திரைப்படங்களில் தத்துவ பாடல் வரிகள் - தொடர் பதிவு

**ayyasamy ram** · **ayyasamy ram** Thu Mar 24, 2016 1:54 pm

திரைப்படங்களில், கவிஞர் கண்ணதாசன், வாலி மற்றும்
இதர கவிஞர்கள் எழுதிய
தத்துவ பாடல்கள் நூற்றுக்கும் மேலே உள்ளன...
-
அவற்றில் நான் ரசித்த சில பாடல்களின் முதல் வரிகள்:
-
-
குறுக்கு வழியில் வாழ்வு தேடிடும் குருட்டு உலகமடா
-
ஆசையே அலை போல நாமமெல்லாம் அதன் மேலே
-
பிறந்து வந்ததும் ஒரே வழி, நாம் பிரிந்து போவதும் ஒரே வழி
-
பிறக்கும் போதும் அழுகின்றான், இறக்கும் போதும்...
-
சிரித்தாலும் அழுதாலும் நிலை ஒன்றுதான்...
-
----------------------
-
ஆடிப் பிழைத்தாலும், பாடிப் பிழைதாலும் அன்பும் பண்பும் எல்லையடி
-
படித்ததினால் அறிவு பெற்றோர் ஆயிரமுண்டு...
-
அச்சம் என்பது மடமையடா...
-
போயும் போயும் மனிதனுக்கிந்த புத்தியைக் கொடுத்தானே...
-
ஒன்றையே நினைத்திருந்து ஊருக்கே வாழ்ந்திருந்து...
-
---------------------------------
-
நினைப்பதெல்லாம் நடந்து விட்டால் தெய்வம் ஏதுமில்லை...
-
ஏதோ மனிதன் பிறந்து விட்டான் ஏனோ மரம்போல் வளர்ந்து விட்டான்
-
மாலைப் பொழுதின் மயக்கத்திலே நான் கனவு கண்டேன் தோழி
-
-----------
முழு பாடல் வரிகளையும் தொடர்ந்து பகிர்கிறேன்
நீங்களும் இத்திரியில் நீங்கள் ரசித்த தத்துவ திரைப்பட பாடல்
வரிகளை பதிவிடலாம்....

**ayyasamy ram** · **ayyasamy ram** Thu Mar 24, 2016 2:00 pm

பாடல்: குறுக்கு வழியில் வாழ்வு தேடிடும்
திரைப்படம்: மஹாதேவி
பாடியவர்: டி.எம். சௌந்தரராஜன்
இயற்றியவர்: பட்டுக்கோட்டை கலியாணசுந்தரம்
இசை: எம்.எஸ். விஸ்வநாதன், டி.கே. ராமமூர்த்தி
ஆண்டு: 1957
-
---------------------------------
-
குறுக்கு வழியில் வாழ்வு தேடிடும் குருட்டு உலகமடா - இது
கொள்ளையடிப்பதில் வல்லமை காட்டும் திருட்டு உலகமடா - தம்பி
தெரிந்து நடந்து கொள்ளடா இதயம் திருந்த மருந்து சொல்லடா
-
இருக்கும் அறிவை மடமை மூடிய இருட்டு உலகமடா - வாழ்வில்
எந்த நேரமும் சண்டை ஓயாத முரட்டு உலகமடா - தம்பி
தெரிந்து நடந்து கொள்ளடா இதயம் திருந்த மருந்து சொல்லடா
-
குறுக்கு வழியில் வாழ்வு தேடிடும் குருட்டு உலகமடா - இது
கொள்ளையடிப்பதில் வல்லமை காட்டும் திருட்டு உலகமடா - தம்பி
தெரிந்து நடந்து கொள்ளடா இதயம் திருந்த மருந்து சொல்லடா
-
விளையும் பயிரை வளரும் கொடியை வேருடன் அறுத்து விளையாடும்
ஓ... ஓ.. ஓ..
விளையும் பயிரை வளரும் கொடியை வேருடன் அறுத்து விளையாடும் - மனம்
வெந்திடும் தோட்டக் காரனிடம்
மிரட்டல் வார்த்தைகளாடும் பல வரட்டு கீதமும் பாடும்
விதவிதமான பொய்களை வைத்துப் புரட்டும் உலகமடா - தம்பி
தெரிந்து நடந்து கொள்ளடா இதயம் திருந்த மருந்து சொல்லடா
-
அன்பு படர்ந்த கொம்பினிலே ஒரு அகந்தைக் குரங்கு தாவும் - அதன்
அழகைக் குலைக்க மேவும்
கொம்பும் ஒடிந்து கொடியும் குலைந்து குரங்கும் விழுந்து சாகும்
கொம்பும் ஒடிந்து கொடியும் குலைந்து குரங்கும் விழுந்து சாகும் - சிலர்
குணமும் இது போல் குறுகிப் போகும் கிறுக்கு உலகமடா - தம்பி
தெரிந்து நடந்து கொள்ளடா இதயம் திருந்த மருந்து சொல்லடா
-
குறுக்கு வழியில் வாழ்வு தேடிடும் குருட்டு உலகமடா - இது
கொள்ளையடிப்பதில் வல்லமை காட்டும் திருட்டு உலகமடா - தம்பி
தெரிந்து நடந்து கொள்ளடா இதயம் திருந்த மருந்து சொல்லடா
ஆ.. ஆஆஆஆஆஆ... ஆஆஆஆஆ
-
-----------------
நன்றி- தமிழிசை காம்

**ayyasamy ram** · **ayyasamy ram** Thu Mar 24, 2016 2:20 pm

[color:df36= #660000]ஆசையே அலைபோலே நாமெலாம் அதன்மேலே
– கவியரசு கண்ணதாசன்
-
திரைப்படங்களில் தத்துவ பாடல் வரிகள் - தொடர் பதிவு 8WR7Z2iIQgCx7dai0khU+unnamed

--
ஆசையே அலைபோலே
நாமெலாம் அதன்மேலே
ஓடம்போலே ஆடிடுவோமே
வாழ்நாளிலே! (ஆசை)

பருவம் என்னும் காற்றிலே
பறக்கும் காதல் தேரிலே
ஆணும் பெண்ணும் மகிழ்வார்
சுகம் பெறுவார் அதிசயம் காண்பார்!
நாளை உலகின் பாதையை இன்றே யார் காணுவார்? (ஆசை)

வாழ்க்கை எல்லாம் தீர்ந்ததே
வடிவம் மட்டும் வாழ்வதேன்
இளமை மீண்டும் வருமா
மணம் பெறுமா முதுமையே சுகமா!
காலம் போகும் பாதையை இங்கே யார் காணுவார்? (ஆசை)

சூறைக்காற்று மோதினால்
தோணி ஓட்டம் மேவுமோ
வாழ்வில் துன்பம் வரவு
சுகம் செலவு இருப்பது கனவு!
காலம் வகுத்த கணக்கை இங்கே யார் காணுவார்? (ஆசை)

Sponsored content · Sponsored content

திரைப்படங்களில் தத்துவ பாடல் வரிகள் - தொடர் பதிவு

திரைப்படங்களில் தத்துவ பாடல் வரிகள் - தொடர் பதிவு

Re: திரைப்படங்களில் தத்துவ பாடல் வரிகள் - தொடர் பதிவு

Re: திரைப்படங்களில் தத்துவ பாடல் வரிகள் - தொடர் பதிவு

Re: திரைப்படங்களில் தத்துவ பாடல் வரிகள் - தொடர் பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக