.மூன்று பேரும் வெள்ளைக்காரிகள் - விடுகதைகள்

by **ayyasamy ram** Wed Mar 16, 2016 7:08 pm

First topic message reminder :

1.தரையிலும் இருப்பான்; நீரிலும் இருப்பான்
வாலோடு பிறந்தவன்; வளர்ந்ததும் வாலை
இழந்தவன்
கை, கால் இரண்டு; கத்திக் கத்தியே கெடுவான்.
அது என்ன?
-
2.அந்தி கருக்கையிலே அம்பலத்திலே
ஆடுகிறான்
ஆடும் அவன் உடம்பெல்லாம் வண்ணக்
கண்கள் - அது என்ன?
-
3.பூவிலே நான் ஒரு வெள்ளைப்பூ
பூமி பார்த்து முகம் காட்டிச் சிரிப்பேன்
ஒரு எண்ணையின் பெயரைச் சொன்னால்
நான் யாரெனத் தெரியும்- அது என்ன?
-
4.யானைக்குப் பிடிக்கும், அடித்தால் வலிக்கும்
வாய் வைத்துக் கடித்தால், நுனி கசக்கும்
அடி இனிக்கும் அது என்ன?
-
5.அந்தரத்து மேடை,
கறுப்புத் திரை
ஒளியும் ஒலியும் சேர்ந்தே தோன்றும்
ஆனால் தொலைக்காட்சி அல்ல- அது என்ன?
-
6.அண்ணன், தம்பி மூன்று பேர்
ஒருவன் வீட்டில் வசிப்பான்
ஒருவன் காட்டில் வசிப்பான்
ஒருவன் நீரில் நீந்துவான் அது என்ன?
-
7.தான் தொட்டதை எல்லாம் சுட்டுத் தின்பான்
காற்றோடு கை வீசி பயம் காட்டுவான்
தண்ணீர் பட்டால் செத்துப் போய்விடுவான்.
அது என்ன?
-
8.மூன்று பேரும் வெள்ளைக்காரிகள்
தாய் இனிப்பாள்
மகள் புளிப்பாள்
பேத்தி மணப்பாள் அது என்ன?
-
9.பசிக்குத் தீனி தந்தால் குஷிதான்
தாகத்துக்கு நீர் தந்தால் ஓடி விடுவேன்.
அது என்ன?
-
10.உனக்கு முன்னாலும் போவேன்
பின்னாலும் தொடருவேன்
ஆனால் ஒரு போதும் மேலே போக
மாட்டேன். அது என்ன?
-
11.என் உடல் முழுதும் காற்று ஆனாலும்
நான் சுவாசிக்க மாட்டேன். அது என்ன?
-
----------------------
விடை தெரிந்தவர்கள் சொல்லுங்கள்