எனது இலங்கைப் பயணம் .

First topic message reminder :

எனது இலங்கைப் பயணம்
=========================
சென்ற டிசம்பர்த் திங்கள் 23 ம் நாள் முதல் ஜனவரி - 2016 ம் திங்கள் 3 ம் நாள் வரையில் 10 நாட்களுக்கு இலங்கைப் பயணம் மேற்கொண்டேன் . இது ஒரு சுற்றுலா நோக்கில் மேற்கொண்ட பயணமாகும் . இந்தப் பயணத்தில் நான் , என் துணைவியார் , என் மாப்பிள்ளை , என் மகள் மற்றும் அவர்களுடையை ஒரே பையன் பிரணவ் ஆகிய ஐந்து பேரும் கலந்துகொண்டோம் .
இது என்னுடைய இரண்டாவது விமானப் பயணம் ஆகும் . முதல் விமானப் பயணம் , சில ஆண்டுகளுக்கு முன்பு சென்னையிலிருந்து , புனே சென்றது ஆகும் .

என்னுடைய மாப்பிள்ளையின் அண்ணன் திரு . R . கணேஷ் என்பவர் கொழும்பில் உள்ள ஒரு தனியார் கம்பெனியில் Finance & Accounting Process பிரிவில் General Manager ஆகப் பணிபுரிந்து வருகிறார். அவருடைய அழைப்பின் பேரில்தான் இந்தப் பயணத்தை நான் மேற்கொண்டேன் . அவர் மனைவி சித்ராவுடனும் , மகள் பாவனாவுடனும் அங்கு வசித்து வருகிறார்

பொதுவாக எனக்கு ஜோசியம், கைரேகை இவற்றில் நம்பிக்கை கிடையாது. சில ஆண்டுகளுக்கு முன்பு என்னுடைய கைரேகையைப் பார்த்த ஒருவர் , " உங்களுக்கு வெளிநாடு செல்லும் வாய்ப்பு இருக்கிறது " என்று சொன்னார் . அவருடைய வாக்கு என்னுடைய 68 ம் வயதில் பலிக்கும் என்று நான் நினைக்கவில்லை .
பயணம் புறப்படுவதற்கு முன்பாக ,  வீட்டிற்குப் பக்கத்தில் உள்ள விநாயகர் கோவிலுக்குச் சென்று வேண்டிக்கொண்டோம். இலங்கை சென்று திரும்பி வருகின்ற வரைக்கும் , உடல்நலம் நன்றாக இருக்கவேண்டும் என்று வேண்டிக்கொண்டோம் . மருந்து மாத்திரைகளையும் , மறக்காமல் எடுத்துக் கொண்டோம் .

23-12-2015 அன்று சென்னை மீனம்பாக்கம் விமான நிலையத்திலிருந்து Sri Lanka Airlines விமானத்தில் இரவு மணி 8.50க்குப் புறப்பட்டோம் . விமானத்தில் வெஜிடபிள் பிரியாணியும் , ஸ்வீட்டும் , காபியும் கொடுத்தார்கள் சரியாக இரவுமணி 9.55 க்குக் கொழும்பு விமான நிலையத்தை விமானம் அடைந்தது .

கொழும்பு விமான நிலையம் , சென்னை விமான நிலையத்தைவிட சிறியது என்றாலும் , மிகவும் தூய்மையாக வைத்திருந்தார்கள் .விமான நிலைய நடைமுறைகளை எல்லாம் முடித்துக்கொண்டு , லக்கேஜ்களை எல்லாம் எடுத்துக்கொண்டு வெளியே வருவதற்கு ஒருமணி நேரம் பிடித்தது .
விமான நிலையத்தில் எங்களை வரவேற்க திரு . கணேஷ் & அவரது குடும்பத்தினர் காத்திருந்தனர் . கொழும்பு விமான நிலையத்திலிருந்து சுமார் 45 நிமிட பயணத்திற்குப் பிறகு , அவரது இல்லத்தை அடைந்தோம் . அப்போது இரவு மணி 10-45 இருக்கும். எங்களுக்காக சூடான இட்டலிகள் செய்திருந்தார்கள் . அவற்றை சாப்பிட்டுவிட்டுப் படுத்துக் கொண்டோம் . வீடு , பெரிய வீடு . குளியலறையுடன் இணைந்த இரண்டு பெரிய படுக்கை அறைகள் , ஒரு வரவேற்பறை , பெரிய சமையலறை என்று இருந்தது . வாடகை எவ்வளவு என்று கேட்டபோது ரூ 75000/= என்று கணேஷ் சொன்னார். எனக்குத் தூக்கி வாரிப் போட்டது . இந்திய நாணயம் ஒரு ரூபாய்க்கு , இலங்கை நாணயம் ரூ 2.20 சமம் என்று சொன்னார். ஆனாலும் வீட்டு வாடகை எனக்கு அதிகம் என்றே தோன்றியது . இலங்கைக் கரன்சியும் ரூபாய் என்றே அழைக்கப்படுகிறது . அன்று இரவு அனைவரும் நன்றாகத் தூங்கினோம் .

]" />

நாங்கள் இலங்கை சென்ற சமயத்தில் ,காலி நகரத்தில் பழங்கால கார்களின் கண்காட்சி ஒன்று நடந்து கொண்டிருந்தது. அந்தக் கார்களின் அணிவகுப்பு ஊர்வலம் தெருக்களில் வந்தபோது....

M.Jagadeesan wrote:

மேற்கோள் செய்த பதிவு: 1208516

விடியோ private என்று வருகிறது .திறக்க முடியவில்லை .

உங்கள் இலங்கை பயணம் ,பதிவு + பின்னூட்டங்கள் சேர்ந்து முந்நூறை எட்டப் போகிறது .
ஆரம்ப கால தயக்கங்களை கடந்து , உங்கள் பயணம் வெற்றிகரமாக முன்னேறுகிறது .
ஆர்வம் தூண்டுவதாக உள்ளது .தொடரவும் .எந்தன் வாழ்த்துகள் .

ரமணியன்

வாழ்த்துக்கள் வழங்கிய ரமணியன் ஐயா அவர்களுக்கு நன்றி !

நான்காம் நாள் பயணத்தின் முடிவில் எங்களுக்கு ஓய்வு தேவைப்பட்டது . எனவே ஒருநாள் கொழும்புவிலுள்ள கணேஷின் வீட்டில் தங்கிவிட்டு , மீண்டும் பயணத்தைத் தொடரலாம் என்று முடிவு செய்தோம் . இலங்கையின் எந்த மூலையில் இருந்தாலும் , நான்கு மணிநேர பயணத்தில் அல்லது அதற்கும் குறைவான நேரத்தில் கொழும்பு நகரத்தை அடைந்துவிட முடியும் . எனவே காலி நகரத்தைப் பார்த்து முடித்த பின்னர் , கொழும்புவிற்குப் புறப்பட்டோம் . இரவு 11 மணி அளவில் கொழும்பு நகரை அடைந்தோம் . வழியில் FOOD CITY எனப்படும் மிகப்பெரிய SUPER MARKET -ல் சமையலுக்குத் தேவையான காய்கறிகளையும் , பால் , தயிர் ஆகியவற்றை வாங்கிக்கொண்டோம் .

இரவில் நன்றாகத் தூங்கினோம் . மறுநாள் மதியம் சாப்பிட்டு முடித்த பின்னர் , கொழும்பு நகரைச் சுற்றிப் பார்க்கக் கிளம்பினோம் .

கொழும்பு நகரத்தின் வீதி ஒன்றில்.....
==================================

நகைக்கடை ஒன்றில் நகைகளைப் பார்வையிட்டபோது ....
===================================================