தமிழகத்துக்கு 5 தலைநகராமா..? சீமான் தேர்தல் அறிக்கை

**ayyasamy ram** · **ayyasamy ram** Thu 24 Mar 2016 - 11:52

தமிழகத்தில் நடைபெற உள்ள சட்டப்பேரவைத்
தேர்தலில் 5 முதல்வர் வேட்பாளர்கள்தான் என
பார்த்தால் தமிழகத்துக்கு 5 தலைநகரங்கள் உருவாக்கப்படும்
என நாம் தமிழர் கட்சியின் முதல்வர் வேட்பாளர் சீமான்
நேற்று வெளியிட்ட 'ஆட்சி செயற்பாட்டு வரைவு' என்ற
தேர்தல் அறிக்கையில் கூறியுள்ளார்.

சென்னை பத்திரிகையாளர் மன்றத்தில் அறிக்கையை
வெளியிட்டுப் பேசிய சீமான், "தமிழகத்தின் தலைநகரமானது
செயல்பாட்டு வசதிக்காக திருச்சிக்கு மாற்றப்படும்;

சென்னையானது திரைக்கலை, துறைமுகம், கணினிநுட்பத்
தலைநகராக இருக்கும்;

தொழில், வர்த்தகத் தலைநகராக கோவை விளங்கும்;

மொழி, கலை, பண்பாட்டுக்கான தலைநகராக மதுரையும்
தமிழர் மெய்யியலுக்கான தலைநகராக கன்னியாகுமரியும்
இருக்கும்," என்றார்.
-
மேலும் நீர்வளப் பெருக்கம், தூய இலவசக் குடிநீர், கல்வி,
மருத்துவ அடிப்படை உரிமை, மாற்று மின்உற்பத்தி,
பத்தாண்டு பசுமைத்திட்டம், ஊழல்- லஞ்சம் ஒழிப்பு, மது
புகையிலை ஒழிப்பு, கனிம வள பாதுகாப்பு, ஈழத்தமிழ்
உறவுகளுக்கான தீர்வு, உழவர், மீனவர் நலன் மேம்பாடு,
அயலக தமிழருக்கான அமைச்சகம், தொல் தமிழர் மீட்சி,
தமிழின ஒருங்கிணைப்பு முன்னேற்றம் உள்ளிட்ட 50க்கும்
மேற்பட்ட திட்டங்கள் தேர்தல் வாக்குறுதிகளாக
அறிவிக்கப்பட்டுள்ளன.

அதன்மூலம், அனைத்து தொகுதிகளிலும் வாக்கு சேகரிப்போம்.

தேமுதிக, மக்கள் நலக்கூட்டணி இணைந்ததால் தமிழனுக்கு
எந்த மாற்றமும், பயனும் நிகழப்போவதில்லை.
நாங்கள் போட்டியாக கொள்வது அதிமுகவை மட்டும்தான்
என்றார் சீமான்.
-
-------------------
தினமணி

தமிழகத்துக்கு 5 தலைநகராமா..? சீமான் தேர்தல் அறிக்கை

தமிழகத்துக்கு 5 தலைநகராமா..? சீமான் தேர்தல் அறிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக