeesan** Mon Mar 28, 2016 1:04 pm

வழக்கை இழுத்தடிக்க அல்லது திசைதிருப்ப முயல்கிறார்கள் . யார் இந்தக் கட்டாரியா ? இவரை வாதாட உச்சநீதிமன்றம் எவ்வாறு அனுமதித்தது ? வழக்கை விசாரிக்க உச்சநீதி மன்றத்திற்கு உரிமை இல்லையென்றால் , இவ்வழக்கை ஏன் ஏற்றுக்கொண்டது ? உச்சநீதிமன்ற Registrar ஏன் ஏற்றுக்கொண்டார் ?

கட்டாரியா என்ன சொல்ல வருகிறார் என்றால் , குமாரசாமியின் தீர்ப்புதான் இறுதியானது ; அதை எதிர்த்து யாரும் மேல்முறையீடு செய்யமுடியாது . வேண்டுமானால் மறுசீராய்வு மனுவாக விசாரிக்கலாம் ; அதுவும் கர்நாடக உயர்நீதிமன்றத்திற்கு மட்டுமே அந்த அதிகாரம் உள்ளது .

இந்த உண்மை ஜெயலலிதாவின் வழக்கை விசாரிக்கும் அமித்தவா ராய் மற்றும் பினாகி சந்திரகோசுக்குத் தெரியாதா ?

என்ன கூத்து இது ? மேலும் வழக்கை ஜவ்வாக இழுக்க முயற்சி செய்கிறார்கள் !