உலக காசநோய் தினம் இன்று

மார்ச் 24-ம் தேதி உலக காசநோய் தினம். ஒவ்வோர் ஆண்டும் ஒன்பது மில்லியன் (90 லட்சம்) காச நோயாளிகள் கண்டறியப்படுகின்றனர். இவர்களில் 30 லட்சம் பேர் சிகிச்சை எடுத்துக்கொள்ளாமல் போய்விடுகின்றனர். இந்த 30 லட்சம் பேரைக் கண்டறிந்து, சிகிச்சை அளித்து, குணப்படுத்தும் நோக்கத்தின் அடிப்படையில் உலக காச நோய் தினம் கொண்டாடப்படுகிறது.
ஒவ்வொரு ஆண்டும் காசநோயால் உலகளவில் கிட்டத்தட்ட 10 லட்ச குழந்தைகள் காச நோயால் பாதிக்கப்படுவதாக ஒரு புதிய ஆய்வு தெரிவிக்கின்றது. இதற்கு முன்னர் கூறப்பட்டு வந்த எண்ணிக்கையை விட இது இரு மடங்காகும்.
உலக காச நோய் தினத்தை முன்னிட்டு, ‘தி லான்செட்’ என்ற சஞ்சிகையில் பிரசுரிக்கப்பட்ட ஆய்வு கட்டுரையில், காச நோயால் பாதிக்கப்படும் குழந்தைகளில் மூன்றில் ஒரு குழந்தைக்கு மட்டுமே சிகிச்சை அளிக்கப்படுவதால், தேவையில்லாமல் பல குழந்தைகள் இறப்பதாக கண்டறியப்பட்டுள்ளது. காச நோய் குழந்தைகளிடம் மிக விரைவாக உருவாவதால், திறனுள்ள கண்காணிப்பு மற்றும் பரிசோதனை முறைகளைப் பயன்படுத்துவது சிகிச்சையின் பலன்களை மேம்படுத்த உதவும் என்று ஆராய்ச்சியாளர்கள் தெரிவித்துள்ளனர்.

2012 -ம் ஆண்டில் கிட்டத்தட்ட 1.3 மில்லியன் மக்கள் காச நோயால் இறந்ததாக உலக சுகாதார அமைப்பு தெரிவிக்கின்றது. காசநோய் பாதித்தவர்கள் நோய் பாதிப்பை அறியாமல் விட்டு விடுவதால், நோய் பாதிப்பானது இருமும் போது ஒரு நோயாளியிடமிருந்து 10 முதல் 15 பேருக்குப் பரவுகிறது. எனவே, நோயை ஆரம்ப நிலையிலேயே கண்டறிந்து சிகிச்சை பெற்றுக் கொள்ள வேண்டும்.
இரண்டு வாரங்களுக்கு மேலாக தொடர்ச்சியான இருமல், மார்பு வலி, மூச்சு வாங்குதல், மாலை வேளையில் காய்ச்சல், சளியில் ரத்தம், உடல் எடை குறைதல், உடல் பலவீனமடைதல், பசியின்மை ஆகியவை இந்நோயின் அறிகுறிகளாகும்.

நன்றி நக்கீரன்.

by **krishnaamma** Thu Mar 24, 2016 11:30 pm

by **krishnaamma** Thu Mar 24, 2016 11:31 pm

by **krishnaamma** Thu Mar 24, 2016 11:32 pm

இரண்டுபடங்களையும் போட்டுவிட்டேன் சசி ஜாலி

......காலை இல் தந்த படங்களை இரவுக்குள்ளவது upload செய்வேனா என்று இருந்தேன்....... புன்னகை

by சசி Fri Mar 25, 2016 10:23 am

நன்றி கார்த்திக், நன்றி அம்மா!
விழிப்புணர்வுடன் இருப்போம்
நோய் வராமல் தடுப்போம்!

by **ayyasamy ram** Fri Mar 25, 2016 10:52 am

சசி wrote:நன்றி கார்த்திக், நன்றி அம்மா!
விழிப்புணர்வுடன் இருப்போம்
நோய் வராமல் தடுப்போம்!

மேற்கோள் செய்த பதிவு: 1199104
-
தமிழ் நாட்டில் காசநோய்க்காக பிரத்யேகமாக
செயல்படும் மருத்தவ மனைகள் உள்ளதா?
(புற்று நோய்க்கு அடையாரில் மருத்துவ மனை உள்ளது போல)
-