மக்கள் நலக் கூட்டணியின் முதல்வராக விஜயகாந்த் அறிவிப்பு

by **ayyasamy ram** Wed Mar 23, 2016 11:44 am

First topic message reminder :

மக்கள் நலக் கூட்டணியில் தேமுதிக தலைவர் விஜயகாந்த் இன்று இணைந்தார். மக்கள் நலக் கூட்டணியின் முதல்வர் வேட்பாளராக விஜயகாந்த் அறிவிக்கப்பட்டுள்ளார்.

தேர்தல் கூட்டணி தொடர்பாக, விஜயகாந்தை சந்திப்பதற்கு முன்பு மக்கள் நலக் கூட்டணி தலைவர் அண்ணாநகரில் உள்ள வைகோ இல்லத்தில் கூடி பேச்சுவார்த்தை நடத்தினர். பின்னர் செய்தியாளர்களிடம் பேசிய வைகோ தேமுதிக அழைப்பின் பேரில் விஜயகாந்தை சந்திப்பதாகத் தெரிவித்தார். அவரைத் தொடர்ந்து பேசிய திருமாவளவன், தேமுதிக உடன் இன்று தொகுதி உடன்பாடு கையெழுத்தாகும் என்று தெரிவித்தார்.

இதனைத் தொடர்ந்து மக்கள் நலக் கூட்டணி தலைவர்கள் வைகோ, ஜி.ராமகிருஷ்ணன், இரா.முத்தரசன், தொல்.திருமாவளவன் ஆகியோர் தேமுதிக தலைவர் விஜயகாந்தை சந்தித்து பேசுவதற்காக இன்று காலை 10 மணியளவில் கோயம்பேட்டில் உள்ள தேமுதிக தலைமை அலுவலகத்திற்கு வந்தனர்.
-
அப்போது சட்டப்பேரவைத் தேர்தல் கூட்டணி, தொகுதி உடன்பாடு பற்றி பேச்சுவார்த்தை நடத்தப்பட்டது. பேச்சுவார்த்தையில் மக்கள் நலக்கூட்டணியின் முதல்வர் வேட்பாளராக விஜயகாந்த் அறிவிக்கப்பட்டார்.
-
மொத்தமுள்ள 234 தொகுதிகளில் தேமுதிக 124 தொகுதிகளிலும், மக்கள் நலக்கூட்டணி 110 தொகுதிகளிலும் போட்டியிடும் என அதிகாரப்பூர்வமாக வெளியிடப்பட்டுள்ளது.
-
பேச்சுவார்த்தையின் போது விஜயகாந்த் உடன் பிரேமலதா, சுதீஷ் ஆகியோர் உடன் இருந்தனர்.
-
தினமணி

by **T.N.Balasubramanian** Sat Mar 26, 2016 5:45 pm

சமீபத்தில் விடுமுறையில் இருக்கும் போது , பிரேமலதாவின் பேச்சை கேட்க நேர்ந்தது .
விஜயகாந்தின் பேச்சிற்கு 5% மார்க்கு கொடுத்தால் , பிரேமலதாவிற்கு 95%.
அப்போது எந்தன் நினைப்பில் ஓடிய எண்ணம் இதுதான் .
ஒரு வேளை விஜயகாந்த் முதல்வராக பதவி ஏற்றால் , பிரேமலதாதான் நிழல் முதல்வர் .
இப்போது பெண் MLA அல்லது பெண் MC ,அவர்களின் தினசரி அலுவலக விஷயங்களில் குரல் கொடுத்து செயல் படுவது அவர்களின் கணவனோ அல்லது சகோதரனாகத்தான் இருக்கிறது .
பிரேமலதாவும் MLA ஆகி , அவர்தான் விஜயகாந்த் பேசவேண்டியவைகளை பேசப்போகிறார் .
யாரறிவார் அவர்தான் Dy C M மோ என்னவோ ?
வைகோவின் குற்றசாட்டை அவர் கழட்டி விட்டவிதமே , ஐயோ வைகோ உனக்கா இந்த கதி !

ரமணியன்

by **ayyasamy ram** Sat Mar 26, 2016 6:09 pm

டெல்லியில் ஆம் ஆத்மி கட்சித் தலைவர்
அரவிந்த் கேஜ்ரிவால் வெற்றி பெற்று ஆட்சி
அமைத்ததைப் போல தமிழகத்தில்
தேமுதிக தலைவர் விஜயகாந்த் வெல்வார்
என்று அக்கட்சியின் மகளிரணித் தலைவி
பிரேமலதா நம்பிக்கை தெரிவித்துள்ளார்.
-