ஈச்சங்குலை...!!

by ந.க.துறைவன் Fri Mar 25, 2016 6:08 am

சுயம்…!!
*
சுய அறிவு சுகமளிக்கும்
நகல் அறிவு நஞ்சை வளர்க்கும்
*
செயல்பாட்டில் எங்குமில்லை
சொற்பொழிவு எல்லாம் தத்துவமயம்.
*
தவறு நடப்பது இயல்பு
தவறில்லாமல் நடப்பதுதான் சிறப்பு.
*
வாழ்க்கையின் நோக்கம் வாழ்வது
மரணத்தை நோக்கி நகர்வது.
*
சந்திக்க வந்தவர் பேசவில்லை
துணைக்கு வந்தவர் பேசினார்.
*
செத்தவர் மீதிருந்தது சொத்து
உறவினர் போராடினர் ஒன்று சேர்ந்து.
ந.க.துறைவன்.
*.

by ந.க.துறைவன் Sat Apr 02, 2016 6:12 am

பறித்தல்…!!
*
வெட்டவெட்ட வாழைமரம் துளிர்க்கும்
பறிக்கப் பறிக்க உலகில் காதல் மலர் பூக்கும்
*
இங்கு நடப்பது எதுவும் விடியலுக்கு தெரியாது்
விடிவது மட்டுமே அதற்கு தெரிந்தது.
*
வெட்கப்பட்டவன் துக்கப்படுகிறான்
ஆசைப்பட்டவன் தோல்வியடைகிறான்.
*

by ந.க.துறைவன் Sun Apr 10, 2016 6:10 am

விருப்பம்….!!
*
அவள் சாக விரும்பவில்லை
சாவும் அவளை நெருங்கவில்லை.
*.
அவனுக்கு நாக்கிலே சனி
அடுத்தவனுக்கு மூக்கிலே முனி
*
ஆறாதது ரணம்
ஆறுவது சினம்.
*
ஆள் காட்டி விரலில் மை.
வாக்காளர் உரிமை
*
சிக்கலைத் தீர்த்து வைத்தவன்
சிக்கலின் மாட்டிக் கொண்டான்.
*
காற்றே வரவில்லை என்றான்
பொய் சொல்லாதே என்றது காற்று.
*
எது பிடிக்குமென்று கேட்டான்?
உன்னைப் பிடிக்குமென்றாள்.
*

by **T.N.Balasubramanian** Sun Apr 10, 2016 9:24 pm

பிரமாதம் அய்யா எல்லாம் .

ரமணியன்

by ந.க.துறைவன் Thu Apr 28, 2016 6:14 am

உச்சம்.
*
வெளிவராத ரகசியம்
வெளியில் வந்து சந்தி சிரித்தது.
*
மாப்பிள்ளையின் மீதே வைத்தாள் கண்
கல்யாணத்திற்கு வந்த மணமாகாதப் பெண்
*
தேடி வந்து சேர்கின்றது
வாக்காளர்களின் கைகளில் பணம்
*
இலவசமாகவே கொடுத்தார்கள்
தேர்தல் அறிக்கை.
*
தங்கம் விலை உச்சம்
வாங்குவோர்க்கு அச்சம்.
*
படிப் படியாகக் குடிப்பழகு
படிப் படியாக மதுவிலக்கு.
*

by **T.N.Balasubramanian** Thu Apr 28, 2016 7:24 am

படிப் படியாகக் குடிப்பழகு
படிப் படியாக மதுவிலக்கு.
*

அப்பிடியா ? புன்னகை

ரமணியன்

by ந.க.துறைவன் Fri Jun 03, 2016 6:09 am

மனம்…!!

பூப் போல மனசு என்கிறார்கள்
கசக்கி எறிபவர்கள்
*
மனசுக்குள்ளிருக்கிறது சொல்வதற்கு
வெளிவரவில்லை வார்த்தைகள்.
*
மனம் லேசாகத் தானிருக்கிறது
இறுக்கம் இல்லாத வரை.
*
பிடிக்கும் என்று சொல்கிற மனசு
பிடிக்காது என்றும் சொல்கிறது.
*
ஒரு மனசுக்கு
இரண்டு வாசல்கள்
*
மனசு சொல்வதைச் செய்கிறார்கள்
சொல்லாததையும் செய்கிறார்கள்.

by **T.N.Balasubramanian** Fri Jun 03, 2016 9:10 am

அருமை துறைவன் அவர்களே .

ஒரு சிறு சந்தேகம்

பூப் போல மனசு என்கிறார்கள்
கசக்கி எரிபவர்கள்

எரிபவர்கள்--நெருப்பில் இடுபவர்கள்

எறிபவர்கள் -----வேண்டாததை கழித்துக்கட்டுபவர்கள்

எறிபவர்கள் என்று இருக்கவேண்டுமோ ??

சிறு சந்தேக நிவர்த்திதான்

ரமணியன்

by **M.Jagadeesan** Fri Jun 03, 2016 11:58 am

சுடுகாட்டிலே பிணத்தை எரிப்பவனுக்கு வெட்டியான் என்று பெயர் .

பிறர் உயர்வுகண்டு வயிறு எரிபவனுக்குப் பொறாமை பிடித்தவன் என்று பெயர் .

இங்கு துறைவன் ஐயா அவர்கள் " எறிபவர்கள் " என்று போடுவதற்குப் பதிலாக " எரிபவர்கள் " என்று போட்டுவிட்டார் .