Latest topics

உலகக் கோப்பை டி20: நியூஸிலாந்து சுழலில் வீழ்ந்தது இந்தியா

ஈகரை தமிழ் களஞ்சியம் :: செய்திக் களஞ்சியம் :: விளையாட்டு செய்திகள்

Page 1 of 1

உலகக் கோப்பை டி20: நியூஸிலாந்து சுழலில் வீழ்ந்தது இந்தியா

Post by ayyasamy ram Wed Mar 16, 2016 8:55 am

இந்தியா - நியூஸிலாந்து அணிகளுக்கு இடையே
நாக்பூரில் நடைபெற்ற உலகக்கோப்பை டி20 கிரிக்கெட்
தொடரின் முதல் ஆட்டதில், நியூஸிலாந்து அணி
47 ரன்கள் வித்தியாசத்தில் வெற்றி கண்டது.
-
நியூஸி. அணியின் சுழற்பந்துவீச்சை சமாளிக்க
முடியாமல் திணறிய இந்திய வீரர்கள் அணிக்கு
தோல்வி தேடித் தந்தனர்.
-
127 ரன்கள் என்ற எளிய இலக்கை விரட்டிய இந்திய
அணி முதல் ஓவரிலேயே நாதன் மெக்கல்லம்மின்
சுழலுக்கு தவானை (1 ரன்) இழந்தது. 3-வது ஓவரை
வீசிய இடது கை சுழற்பந்து வீச்சாளர் சாண்டனர்,
அதே ஓவரில் ரோஹித் சர்மா (5 ரன்கள்), ரெய்னா
(1 ரன்) இருவரையும் வெளியேற்றினார்.
-
தொடர்ந்து யுவராஜ் சிங் (4 ரன்கள்) மெக்கல்லம்
பந்தில் பெவிலியன் திரும்ப பேட்டிங்கில் சற்று
நம்பிக்கை அளித்த விராட் கோலியும் (23 ரன்கள்)
சோதியின் லெக்பிரேக் பந்துவீச்சுக்கு வீழ்ந்தார்.
-
தொடர்ந்து பாண்டியா (1 ரன்), ஜடேஜா (0),
அஸ்வின் (10) என ஆட்டமிழக்க நியூஸிலாந்து
நிர்ணயித்த இலக்கு கைமீறிச் சென்றது. அதிரடியாக
ஆட முயன்ற தோனியும் 26 ரன்களுக்கு சாண்டனரின்
சுழலில் 18-வது ஓவரில் ஆட்டமிழந்தார்.
-
முடிவில் 18.1 ஓவரில் 79 ரன்களுக்கு அனைத்து
விக்கெட்டுகளையும் இழந்து 47 ரன்கள் வித்தியாசத்தில்
இந்தியா தோல்வி கண்டது. நியூஸி.யின் சுழற்
பந்துவீச்சாளர் சாண்டனர், 4 ஓவர்களில்
4 விக்கெட்டுகளை வீழ்த்தி 11 ரன்கள் மட்டுமே
கொடுத்திருந்தார்.
-
---------------------------
தமிழ் தி இந்து காம்

ayyasamy ram: வழிநடத்துனர்; பதிவுகள் : 84090
இணைந்தது : 30/09/2013