டொனால்டிரம்ப் தேர்தலில் வெற்றிபெறுவதே உலகம் எதிர்கொள்ளும் 10 முக்கிய ஆபத்துக்களில் ஒன்று

அமெரிக்க ஜனாதிபதி தேர்தலில் குடியரசுக்கட்சி சார்பில் போட்டியிடுவார் என எதிர்பார்க்கப்படும் டொனால்டிரம்ப் தேர்தலில் வெற்றிபெறுவதே உலகம் எதிர்கொள்ளும் 10 முக்கிய ஆபத்துக்களில் ஓன்றாக காணப்படுவதாக பொருளாதார புலனாய்வு பிரிவு என்ற சர்வதேச ஆராய்ச்சி நிறுவனம் தெரிவித்துள்ளது.


அவர் வெற்றிபெற்றால் உலகபொருளாதாரத்தில் குழப்பத்தை ஏற்படுத்துவார்,அமெரிக்காவில் பொருளதார மற்றும் பாதுகாப்பு நெருக்கடிகள் உருவாவதற்கு காரணமாக அமைவார் என அந்த அமைப்பு தெரிவித்துள்ளது.


பிரிட்டன் ஐரோப்பிய ஓன்றியத்திலிருந்து வெளியேறுவது மற்றும் தென்சீனாகடலில் ஆயுதமோதல்கள் ஏற்படுவதை விடவும் டிரம்ப் அமெரிக்க ஜனாதிபதியாக தெரிவுசெய்யப்படுவது ஆபத்தானது என பொருளாதார புலனாய்வு பிரிவு குறிப்பிட்டுள்ளது.எனினும் ஜனநாயக கட்சி சார்பில் போட்டியிடும் ஹிலாரி கிளின்டனே தேர்தலில் வெல்வதற்கான வாய்ப்புகள் அதிகம் எனவும் அந்த அமைப்பு குறிப்பிட்டுள்ளது.

டிரம்ப் இதுவரை தனது கொள்கைகள் குறித்து முழுமையான விபரங்கள் எதனையும் வெளியிடவில்லை அவர் தனது கொள்கைகளை அடிக்கடி மாற்றிக்கொண்டிருக்கின்றார்,அவர் சுதந்திர வர்த்தகத்தை சாடி வருகின்றார், சீனாவையும் கடுமையாக விமர்சித்து வருகின்றார், மெக்சிக்கோ மற்றும் சீனா குறித்த அவரது கடுமையான கருத்துக்கள் வர்த்தக மோதல் ஓன்றை துரிதமாக ஏற்படுத்தலாம்.




மத்திய கிழக்கு குறித்த அவரது கடுமையான நிலைப்பாடும்,அமெரிக்காவிற்கு முஸ்லீம்கள் விஜயம் மேற்கொள்வதை அவர் தடைசெய்வதும்,ஜிகாதி அமைப்புகளிற்கு உறுப்பினர்கள் அதிகமாவதற்கு காரணமாக அமையும் எனவும் தெரிவிக்கப்பட்டுள்ளது.

நன்றி குளோபல் தமிழ் நியூஸ் .