எனது இலங்கைப் பயணம் .

First topic message reminder :

எனது இலங்கைப் பயணம்
=========================
சென்ற டிசம்பர்த் திங்கள் 23 ம் நாள் முதல் ஜனவரி - 2016 ம் திங்கள் 3 ம் நாள் வரையில் 10 நாட்களுக்கு இலங்கைப் பயணம் மேற்கொண்டேன் . இது ஒரு சுற்றுலா நோக்கில் மேற்கொண்ட பயணமாகும் . இந்தப் பயணத்தில் நான் , என் துணைவியார் , என் மாப்பிள்ளை , என் மகள் மற்றும் அவர்களுடையை ஒரே பையன் பிரணவ் ஆகிய ஐந்து பேரும் கலந்துகொண்டோம் .
இது என்னுடைய இரண்டாவது விமானப் பயணம் ஆகும் . முதல் விமானப் பயணம் , சில ஆண்டுகளுக்கு முன்பு சென்னையிலிருந்து , புனே சென்றது ஆகும் .

என்னுடைய மாப்பிள்ளையின் அண்ணன் திரு . R . கணேஷ் என்பவர் கொழும்பில் உள்ள ஒரு தனியார் கம்பெனியில் Finance & Accounting Process பிரிவில் General Manager ஆகப் பணிபுரிந்து வருகிறார். அவருடைய அழைப்பின் பேரில்தான் இந்தப் பயணத்தை நான் மேற்கொண்டேன் . அவர் மனைவி சித்ராவுடனும் , மகள் பாவனாவுடனும் அங்கு வசித்து வருகிறார்

பொதுவாக எனக்கு ஜோசியம், கைரேகை இவற்றில் நம்பிக்கை கிடையாது. சில ஆண்டுகளுக்கு முன்பு என்னுடைய கைரேகையைப் பார்த்த ஒருவர் , " உங்களுக்கு வெளிநாடு செல்லும் வாய்ப்பு இருக்கிறது " என்று சொன்னார் . அவருடைய வாக்கு என்னுடைய 68 ம் வயதில் பலிக்கும் என்று நான் நினைக்கவில்லை .
பயணம் புறப்படுவதற்கு முன்பாக ,  வீட்டிற்குப் பக்கத்தில் உள்ள விநாயகர் கோவிலுக்குச் சென்று வேண்டிக்கொண்டோம். இலங்கை சென்று திரும்பி வருகின்ற வரைக்கும் , உடல்நலம் நன்றாக இருக்கவேண்டும் என்று வேண்டிக்கொண்டோம் . மருந்து மாத்திரைகளையும் , மறக்காமல் எடுத்துக் கொண்டோம் .

23-12-2015 அன்று சென்னை மீனம்பாக்கம் விமான நிலையத்திலிருந்து Sri Lanka Airlines விமானத்தில் இரவு மணி 8.50க்குப் புறப்பட்டோம் . விமானத்தில் வெஜிடபிள் பிரியாணியும் , ஸ்வீட்டும் , காபியும் கொடுத்தார்கள் சரியாக இரவுமணி 9.55 க்குக் கொழும்பு விமான நிலையத்தை விமானம் அடைந்தது .

கொழும்பு விமான நிலையம் , சென்னை விமான நிலையத்தைவிட சிறியது என்றாலும் , மிகவும் தூய்மையாக வைத்திருந்தார்கள் .விமான நிலைய நடைமுறைகளை எல்லாம் முடித்துக்கொண்டு , லக்கேஜ்களை எல்லாம் எடுத்துக்கொண்டு வெளியே வருவதற்கு ஒருமணி நேரம் பிடித்தது .
விமான நிலையத்தில் எங்களை வரவேற்க திரு . கணேஷ் & அவரது குடும்பத்தினர் காத்திருந்தனர் . கொழும்பு விமான நிலையத்திலிருந்து சுமார் 45 நிமிட பயணத்திற்குப் பிறகு , அவரது இல்லத்தை அடைந்தோம் . அப்போது இரவு மணி 10-45 இருக்கும். எங்களுக்காக சூடான இட்டலிகள் செய்திருந்தார்கள் . அவற்றை சாப்பிட்டுவிட்டுப் படுத்துக் கொண்டோம் . வீடு , பெரிய வீடு . குளியலறையுடன் இணைந்த இரண்டு பெரிய படுக்கை அறைகள் , ஒரு வரவேற்பறை , பெரிய சமையலறை என்று இருந்தது . வாடகை எவ்வளவு என்று கேட்டபோது ரூ 75000/= என்று கணேஷ் சொன்னார். எனக்குத் தூக்கி வாரிப் போட்டது . இந்திய நாணயம் ஒரு ரூபாய்க்கு , இலங்கை நாணயம் ரூ 2.20 சமம் என்று சொன்னார். ஆனாலும் வீட்டு வாடகை எனக்கு அதிகம் என்றே தோன்றியது . இலங்கைக் கரன்சியும் ரூபாய் என்றே அழைக்கப்படுகிறது . அன்று இரவு அனைவரும் நன்றாகத் தூங்கினோம் .

]" />

T.N.Balasubramanian wrote:

M.Jagadeesan wrote:பிற்காலச் சோழர்கள் வரலாற்றைத் தெரிந்துகொள்ள வேண்டுமென்றால் பொன்னியின் செல்வனைப் படிக்கவேண்டும்; பல்லவர்கள் வரலாற்றைத் தெரிந்துகொள்ள வேண்டுமென்றால் சிவகாமியின் சபதத்தைப் படிக்கவேண்டும் .பொன்னியின் செல்வன் தற்போது கல்கியில் மீண்டும் தொடர்கதையாக வருகிறது . அதற்காகவே நான் கல்கியை வாரா வாரம் வாங்குகிறேன் .

தங்களின் பின்னூட்டத்திற்கு நன்றி ஐயா !

மேற்கோள் செய்த பதிவு: 1199240


தமிழ் புத்தக கண்காட்சியில் 5 வருடங்களுக்கு முன் ரூபாய் 200/- பொன்னியின் செல்வன் 5 பாகமும் வாங்கிவிட்டேன் .இப்போது சகோதரி மும்பைக்கு அதை எடுத்து சென்றுள்ளார் .
பல்லவர்களைப் பற்றி அறிய சிவகாமியின் சபதம் ஒரு திறவுகோலாகும் என்பதில் சந்தேகம் இல்லை.

பார்த்திபன் கனவு படித்து உள்ளீரா நீங்கள் ?

ரமணியன்

மேற்கோள் செய்த பதிவு: 1199259

பார்த்திபன் கனவு படத்தில் வரும் வைஜெயந்தி மாலாவும் ஜெமினி கணேசனும் ரங்காராவும் குமாரி கமலாவும் அப்படி பொருந்தி இருப்பார்கள் அந்ததந்த வேடத்தில் ...........கதையும் அருமை அந்த படமும் அருமை.........இரண்டுமே எனக்கு பிடிக்கும்

ஐயா !

கல்கியின் பார்த்திபன் கனவும் படித்துள்ளேன் . திரைப்படமும் சிறந்த முறையில் எடுத்திருந்தார்கள் ; ஆனால் படம் எதிர்பார்த்த அளவுக்கு வெற்றிபெறவில்லை !

M.Jagadeesan wrote:ஐயா !

கல்கியின் பார்த்திபன் கனவும் படித்துள்ளேன் . திரைப்படமும் சிறந்த முறையில் எடுத்திருந்தார்கள் ; ஆனால் படம் எதிர்பார்த்த அளவுக்கு வெற்றிபெறவில்லை !

மேற்கோள் செய்த பதிவு: 1199334
ஆம் நீங்கள் சொல்லுவது சரி .
ஜெமினி கணேசன் --வைஜயந்திமாலா. ஜோடி .
அதில் ஒரு சேடிப் பெண்ணாக வருவார் ....சரோஜாதேவி .

ரமணியன்

அவர் அப்போது அவ்வளவு பாப்புலர் ஆகவில்லை . அவர் முதலில் கதாநாயகியாக நடித்த படம் நாடோடிமன்னன் என்று நினைக்கிறேன் .

இரெண்டாம் கதாநாயகியாக என்று நினைக்கிறேன் .

ரமணியன்

Mackwood TEA தொழிற்சாலையைப் பார்த்து முடித்தபின் , நுவரெலியாவில் இருக்கும் GREGORY LAKE - என்னும் அழகான ஏரியைப் பார்க்கக் கிளம்பினோம் .நுவரெலியா ஆங்கிலேயர்களின் கோடை வாசஸ்தலமாக இருந்தது . 1873 - sir William Gregory என்பவர் இங்கு கவர்னராக இருந்த சமயத்தில் இந்த ஏரி நிர்மாணம் செய்யப்பட்டதாம் . அவர் பெயராலேயே இந்த ஏரி Gregory Lake என்று அழைக்கப்படுகிறது .

இந்த ஏரியில் படகு சவாரி செய்தோம் . சுமார் 30 நிமிட படகு சவாரி ஒரு மகிழ்ச்சியான பொழுதுபோக்கு . படகுகள் பல வடிவங்களில் இருந்தன. வீடு போன்ற வடிவத்திலும் , வாத்து போன்ற வடிவத்திலும் ,ஆகாயவிமானம் போன்ற வடிவத்திலும் சில படகுகள் இருந்தன.