Latest topics

அரசியல்வாதிக்கு சாபம் விட்ட த்ரிஷா

ஈகரை தமிழ் களஞ்சியம் :: பொழுதுபோக்கு :: சினிமா

Page 1 of 1

அரசியல்வாதிக்கு சாபம் விட்ட த்ரிஷா

Post by ayyasamy ram Thu Mar 17, 2016 11:37 am

-

உத்தரகாண்ட் மாநிலத்தில் சட்டம்–ஒழுங்கு கெட்டு
விட்டதாகக் கூறி ஆளும் காங்கிரஸ் அரசை எதிர்த்து,
எதிர்க்கட்சியான பா.ஜ.க. ஆர்ப்பாட்டம் நடத்தியது.
-
அப்போது ஏற்பட்ட தள்ளு முள்ளுவில் சக்திமான்
என்ற போலீஸ் குதிரையின் கால் உடைந்தது.
இந்தச் சம்பவத்திற்கு
கடும் எதிர்ப்பை த்ரிஷா தெரிவித்துள்ளார்.
-
பா.ஜ.க. எம்.எல்.ஏ. கணேஷ் ஜோஷி கம்பால்
தாக்கியதில் குதிரையின் கால் உடைந்ததாக வீடியோ
காட்சிகள் இணையத்திலும் செய்தியிலும் வெளியாகின.
-
அந்த வீடியோவில் குதிரையை கணேஷ் ஜோஷி
கம்பால் கடுமையாக தாக்கும் காட்சிகள் இருந்தது.
சக்திமான் இனி நடக்கமுடியாத சூழ்நிலையில்
இருக்கிறது. இந்தச் சம்பவத்திற்கு பலரும் கடும்
எதிர்ப்புகளைத் தெரிவித்துவந்தனர்.
-
இந்நிலையில் த்ரிஷா ட்விட்டரில்,“ கண்டிக்கத்தக்க
கேவலமான செயல், இந்தச் செயலைச் செய்தவர்
நரகத்தில் பிறக்கவேண்டும் என்று வேண்டிக்கொள்கிறேன்”
என்று கூறியுள்ளார்.
-
தவிர, த்ரிஷா தெருநாய்களின் மறுவாழ்விற்கு பல்வேறு
பணிகளைச் செய்துவருபவர், கடந்த தீபாவளிக்குக் கூட
விலங்குகளுக்கு பாதிப்பில்லாத சத்தமில்லாத வெடி
பொருட்களையே பயன்படுத்துங்கள் என்று பிரச்சாரம்
செய்தவர்,
-
மேலும் விலங்குகள் நல வாரியத்தின்
விளம்பரத் தூதராக பல்வேறு நிகழ்ச்சிகளிலும்
பங்கேற்றவர் என்பது குறிப்பிடத்தக்கது.
-
----------------
--விகடன்

ayyasamy ram: வழிநடத்துனர்; பதிவுகள் : 84145
இணைந்தது : 30/09/2013