விந்து தானம் செய்த நபரை காதலித்து தனது 3 ஆவது கணவராக்கிய பெண்

by **ayyasamy ram** Sun Mar 27, 2016 1:46 pm

-
இங்கிலாந்தில் பிறந்து, தனது இளமைக் காலத்திலேயே
ஆஸ்திரேலிய நாட்டு குடியுரிமை பெற்று அங்கு
வாழ்ந்து வருபவர் அமினா ஹார்ட்.
-
அவர் இரண்டு திருமணங்கள் செய்து கொண்டார்,
அந்த இருவேறு திருமணங்களின் மூலம் அவருக்கு
இரண்டு குழந்தைகள் பிறந்தன.
-
ஆனால், அந்த இரண்டு குழந்தைகளும் சிறுவயதிலேயே
இறந்து போயின. இதனால், தனிமை துன்புற்று வந்தார்.
-
தனது இரண்டு கணவர்களையும் விவாகரத்து செய்து,
தனியாக வாழ்ந்துவந்தார். இந்நிலையில், திருமணம்
செய்து கொள்ளாமல் மூன்றாவது குழந்தையை
பெற்றெடுக்க அவர் விரும்பினார்.
-
அதன்படி, பிரபல செயற்கை கருத்தரிப்பு மையத்தை
அணுகினார். அவருக்கு பலரும் விந்து தானம் அளிக்க
முன்வந்தனர்.
-
இந்நிலையில், ஸ்காட் ஆன்டர்சன் என்பரது விந்து
தானத்தை ஏற்க முடிவு செய்தார். அதன்படி, வெற்றிகரமாக
முடிந்த செயற்கை கருத்தரிப்பின்படி லைலா என்ற அழகிய
பெண் குழந்தையை அமினா பெற்றெடுத்தார்.

இதைத் தொடர்ந்து, அந்த குழந்தையை தனக்கு விந்து
தானம் கொடுத்தவரிடம் காட்ட எண்ணி அதற்கான
முயற்சியில் ஈடுபட்டார்.
-
அதன்படி, ஆடு,மாடுகளை வளர்க்கும் பண்ணை தொழில்
செய்துவரும் ஸ்காட் ஆன்டர்சனை தேடி கண்டுபிடித்தார்
அமினா ஹார்ட்.
-
இந்த குழந்தையால் ஏற்பட்ட இந்த உறவு காதலாகி
திருமணத்தில் முடிந்தது. இந்த தம்பதியினர் தற்போது
மிகுந்த மகிழ்ச்சியுடன் இருப்பதாக தகவல்கள் தெரிவிக்கின்றன.
-
-----------------
தமிழ் வெப்துனியா