தேமுதிக - மக்கள் நலக்கூட்டணி பெயரிலேயே போட்டியிடுவோம்

by **T.N.Balasubramanian** Sun Mar 27, 2016 6:22 pm

சென்னை: மக்கள் நலகூட்டணியை விஜயகாந்த் அணி என அழைக்க முடியாது. தேமுதிக - மக்கள் நலக்கூட்டணி என்ற பெயரிலேயே போட்டியிடுவோம் என அக்கூட்டணியில் உள்ள மார்க்சிஸ்ட் கம்யூனிஸ்ட் கட்சி மாநில செயலாளர் ஜி.ராமகிருஷ்ணன் தெரிவித்துள்ளார். தமிழகத்தில் மே மாதம் நடைபெற உள்ள சட்டசபைத் தேர்தலையொட்டி, மக்கள் நலக்கூட்டணி, தேமுதிகவுடன் இணைந்துள்ளது. இக்கூட்டணி அதிகாரப்பூர்வமாக அறிவிக்கப்பட்ட அன்று, இப்புதிய கூட்டணிக்கு விஜயகாந்த் அணி என வைகோ பெயரிட்டார். ஆனால், அப்படியெல்லாம் அழைக்க முடியாது என மூத்த தலைவர் நல்லகண்ணு கூறிவிட்டார். ஆனால், கிராமங்களில் விஜயகாந்த் அணி என்று சொன்னால் தான் புரியும் என பிரேமலதா விஜயகாந்த் உள்ளிட்டவர்கள் தெரிவித்து வருகின்றனர். இந்த சூழ்நிலையில், மக்கள்நலக்கூட்டணியைச் சேர்ந்த மார்க்சிஸ்ட் கம்யூனிஸ் கட்சி மாநில செயலாளர் ஜி.ராமகிருஷ்ணன் இன்று செய்தியாளர்கள் மத்தியில் கூறுகையில், ‘மக்கள் நல கூட்டணியை விஜயகாந்த் அணி என்று அழைக்க முடியாது. தேர்தலில் தேமுதிக, மக்கள் நலக்கூட்டணி என்ற பெயரில் போட்டியிடுவோம்' என்றார். இதேபோல விடுதலைச் சிறுத்தைகள் கட்சித் தலைவர் திருமாவளவனும் கூறியுள்ளார் என்பது குறிப்பிடத்தக்கது. தேமுதிக தலைவர் விஜயகாந்தை முதல்வர் வேட்பாளராக மக்கள் நலக்கூட்டணி தலைவர்கள் அறிவித்துள்ளனர். தமிழக சட்டசபைத் தேர்தலில் தேமுதிக 124 தொகுதிகளிலும், மக்கள் நலக்கூட்டணி 110 தொகுதிகளிலும் போட்டியிடும் என தொகுதி உடன்பாடு எட்டப்பட்டுள்ளது குறிப்பிடத்தக்கது.

நன்றி தமிழ் ஒன்

ரமணியன்

by **T.N.Balasubramanian** Sun Mar 27, 2016 6:28 pm

இவர்கள் தனித்தனியாக அவரவர்கள் கட்சி சின்னத்தில் போட்டிப் போடுவார்களா அல்லது
பொதுவான ஒரு சின்னத்தில் போட்டி இடுவார்களா ?
கேப்டன் விஜயகாந்த் கட்சியில் தான் போட்டிப் போடவேண்டும் என்று கேப்டன் வலியுறுத்தினால் ,
அதற்காக தனி ஒரு சின்னத்திற்கு விண்ணப்பிக்கனமோ?
ரமணியன்

by **M.Jagadeesan** Mon Mar 28, 2016 4:43 pm

தே . மு . தி .க . 124 தொகுதிகளில் போட்டியிடுவதால் கூட்டணி மந்திரிசபை அமைய வாய்ப்பில்லாமலும் போகலாம் . தனி மெஜாரிடிக்கு 118 இடங்கள் கிடைத்தால் போதும் . அப்படிஎன்றால் வைகோ ,திருமா, ராம்கி ,முத்தரசன் ஆகியோரின் கதி ?

by **T.N.Balasubramanian** Mon Mar 28, 2016 4:53 pm

M.Jagadeesan wrote:தே . மு . தி .க . 124 தொகுதிகளில் போட்டியிடுவதால் கூட்டணி மந்திரிசபை அமைய வாய்ப்பில்லாமலும் போகலாம் . தனி மெஜாரிடிக்கு 118 இடங்கள் கிடைத்தால் போதும் . அப்படிஎன்றால் வைகோ ,திருமா, ராம்கி ,முத்தரசன் ஆகியோரின் கதி ?

மேற்கோள் செய்த பதிவு: 1199504

என்ன இது மாதிரி கணக்கு கொடுத்திடீங்க !
124 ல்லே 118 ஆ ? வருமா ......................?

உங்கள் கணக்கில் முதல் முறையாக
விடை தவறாக வரும்போல் இருக்கிறது ,Jagadeesan !

ரமணியன்

by Sponsored content

தேமுதிக - மக்கள் நலக்கூட்டணி பெயரிலேயே போட்டியிடுவோம்

தேமுதிக - மக்கள் நலக்கூட்டணி பெயரிலேயே போட்டியிடுவோம்

Re: தேமுதிக - மக்கள் நலக்கூட்டணி பெயரிலேயே போட்டியிடுவோம்

Re: தேமுதிக - மக்கள் நலக்கூட்டணி பெயரிலேயே போட்டியிடுவோம்

Re: தேமுதிக - மக்கள் நலக்கூட்டணி பெயரிலேயே போட்டியிடுவோம்

Re: தேமுதிக - மக்கள் நலக்கூட்டணி பெயரிலேயே போட்டியிடுவோம்